ترتيل اسد عاشق

بـارت 28

من طلع مني مهاب بعد ما اتواجد بلبيت ابداً
٣ ايام هوه ماكو
وكالهادة الحراس الهم ومايزيدون ومحاوطين البيت كله
مانعرف شي عنه ولا اني ومريم شِنو بلضبط بلبيت
وجه الحارس آبد ما يتفسر ومخبوص يوجه ويجيب ويخلي

كل ما تسئله مريم جوابه بَس
مشغول راح يرجع
ماكو غير هالجمله التوتر واضح على مريم رغم مو اول مرة هالكد يختفي عَادي اكثر الوقت هوه برة
صافنه عليها وعلى بجيها
وتذكرت
تذكرت من رابيل أختفى اسبوع واني روحَي مفرفحه علي الف فكرة اجتي ببالي علي ـلآ اكل ـلآ نوم اريد بَس اشوفه واكل عِيوني بشوفته
شريط رئبال صَار كـدام عِيوني
غمضت عِيوني برهاوه

- نسوي ورق عنب ضوجه شتكولين ؟
- ـلآ تحجين وياي ماللي خلك
- نكضي وقت شوية ضوجه وعلما يجي وتشوفي
بلموت قنعتها
اتوجهنه للمطبخ هَيه تسوي الحشو واني الف
حاولت اكسر الحاجز واحجي وياها

- يرجع ـلآ تخافين
- برطمت ورادت تبجي ، يمعودة خلينه نسولف مثل الاوادم
- اخاف علي مو بيدي
- هالكد تحبينه؟
- مو بَس احبه ابوس التراب الي يمشي عليها ما الي احد غيرة
- ابتسمت ، كملي شلوَن اتعرفوا ؟
- بلمختصر اني وبابا وماما جنه نشتغل ببيت ابو القاسم صاحبه لمهاب وصار هجوم ع البيت واتوفوا اهلي وبعد من الحراس ٣ بَس اني ضميت روحَي لان صغيرة واخاف
من فضت اجه ابو القاسم متخبل لان ٥ جثث ببيتنه ميتين اعتدوا على بيته
انشغل ووداني لمهاب ببيته اشتغل خدامه
وورة فترة رجع يريد ياخذني يبيعني
بَس مهاب ما قبل وكاله اريد اشتريها اني
ومن هذاك اليوم
اني تسجلت بأسمه لو ما ماخذني جان الله اعلم بيا مزبله اني
- زَين سوة خير واحد لحياته
- مهاب حباب وحنون كلش مرات بَس مايحب احد يضوجه
- الله يديمكم ، ماسئلتي على شعري
- اعرف كلشي ماداعي تسئليني ، بَس وياج هيج يتصرف
- اني ما اطيقه
- افرضي يحبج ؟
- افضل الموت ولا يحبني هوه
سكتنه دقايق
ايدي وجعتني حسيت انفتح الجرح
ضليت الوب بَس كملت اريد اغير نفسيتي شوية
انتظرنه الطبخه تكمل عزلنه المطبخ
كسرت سكوتنه من حجت

- الي عرفته أنتِ طارحه ؟
- آي قبل
- جان يريد منج طفل ؟
- ـلآ مريم ما مقررين اصلاً ، شمدريج !
- والله سمعتكم ذاك ليوم جان صوتكم عالي
- آي اخذتي جواب
- سولفي عن حياتج قبل أنتِ ومهاب
- هههههههه شكد فضوليه أنتِ
- دسولفي
- ماعشت ويه مهاب والله هِواي كلش قليل كلش عشت وي رئبال سنه كامله فماعرف هِواي شغلات عن مهاب
- حبيتي أنتِ ؟
- ماعرف مشاعري شِنو تجاهه جان ملجأي وما الي احد غيرة
الانسان الوحيد الي اثق بي الوحيد الي اكل وياه بماعون واحد ما اخاف منه ولا استحي مخليني على راحتي بكلشي
احنه حَتى طبخ نطبخ سوة يساعدني يغسل الاماعين هههههه هِواي شغلات حافظ عليه ماباوعلي بنظرة غلط ابداً