ترتيل اسد عاشق

بـارت 6

الكاتبة #آيـة_مُحَمّد

بـارت 6

شذر : دخلت بمتاهه ماعرف شلوَن اطلع منها شي كلش صعب ماعرف الي سويناه صَح ولا غلط ؟ رئبال خلصني من ظلم وحقارة وبنفس الوقت مهاب ماعرف شِنو تفكيرة هَذا تجاهي !
الي سواه رئبال وياي ماكو ولا ذرة شك يخلي يشك بيه
لِيش هيج سوة ؟
أخذني التفكير واني مـا ادري شلوَن راح اكضي ايامي الجايه ماعرف راح نضل نشرد من مهاب لو نرجع ؟

_______________
كعدت ب ٩ الصبح
طلعت من الغرفه ضليت اادور على رئبال ماكو!
دخلت للمطبخ واريد اسويلي تيوك بطني كلش تاذيني
قطع تفكيري صوت اتصال
اتتبعت الصوت وجان جهاز صغير ع الميز
شفت الاسم مكتوب رئبال

فتحت الخط محجيت شي

- شذرررر اني رئبال
- وَين رحت رئبال
- اني بخير ساعتين وراجع للشقه ـلآ تفتحين لباب لاي بشر ابدددا يمج ريوك تريكي واكعدي باوعي ع التلفزيون
- ....
- شذرررررر مثل ماكتلج
- ماشي بَس لتطول

سديت الخط وكملت ريوكي نضفت البيت كلش زَين ودخلت اسبح
النزيف بعدة مامتوقف
اخذت علاج
وكعدت اتفرج ع التلفزيون اكلب بملل
وصوت الباب انفتح

- الله بلخير
- اهلاً
- شلونج اليوم شلوَن صرتي ( يحجي وينزع بحذائه )
- زينه أنتَ وَين رحت من الصبح؟
- لبيت ابوية
- بيت مهاب ؟
- بيت ابوية هَذا مو مهاب
- شِنو صَار ؟ امك شلونها
- اسمها عمتي شذر شبيج
- ......
- هَسه بَس خل اغسل وابدل واسولفلج

..............
اخذ وقت ورجع حجه وياي

- راح اوصي على غدة شتحبين
- أنتَ شراح توصيلك؟
- لفات كص
- اني هم وياك وحدة
- .....
- سولفلي ؟ شِنو صَار شلوَن رحت
- رحت الصبح محد جان بلبيت بَس امي
- آي ؟
- اجذب عليج اذا آكُلج زينه كلش نقهورة ضلت تعاتبني ومارضت على الي سويته
- وبعد ؟
- حجيتلها كلشي وهم ما اقتنعت بكلامي
- حقها
- اعرف بَس اني ماكدر اخليج بأيد مهاب سكتت اول مرة الثانيه مستحيل رغم دا يدور علينه مثل المخبل بَس ماكدر
- شذر طاوعيني
- رئبال الي سويناه غلط خلي نرجع
- اني صَار ساعه شحجي؟؟
- تردين تموتين كليلي اني ماشايف مرة تروح برجليها للنار للموت
- أنتَ مامجبور تحميني
- رجولتي ماتسمحلي اني مو مثل مهاب انسان حقير ولا ضمير ولا انسانيه
- ......
- خليج ساكته احسن

___________

وصل الاكل وبلشنه ناكل بهدوء
كسر هدوئنه من حجه

- اريد اسئلج شي خاص والج مطلق الحرية تجاوبين او ـلآ
- شِنو سؤالك ؟
- ياكل وعيونه بكل مكان ماعدايه شلوَن جانت تصرفات مهاب وياج
- بلخطوبه ماشفته بَس مرة او مرتين ماكعدت وياه هِواي وبعدها صَار العرس بسرعه
- شصار بيوم العرس تحديداً ؟؟
- شِنو يعني !
- الي فهمته أنتِ من الصبح تعاركتي وي مهاب او بلصبحيه شِنو جان السبب
- اساساً من الساعه ب ٣ نتعارك
- ضحك آي لِيش؟
- لان من خلص العرس نمت وهوه بقه فزيت الفجر وشفته كاعد بلصاله يشرب وسلاح بايدة ينظفه والجو الي جان بي وحدة يقلق الواحد
- وشصار بعد ماشفتي سولفيلي شلوَن رجعتي بعدها وياه طبيعيه وصرتوا زينين واتتممكم زواجكم لاخر حبه ؟
- اعتدى عليه بيومها لان نفرته
- ضربج ؟
- ضربني وتمم زواجنه بابشع طريقه
- مو بعيدة علي
- اني نفرته وماردته ابداً حَتى وجه الصبح انتحرت وللاسف لحك عليه وساعدني
- اعتدى عليج للمرة الثانيه!
- ـلآ ماخليته يتقرب مني بعد
- بتعجب مرة وحدة !
- هزيت راسي بمعنى آي
- وليش جان يضربج ويحبسج
- لان انقرف منه وماكدر اتقبل وجودة يمي وهوه جان مطبق كلام كلشي ولا تنهان رجولته
- بأستهزاء عندة رجوله مهاب آي
- لِيش تكره اخوك ؟؟
- ماكرهه اضوج منه
- لِيش
- لتدوخسن راسج أنتِ سولفيلي شلوَن جانت حياتج اهلج شلوَن توفو
- رئبال اني من طفله وتوفوا اهلي اخوية اكبر مني بسنتين حسب ماسمعت جان ديلعب بلحداحه وميفهم وحرك البردة مال الصاله ابوية وامي واني نايمين بلغرفه الي بلطابق الثاني ماحاسين بعدها احترك جزء كلش جبير من البيت اخوية شاف النار كلش خاف رجع نام بغرفته ما اجه كعد اهلي بعدها وصلت لنار للطابق الثاني اهلي حسوا ع الحريق حاولوا بكل الطرق يطلعون ويطلعوني اني واخوية سيف بَس ماكدروا
- عبروني بَس اني واخوية اخوية اختنك من الحريق وتوفه واهلي مالحكوا عليهم لان وصلت النار للمخزن وبي قناني مال غاز ف انفجر .
- الله يرحمهم
- ويرحم موتاك ، بعدها اخذوني بيت عمي اكرم لان ماجان عندي عمام ولا عمات بَس هوه واهل امي متوفين وامي وحيدتهم ف ربوني وعشت حَياتـي اشبه بحياه الخدامه مابيدي شي سليمه عذبتني هِواي حركتني من دراستي وجنت عايشه بغرفه حرام اسميها غرفه صدك وعمي شورة كله بايد مرته هَيه تمشي بكيفها واني هيج عشت حَياتـي جانت صعبه ومن تزوجت مهاب صارت اصعب
- الله يعوضج خير ان شاءالله