الكاتبه #آيـة_مُحَمّد
بارت ٢
اكرم : سليمه ﭑنـتـي شلون هيج تصرفين من كيفج
- وشمسويه اني بَـــس رديت بيها تريد مرة لابنها
- وانتي ماتدرين بابنها شنو؟ ﭑنـتـي عبالج راح اوافق من تخليني امام الامر الواقع؟
- اني شسويت قابل
- لج بابا هَــذا واحد شراني مايخاف الله المنطقه كلها تعرفه هوه شنو وطينته شنو
- اي وشبي لان يسكر
- وشنو اليسكر حلوة؟ ومنو كلج بَـــس يسكر منو ضاحك عليج لج بابا هَــذا شوية ويصير ارهابي
- كول يا الله يمعود
- لما كلكم جنتوا تشربون وعدكم سوالف مكسرة وبناتت وماتجون الاوجه الصبح كول غلط وهااا من تزوجتك عقلت انته
- تقارنيني بهذا شوفي اذا صارت خطبه شذر من هَــذا الولد اعتبري يوم طلاكج
- اي طلكني عَــادي حتى كبل اشحتك من البيت بَـــس انته والملابس العليك خاف نسيت البيت بأسمي
- ﭑنـتـي ماتخافين ربج تلزميني من الايد التوجعني وشنو يعني البيت باسمج اني هنا رجال هالبيت وكلمتي المسموعه والماشيه مو ﭑنـتـي الي تجين تقيميني
- هَــسه انته شتريد ؟ شذر وراح ازوجهه مو لهذا لغير واحد
- زوجيههه يا مرة منو كلج لااااا بَـــس مو لهل بشر
- واللــه شلونه وشحلاته واذا يشرب ﭑنـتَ شبيك
- هاي امانه اهلها عندي
- ومارايحه لبعيد هاي هَــيه جوارينه يا اكرم عوفهه عليــة وهيه تصلحه اكيد بيت ومرة وجهال ڪــافي خل تعيش حياتهه
- كلشي يصير لشذر ﭑنـتـي تتحملين مسؤوليته
- هاهيه عيني بَـــس عوفهه عليــة
شذر : يعني راح ازوج واخلص من سليمه النحسه وبتها سيرين؟
كلش فرحت والفرحه ماسايعتني راح اعيش حَــياتــي
————————-
مر أسبوع وصار وقت الخطبه كلش جنت متوترة
اني ماشايفه الولد بَـــس سيرين كالت حلو لان تشوفه مرات من تطلع لدوامها
اشترتلي سليمه فستان ذهبي
وسويت شعري ويفي صار كلش قصييييير
ومكياج كلش قليل لان ماعرف اخلي هواي
بدت الحفله واجتي ام مهاب ووياها صديقاتها
عرفتني عليهن
بَـــس الغريب ماذكرت وحدة من كرايبها؟
لَـــيش ؟
مو المفروض بهيج مناسبه يبينون ؟
كملت بعدها طبيعي
صاحوا خلي تجي البنيه حتى نعقد
كعدت يم باب الصاله وغطن راسي ب شال
والقران بايدي ومخليه رجليه بمي وهيل
واردد ورة الشيخ
بنتي شذر سمنار احمد
تقبلين الزواج من مهاب عواد صادق زوج الج بدون اي ضغط بالمهر المقرر المقدم ٩ والمؤخر ١٢
نعم اقبل وانتَ وكيلي
جان الصوت بعيد هواي وعالي
بَـــس تم العقد
كعدت بمكاني شوية واجه دخل
ماكدرت ارفع راسي واشوفه أحِس الخجل اكلني
كعد بصفي والعطر كفخني من كد ماقوي
باوعت علي وهوه جان مركز على ملامحي
كلش جان حِلو
ملامحه حادة كلش
لحيته عاليه وجسمه ضخم كلش
عندة شعر خفيف وقريباً للصلعه
بَـــس لحيته طاغيه ومجملته
ضليت صافنه علي
فززني
- وين شردتي ؟
- وياك
- الف مبروك
- الله يبارك بيك
- امي شرحتلي ملامحج حلوة بَـــس بالحقيقه احلى قطع كلامنه صوت انعام يلا أبني لبسها الذهب
عبارة عن تراجي وحلقه وكلادة كلش نازكه وصغيرة
أنت تقرأ
ترتيل اسد عاشق
Short Storyتَدور حَول اخ ظالِم واخ حَنون يَسعى لحماية زِوجه أخية ووالدته يدخُل الحب قَلبة رُغماً عَن حِدودة يُسمى أسد عاشق ( ابو رايه ) . للكاتبه #آيـة_مُحَمّد
