♦♦♦♦♦♦♦♦♦♦♦
"أرواح مُقيـده"
حَتى لو ينعاد كُلشي
حَتى لو شخصيّن مختلفين
جِنه بغير عالَم هَم أوازِي الرُوح بيك
"وهَم أحّبكَ"
بـقلمـي: جـنـَة الشـمـري
♦♦♦♦♦♦♦♦♦♦♦
-واشوف غيـث مدمه وگصته مشكوكه ويمشي گوه راد يوكع بسرعه لزمته من ايده صار حمله كُله عليه سديت الباب وكوه امشي هو ثكيل وطويل واني وين اگدرله كوه طببته للهول شافه ابويه ورگض
حارث:- شبـي؟؟؟
فيـروز:- ماادري
حارث:- احجي شبيك غيـث
غيـث:- بصعوبه، اتعاركت وضربوني
حارث:- استغفرالله مااخلص من مشاكلك جيبيلي السويج بسرعه
-جبتله السويج وراحو اخذه للمضمد يمكن امي جانت بالغرفه لان مابيها حيل وبس اكُللها توكع وتتخربط فـ گتلها اجه غيـث وصعد فوك يسبح صارت بـ 3 اجو بابا وغيـث مخيطين گصته وشاديله كانوله
حارث:- طلع الأخ فاشخينه بطل مال عصير الكزاز وچايه بـ گصته وهابط الضغط وشكلوله مُغذي
فيـروز:- ليش ويامن متعارك ؟
حارث:- سولف ويامن نسيت اسألك
غيـث:- من ردت ارجع من الدوام شفت سياره وره سيارتي طابگه اريد ارجع مااكدر وسياره كدامي فـ گلت للولد طلع سيارتك بلا زحمه اريد اروح جان يكول منو انتَ واطلع سيارتي علمودك !
گتله خويه بلا مشاكل اريد ارجع للبيت وتعبان ودايخ مارايد منك شـي بس طلعها جان يكول والله ولا اطلع سيارتي لو هسه منو يجي عفته وسألت ؏ سيارة الولد الكدامي كالو عنده اجتماع ومنكدر نطب ناخذ منه السويج حرت وين اروح فـ صارت بينه حجي وغلط وهذا لگه بطل كزاز بالكاع واشمره عليه واني منا دايخ وراسي مسطور اريد اسيطر مااكدر اخذ سيارته وشرد وخطيه اكو ولد ويانه جابني للبيت
حارث:- انتَ تعرفه؟ وياكم يشتغل
غيـث:- اي ويانه مثلي موضف بس جديد
حارث:- شهل طركاعه عوفه لا تحتك بي نوب لا يسوي شي بسيارتك
غيـث:- شحده غير انعل ابو
حارث:- اسگت ميـسي ميكعد
غيـث:- اهووو بويه خليني اجذب شويه
