♦♦♦♦♦♦♦♦♦♦♦
" أرواح مُقيـده "
صَحيح البَيني وبيّنك مَسافَات
لچَّن گُربَك گرب روُحي عَليه .
بـقلمـي: جـنـَة الشمـري
♦♦♦♦♦♦♦♦♦♦♦
-فزيـت ثانـي يـَوم ؏ صوت المنبه الساعه بـ 6 ونص كُل يوميه اكعد هيج وقت اسوي ريـوك لـ بابا وغيـث وهم اشوف امي شمحتاجه بدلت ونزلـت جوه غسلت وفرچت اسنانـي وشويه وگعد بابا بسته بخده
فيـروز:- صباح الورد يااحلى أب
حارث:- صباح الأنوار يابعد چلاوي
-أبتسمت وسويت ريـوك وكعد غيث غسل واجو كعدو شفت امي نايمه سوده عليه ياماما وچها ذبلان
حارث:- وچها ذبلان موو ؟
فيـروز:- أي سوده علية
حارث:- اليوم موعدها مال دكتور غيـث انتَ اخذها
غيـث:- وين اني عندي طلعه ويا جماعتي
فيـروز:- اني وياها نروح بابا لا تقلق ميحتاج غيـث
حارث:- استغفرالله هاي هية بويه
-شفت ابويه ضاج وغيـث كلساع يرفع راسه ويرجع ياكل گلبه طيب بس من وره جماعته يحشون براسه غسلت المواعين وهمه بدلو وراحـو صعدت نمت نعسانه
-فزيـت بـ 11 ونص كمت غسلت وشفت امي كاعده بستها براسها وخدودها
فيـروز:- صباح الخدود الحلوة
هبـه:- بأبتسامه، هلا يمه صباح العافيه
فيـروز:- خل اكوم اسوي ريـوك نتريك اني وياج
هبـه:- مااشتهي والله
فيـروز:- لا تاگلين وجهج ذبلان وين خدودج الحلوة؟
هبـه:- أبتسمت، براحتج بعد گلبي
-ابتسمت وسويت ريوك وكعدنه نتريك واسولف وياها
فيـروز:- صُدك اليوم اخذج للدكتور
هبـه:- ليش مو ابوج ياخذني؟
فيـروز:- بابا اليوم عنده شغل گال يمكن العصر اجـي وغيـث عنده طلعه ويا جماعته
هبـه:- هاي هيـه يمُه
-شلت الصينيه وغسلت المواعين ونظفت البيت نظيف بس مااحب الوصاخه ولازم يوميه انظف واغسل متعلمه من امي وسويت غده لأن غيـث يجـي صارت بـ 12 ونص اندك الباب فتحته دخل غيـث سلم وراح يبدل شويه ونزل صاح
