♦♦♦♦♦♦♦♦♦♦
" أرواح مُقيـده "
لو تدري بمعزتك والله لو تدري
لان يگضي العمُر ماصيحلك عمري .
بـقلمـي: جـنـَة الشمـري
♦♦♦♦♦♦♦♦♦♦♦
-كاعدين كُلنه بالصاله نضحك ونسولف وامي جابت طاري بيت ابو غيـث وگالت
منال:- سمعت بـ فيروزه
حازم:- شبيها ؟
منال:- جايها خطابة
حازم:- ماگال حارث شعجب
منال:- ماادري بس رافضه فيـروز
رزان:- ليش ؟
منال:- ام الوُلد شمسوية أريد تكُعد من 7 الصبح تنظف وتخبز وتسألها هاي عدسات عيونچ وشعرج صبغ وجهج خبطات
رزان:- أيييععع شمالها هـااي ؟
منال:- اندري يايمُـة ورفضت فيـروز
افنـان:- الولد وياها مُحامي وتكول خوش ولد بس امه مدري شبيها
رزان:- اهم شي الأم شيفيد اذا هو خوش ولد هواي طلاق صاير بالعراق من وره العمه
منال:- الله يهديهن ؏ جناينهن
-أباوع للـ حُر يراسل ويبتسم شعجب؟ وباله مو يمنه اصلاً صعدت فـوك ضايجه من بيتنه كُلشي مابَي ضوجه والله راسلت صديقتي كالت طالعين سفره للشمال لأن عطله اخير السنه وين اروح؟ هفففف خابرت فيروز گتلها نطلع كالت اشوف ابويه وارجعلج خبر نزلت اركض گلت لـ ابويه
حازم:- وين تروحن وحدجن بابا
افنـان:- چا شون ضايجه بابا والله
حازم:- عباس روح انتَ وياهن خطية
عباس:- والله ولا أروح نعسان اريد انام
افنـان:- من شوگت انتَ تنام من وكت شو تنام بـ 1 بليل
عباس:- اهووو والله ولا اروح تعبان
منال:- منروح باجر سفره احنه وبيت ابو غيـث وهيج نونس البنات
حازم:- اي والله صدك الجو حلو يرادله سفره وشوي هسه اشوف حارث
-أتصل ؏ ابو غيـث وضلو يسولفون ويضحكون سد الاتصال ابويه ورفع راسه مبتسم
