♦♦♦♦♦♦♦♦♦♦♦
" ارواح مُقيـده"
" أحُبكَ ".
- لأن فيكَ كُل ما يثيُر نفَسي .
- ويأخذُ من رأسي عّقلي .
- والطَهارةً في قَلبي .
- لأنكَ الجَمالُ المُتربعّ فَي عّيني .
- والحَسنُ المعّقودُ فَي شِعّري .
- ويَضاعفُ النبَض في قلبي .
- ويرسمُ الحَبَّ على خَدي .
بـقلمـي: جـنـَة الشمري
♦♦♦♦♦♦♦♦♦♦♦
-فزيـت ؏ دكة الباب كام الياس فتح الباب سمعت صوت سوسن مدري شگلها وسد الباب باوعلي وابتسم
الياس:- صح النـوم ياحلـَو
فيـروز:- ابتسمت، منو دك الباب
الياس:- سوسن كومي ننزل جوه
-هزيت راسي بدلت وغسلت وهو هم بدل وغسل ونزلنه جوه سلمنه عليهم وكعدنه يمهم صاحتني عمتي رحت وراها
ام الياس:- هذا التحليل يمـُه اقري التعليمات ماكو داعي اشرحلج وصيحيني مااريد احد من البيت يعرف
-هزيت راسي ورحت للحمام سويت التعليمات وشويه وطلع خطين احمر ابتسمت بـ فـَرح وصحت عمتي اجت تركض
ام الياس:- هاا بشري؟
فيـروز:- حامل حامل
ام الياس:- گلللووووش يايمـُه فرحتيني واخيراً راح يجينه حفيد
-ابتسمت فرحانه حيل وطبعاً وصتني مااحجي لأي بشر بس هيه والياس مااعرف ليش المهُم صحت الياس صعد ورايه دخلنه للغرفه وسديت الباب حجيت بحماس
فيـروز:- حبيبي الك خبر يجنن
الياس:- ياالله شني؟
فيـروز:- اممم اني حامل
-صفن عليه ويرمش ممستوعب بعدين استوعب وشالني ويصيح
الياس:- صددددككك حااامل لو جذذذب
فيـروز:- والله حامل بس نزلني حبيبي لا يسمعوك
الياس:- مامصدك وابو فاضل
-ابتسمت وكلساع يبوسني ويشيلني وصيته مايحجي لأحد بس عمتي تدري هز راسه يضحك
الياس:- صارلي سنتين محروم من الطفل يعني هسه يلا راح اصير أب
فيـروز:- اي يروحـَي
