♦♦♦♦♦♦♦♦♦♦
" ارواح مُقيـده "
لو تغِيب شويه عَني
أنه احِس رُوحي تغيب .
بقلمـي: جـنـَة الشمـري
♦♦♦♦♦♦♦♦♦♦♦
ام اروى:- عيوني موافقين تشرفونه بيتنه اهلاً وسهلاً
هبـه:- عيوني ام اروى تسلمين إن شاءالله نجي نتفق ؏ مهر
-ضلن يسولفن وغيـث صافن مامصدك راح يخطب امي گلت لأبويه كلها باجر روحيلها انتِ وحده من البنات خابرت الياس ماقبل كال رحتي قبل يومين كلساع رايحه عاد يُسـر تروح ويا امي
يُسـر:- يمُه لو خاطبه بت حماي تخبل
هبـه:- يمُه بت حماج عمرها 16 سنه بعدها صغيره واخوج اكبر منها
يُسـر:- اي واذا شگو بيها؟ اني ورجلي مو فرق 7 سنوات
هبـه:- اخوج ميريدها موحلوة البنيه
-طبعاً زوج يُسـر عمره 35 سنه دكتور قلبيه وخوش رجال حباب وجان مزوج قبل يُسـر وطلگها لان وكحه وماتخلف وازوج يُسـر ؏ حُب خمس سنوات
غيـث:- اگلج يُسـر جياتج كثرانه خاف زعلانه ويا الحُب
يُسـر:- لا عيوني هاي اختك مو هم تجي يوميه متكلها زعلانه
غيـث:- فيـروز تجينه يوميه؟ ولج تجينه بالاسبوع مره لو ماتجينه اصلاً
يُسـر:- وهسه شنو وجودي يزعجك؟
غيـث:- لا البيت بيتج ست يُسـر
-ثاني يوم امي ويُسـر راحن واتفقن ؏ غايب والحاضر 10 بـ 15 وحددو مشيه وحفله سوه يوم الأحد واليوم اربعاء ومرت الايام بسرعه واجه يـوم الأحد لبست فستان مثل بالصوره
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
-وشعري من جوه سويته كيرلي ومن فوك ناعم ومكياج طوخ وحذاء كعب ابيض ورشيت عُطر هاي شصرت اخبل
طبن خالتي اريـج ويُسـر وافنـان وسلسبيل ونورسين وشيرين
