♦♦♦♦♦♦♦♦♦♦
" أرواح مُقيـده "
تُمر بية طوايف شوگ
واتذكر ضحكتك
وانسة كُل حزني .
بـقلمـي: جـنـَة الشمـري
♦♦♦♦♦♦♦♦♦♦♦
-مرت الأيام وبين دوامي وبين شغل البيت وكُل شهر مراجعة دكتور امي تروح ناخذها لو اني لو ابويه غيـث ابد ميقبل يروح معاند هل شـي وافنان يوميه تتصل عليه وتسولف وياي طلعتني من الضوجه وسوالفها حلوة وماتخلي واحد ماتسولف عليه بحيث اسرار بيتهم تسولفلياهه تكُـلي انتِ مو غريبه حتى مااسولفلج رجعت من الدوام صعدت بدلت وغسلت وابوية جايب غده ويا بس رتبته وكعدنه ناكل
♡♡♡♡♡♡♡
حازم:- ولك بويه ليش ماتريدها انتَ مو شفتها تخبل ونادره وخلوقه وغيرك يتمناها
الـحـُر:- مااريدهاااااا لا تلحوووون
منال:- عوفه عوفه خل ياخذها غيره والله لو اكبر منها عباس اله اخطبها اله المتعافي خايب هنيالك لو تاخذها جمال وجسم ونداره واخلاق والعيون يخبلن ملونات ووساع والوجه ابيض وشعرضه ماشاءالله ومربربه چا شتريد بعد !
الـحـُر:- غصبببب هيه مااريدهاااا
حازم:- چا شوكت تزوج؟ عمرك 31 سنه البگدك عدهم 3 اطفال واكثر
-باوع لـ ابويه بـ غضب وطلع ومانسمع اله باب المطبخ ينطبك حيل اله شويه يوكع ويتفلش اذا عصب بعد هاي هيه يگتل الكدامه كعدت امي وبچت
منال:- يعني شوكت اشوف جهاله مو صار عمري 50 سنه من اموت يلا يزوج
لؤي:- عوفو يمكن مايريدها ناخذها غصب والبنيه هادئه مبينه وهو عصبي مايتوالمون
منال:- ولك يمه مو شفتها هادئه وگلبها طيب وتگدر تلين اخوك
-سكت لؤي مااعرف شبـي هل ايام حُر اذا جبناله طاري الزواج يعصب بحيث مره شاركتهم الحديث ؏ زواجه ضربني راشدي واجاني بليل يعتذر لأن جان مايدري بنفسه وابد ميضحك بس ابتسامه وكوه تطلع من يمهه
رزان:- هاي نورسين تتصل عليكم تكول محد يجاوبني
منال:- ماندري هسه اتصل عليها
-صعـدت فـوك ضليت اقره كملت قرايه وصارت بـ 11 لفيت راسي ونمـت
♡♡♡♡♡♡
