♦♦♦♦♦♦♦♦♦♦♦
" ارواح مُقيـده "
ردتَ أشوفك
حتى أغنيلك لَفهتي
وردت أگِلك
مِن مَشيت ؟
الشيب لم روحة بگذلتي
بـقلمـي: جـنـَة الشمـري
♦♦♦♦♦♦♦♦♦♦♦
افنـان:- باعـي أبويه اسمه حازم عمره 52 سنه جان هماتين عميد ركُن نفس ابوج بس اتقاعد قبل سنتين لان تعـَب وامي اسمها منال عمرها 50 سنـه ربة بيـت
عندي 4 أخوان و احنه 3 بنـات
اخويه الجبير الـ حُر عمـره 31 سنه ضابط بالاستخبارات ومال ابتزاز ومدري شنو ومامزوج
واخويه ثانـي اسمه ادم عمره 28 سنه مُهندس ومزوج وحده غريبه وعدهم اثنين جهال وصاير طلي لـ مرته وعازل
فيـروز:- هههههه كملي
واخويـه هذا الـي گاعد اسمه لؤي عمره 27 سنه دكتور عيون وهاي زوجته رزان عمرها 26 سنه مُدرسة فنيه وحالياً حامل شكد صارلج؟
رزان:- 6 اشهر
فيـروز:- الله يگومج بالسلامه حبيبتي
رزان:- يعمـري انتِ
-اي المهم واختي اسمها سلسبيل عمرها 26 سنه مُدرسة كيمياء ومزوجه غريـب وعدهم ولد واحد
واختـي الثانيه اسمها نورسين عمرها 24 سنه موضفه وازوجت قبل 5 اشهر وحالياً حامل بشهر الثالث
واخويه عباس عمره 23 سنه يدرس مرحله خامسه اخيره صيدلة
واني اخير وحده اسمي افنـان وعمري 21 سنه وادرس كُليه مرحله ثالثه تربيه
فيـروز:- يعمري الله يحفظكم بس يراد عقلي ينفتح حتى احفظكم
رزان:- هههههه مثلي اول مااجيت يمهم كُلشي مااعرف بس افنـان جانت المقربه عليه استحي منهم كُلهم
-ضحكت وصبيت عشه وساعدني البنات وغيـث فرش السفره والبنات ينگلن الاكل واني اصـب كملت وكتلهن روحن اكعدن
افنـان:- خاف محتـاجه شـي؟
فيـروز:- لا يروحـَي كُلشي ممحتاجه روحي اتعشـي
-هزت راسها وراحت طبيت وراها
حازم:- تعاي بويه اتعشـي
