♦♦♦♦♦♦♦♦♦♦♦
" ارواح مُقيـده "
حَطنّي هيلة بمَاي گلبك
وشوفني شمحَلاتني .
بقلمـي: جـنـَة الشمـري
♦♦♦♦♦♦♦♦♦♦♦
هبـه:- يُسـر اجوها خطابة
فيـروز:- منـو؟
هبـه:- ناس مانعرفهم وهيه ماتقبل
فيـروز:- الولد شيشتغل شكد عمره
هبـه:- مُحامي وعمره 30 سنه وامه وابو ميتين واخوانه اثنين ومزوجين وهو عنده بيت وحده ومتقبل
فيـروز:- خوش قسمه شتريد بعد
هبـه:- اندري ماتقبل وابوج سأل عليهم خوش ناس والمنطقه تحلف بأخلاقهم
وهو الوسطاني
فيـروز:- تتبطر بنتج
هبـه:- اي والله گلت لخالتج گالت هنيالي لو يخطب بنتي
فيـروز:- خل يخطب صبا شو خوش بنيه وحلوه وعمرها 24 سنه بعدها صغيره وخريجة تحليلات
هبـه:- بعد عيب اگلهم اخطبو بت اختي
فيـروز:- منو الخطبها؟
هبـه:- اجن خالاته 3 وهم باجر يجن
فيـروز:- اني احجي وياهن عوفي هاي تولي خطيه صبا خوش بنيه وفقيره
هبـه:- خالتج تريده لـ تبارك مو لـ صبا
فيـروز:- يمه تبارك عمرها 28 سنه وبعدها مامزوجه وهسه اني مااتنمر بس البنيه شگلها موحلو وهل تشوفين ياهو اليجي ميخطبها وميريدها
هبـه:- اي صحيح
-گلت لألياس اريد ابات كال باتي ثاني يوم اجن النسوان صعدت لبست گلابيه خليجيه بنفسجيه مرتبه ومكياج خفيف وشعري ضفرته ضفيره صفح وطلعت خصل ورشيت عُطر وجانت وتر يم امي نزلت طبيت للأستقبال سلمت عليهن وگعدت يم امي جانت يُسـر كاعده ولابسه تراك ومبهذله نفسها حتى الولد يشرد منها ؏ هذا لبسها وشگلها النسوان ضلن يباوعلي ومبتسمات
حچت مره جبيره
-عيوني ام غيـث هاي الحليوة ام عيون شتصير منج
هبـه:- بنتي الصغيره
-فدوه لله شگد حلوة ماتنطوها النه
هبـه:- هههههه مزوجه وهاي بتها
