♦♦♦♦♦♦♦♦♦♦♦
" أرواح مُقيـده "
آنه اخاف مِن ألامان الماهو يمّك
آنه كُل خنكاتي چي ما جاي أشمّك
شليّ بعيوني؟ يَبعد عيُوني
إذا مُو بيّها أضُمك .
بـقلمـي: جـنـَة الـشمـري
♦♦♦♦♦♦♦♦♦♦♦
-فرگت عيوني حيـل اتخيـل المنظر أريد اصدك هذا غيـث شيسوي ؟ چايب ويا بنيه بعدها صغيره يچي عمرها 17 أو اصغر مااعرف ولابسه عبايه ومكياجاصير ووخ والشعر اصفر ونصه طالع من العباية ضربت ؏ خدي وهمست
فيـروز:- هاااي شنـوو غيـث ؟
غيـث:- شعليج انتِ روحـي نامـي لا امي تحس وتگعد امشي حبيبتي
فيـروز:- لك غيـث ونبي اخابر ابويه ويرزلك شدددسوي انتَ وانتِ شلون قبلتي تچين ويا وبعدج زعطوطه !
-حچـت وهيه تعدل بعبايتها واطك بعلجها
زينـب:- اخوج اخذني قابل اگُله لا مااروح وياك وبعدين وخري من طريقنه خل نشوف شغلنه
فيـروز:- عزه بعينچ شكد عاهره شكد عمرج؟؟
زينـب:- وشتردين بـ عمري تخطبيني؟ وراح اگلج شكد عُمري 18 سنه
فيـروز:- مطببها غيـث امشو اطلعوو برره
غيـث:- لجج تره لا تضلين تحجين هيج حجي اطببها وغصباً عليج و؏ الاكبر منج
فيـروز:- غيـث بأتصال واحد تخرب حياتك صدگني
غيـث:- خل تخرب اني رجال واريد احتياجاتي انتِ شكو؟
فيـروز:- الي يسوي هيچ ماينعد ؏ زلم
غيـث:- فيـروززز وخـرررري من طريقييي
-ضربني راشدي ودفعني حيل بالگاع وگعت وطاحت دمعتي اخويه يضربني علمود وحده من الملاهي ومتسوه ربع مشت وهيه تضحك بضحكتها الوصخه صعدت فوك وتمددت ؏ جربايتي وشبعت بچـي اخويه يجيب وحده كح** من الملاهي غفيت ماادري بنفسـَي
-فزيت ثانـي يوم بـ 11 وربع گمت نزلت جوه غسلت وشفت امي كاعده تخابر كعدت يمها عرفت خالتي كملت اتصال وباوعتلي وأبتسمت
هبـه:- هلا بـ فيروزي شبيچ ماما وجهج اصفر؟
فيـروز:- مابية شـي غيـث طلع للشغل؟
هبـه:- أي طلع قبل شويه
-هزيت راسي وسكتت سويت ريوك لأمي ولا اشتهي اخذت حبايه وجع راس المن اسولف؟ اله اختي خابرت يُسـر شويه وجاوبتني حجيتلها كُلشي
يُسـر:- هذا اخوج صدُك يحجي يجيب كح** للبيت؟ لو ابويه يعرف اله يشـك حلگه شهل قذاره ونوب بالحرام
فيـروز:- ولج متت يُسـر اذا حجيت لأبويه يطرده وين يروح اذا راح لـ جماعته يسقط بعد اگثر وامي تتمرض بالزايد وخايفه لا توكع وتروح من يمنه
وابقى ؏ رحمته بس يزوج ينساني وميفگر عنده أخت اصلاً
يُسـر:- يروحـَي انتِ لا تقلقين ربج يحلها خيولي عوفي لا تحاجي ازعلي ويا هسه هو يحس بقيمتج ويعتذر منج
-ضليت احجي وياها شويه وسديت الخط ومرت الايام واني مااحجي ويا غيـث وابويه وامي لاحضو بس گتلهم مشكله صارت بيني وبينه وزعلت ويا حتى يتعدل وهمه سكتو اليوم اول يوم دوام بالمحكمه كعدت الصبح بـ 6 ونص نشيطه ومگيفه لبسـت بنطرون قماش أسود وقميص اسود وستره سوده وشيله بيضه وحذاء كعب اسود وجنطه بيضه ومكياج طوخته هل مره ورشيت عُطر طلعت فدشي نزلت جوه اتريگت عسريع واخذني ابويه ضل يوصي بيه يگول اول ابتدائي ابتسمت ؏ حنيته بسته بخده ونزلت ولبست روب المُحاماه واتعرفت ؏ بنيه كُلش حبابه وفقيره وصارلها من تشتغل سنتين هنا اكبر مني وعمرها 26 سنه ومخطوبه لأبن عمها ؏ حُب وبس تسولف بـَي
نسرين:- ولج احبببه شگد نتعارك بس بدقيقه نتراضه مانكدر ؏ فراك
فيـروز:- الله يحفظكم حبيبي
-ضلينه نسولف ونشاقه صارت بـ 12 ونص رجعت للبيت سلمت ؏ ماما وابويه بعده ماچاي وغيـث بالشغل صعدت بدلت وغسلت
هبـه:- شلونج يمـة شلون الشغل وياچ
فيـروز:- لا الحمدالله زين خل اكوم اسوي غده
هبـه:- عليمن خابري غيـث يجيب ويا اكل
فيـروز:- لا اني اسوي
-گمت سويت تمن وفاصوليه وزلاطه ولبن وانتظرنه ابويه شويه وأجه سلم وراح يسبح شويه وأجه صبيت الغده وگعدنة نتغده
حارث:- لعد غيـث وينة ؟
هبـه:- بشغل
حارث:- ويضل لـ 1 ونص تره دوامه بـ 12 ينتهي
هبـه:- خاف راح يـم جماعتة
حارث:- استغفرالله هل ولد راح يجلطني
-كملنه غده وغسلت المواعين وصبيت چاي لـ ابويه وامـي
حارث:- بابا جيبيلي الموبايل اخابر اخوج المسربت
-انطيته الموبايل ودك ؏ غيـث يتصل وماكو ميجاوب
حارث:- هاي خامس مكالمه وميجاوب
هبـه:- خـاف طافي شحن
حارث:- خل اخابر صديقه همزين عندي رقمه
-اتصل ؏ صديقه وجاوبه وشويه وسد الاتصال
حارث:- يگول ماادري بـي من البارحه مشايفة
هبـه:- شوفه حارث خاف بـي شـي
-ضل ابويه يتصل عليه وميجاوب اندك البـاب ورحـت فتحته واشوف غيـث...
يتبع.... ♥🔥
