♦♦♦♦♦♦♦♦♦♦♦
" أرواح مُقيَّدة "
اخخ يا حزنك يگلبي . جمره مضمومهَ بجريده .
"بـ قلمـي: جـنـَة الشمـري"
♦♦♦♦♦♦♦♦♦♦♦
-مرت يومين وكعدت الصبح بـ 9 غسلت وصبحت ؏ امي رحت سبحت ولبست تراك ضيك عناد بي اعرفه راح يجي ويگعد وهو يضوج البس ضيك كدام أي شخص وشعري شديته ذيل حصان ومكياج خفيف ورشيت عُطر وكعدت اتريك ويا امي لان ابويه وغيـث بالدوام نزلت يُسـر لابسه دشداشه ضيگه ومن جوه بيها فتحات وهيه منا ضعيفه وطويله والدشداشه لونها احمر وشعرها فاتحته لان هم گصير ومكياج طوخ وبحضنها ابنها صبحت وكعدت بصف امي تتريك
هبـه:- يمـُه شهل دشداشه الضيگه ومكياجج طوخ مو عيـب
يُسـر:- هسه بس اني تحاجيني متحاجين الگاعده كبالج
هبـه:- فيـروزه راح يجي رجلها اكيد تلبس وتتگشخ من حقها انتِ شگو
يُسـر:- يعني ميصير البس لـ نفسي؟؟
هبـه:- البسي يمـُه البـسي
-من شفتها عاطت بأمي ضجت كُلشي ولا واحد يقهر امي ويضوجها صارت بـ 10 اندك الباب راحت يُسـر تركض تفتح الباب هزت ايدها امي
هبـه:- الي يشوفها يكول زوجها اجه
-سكتت گعدت بالمطبخ وهو دخل من باب الاستقبال وامي راحت يمهم شويه واجت يُسـر الضحگه شاكه حلكها وبعدها بدون شال واني من يجي رجلها البس شال من اول مازوجو لحد هسه استحي منه والبس شال وهاي الدشداشه ضيگه وياريت جسمها مبين منهه شي كُلشي ماكو ؏ كولة نسرين تكُلي جسم اختج جنهه جسم رجال ماكو اي شي بارز ضعيفه بشكل وطويله اخذت دولكة مي وكلاص وراحت مرت ساعه واسمع سوالفهم وضحكهم ضجت اشتعلت نار شفت سوسن تتصل عليه جاوبتها
سوسن:- هلاو شلونج فيـروز
فيـروز:- هلا حبيبتي الحمدلله وانتِ
سوسن:- زينـة اگُلج امي تتصل ؏ الياس شو ماكو؟
فيـروز:- ماادري والله عُمري خاف موبايله مخلص شحن هو استوه اجه من الدوام
سوسن:- هاا هيچ چا اكُلج معزومين باجر ؏ غده
فيـروز:- تمام حبيبتي إن شاءالله نجي
سوسن:- اممم مع سلامه
-سديت الخط وامي صاحتني اتنهدت وگمت وكفت باب الاستقبال وهو كاعد ؏ تخم وبصفه يُسـر لازگه نفسها لزك وهو يضحك وياها يعني متونس؟؟
