♦♦♦♦♦♦♦♦♦♦
" أرواح مُقيـده "
مِن أخر متاهَات الضياع .
إلراگدة بروحّي لگيتكَ .
وَطَن لمَلمني وخَذاني بعّيد .
بـقلمـي: جـنـَة الشمـري
♦♦♦♦♦♦♦♦♦♦♦
-ابجـي ؏ حضي الفگر الذبني هنـااا !
صارلي شهر اني هنا محبوسه مثل الچلب محد سأل عليه معقوله اهلي والياس نسوني؟؟ بس اگيد لااا هُمه يحبوني اي اي اگيد دخل هذا الخبيث والوصخ
قاسم:- واخيراً راح اتونس بيـج
فيـروز:- انجبببب لا احط النعال بحلكك الخايس ابو الگمل
قاسم:- باع اللسان بت حروثي
فيـروز:- تروح فدوه لأبويه يالوصخ ابن الجايف دسبح ؏ الاقل شمالك تره المي بلاش والله !
قاسم:- لا اريدج انتِ تسبحيني
فيـروز:- دگل خر* اسبحك بالخيسه احسن
-ضحك مستهزاء وعافني وراح طبعاً هل شهر طلعلي لسان من وراهم اتعجبت جنت استحي من أي رجال وهسه صرت بالعكس عندي عادي !
•••••••••••••••
-گاعده اكل تفاح وبرتقال وامي تسولف ويا خالتي تخابرها وشيرين بالغرفه ولا تطلع ابد وحُر جزع منها يشگي منها وصخه وماتريده يتقرب منها وبس تخابر بأمها وخواتها وصارت تجاسر وتعاركنه حتى ويا نورسين ونورسين ضاجت منها وصارت تگرها وبس تحجي عليها ومر شهر ؏ خطف فيـروز وهواي دورو عليها ومالگو أي اثرر الها
والياس مشلوع گلبه عليها دائماً تحجيلي يُسـر واتفاجئت من صارلها شهر يم اهلها وهيه الي تغدي وتعشي الياس وتغسله ملابسه وكُلشي تسويله اتعجبت عايفه زوجها ومهتمه بـ خطيب اختها ! اذكرت هذاك اليوم وسرحـت بي
" 🔴العوده قبل شهر "
-انفتح باب المطبخ وطـب غيـث شكله تعبان وضعفان ولابس تراك اسود وشعره ؏ عيونه باوعلي وضل صافن عليه ردت اروح وحمحم وگال
غيـث:- افنـان اوگفـي
-درت وجهي مستحيه منه ولا مره يحجي وياي
غيـث:- احممم افنـان عادي تجيبيلي موبايلي فوك؟
افنـان:- تگدر انتَ تروح ليش الة اني؟
غيـث:- مو مستعجل حبابه جيبي
-هزيت راسي مثل الهبله وصعدت فوك طبعاً اعرف غرفته دخلت وبس اسمع طبكة الباب درت وجهي متفاجئه
غيـث !
وليش يطبك الباب شكو؟
