الكاتبه #آيــة_مُحَمَد
عَودة
رئبال : قطعت الاتصال من مروان
فَززني صوت قبس
- حَبيبي حتروح ؟
- آي منتظر حواله
- اني انطيك شكد تريد
- ـلآ عندي ـلآ تهتمين
- رئبال
- گلبه
- ـلآ تكطع بيه .. باستني بخِفه كلشي رح يتصلح و نصير سوة
- ان شاءالله حبيبتي
طلعت من قبس شي ساعه ووصلتني الحواله
أفتريت حَتى اضيع وقت اشتريت سيت ملابس حسيت بديت اعرك وايدي توجعني توجهت للمضمد ضمدها ألي
اخذت مسكنات اول فندق صَار بوجهي حجزت بي يومين
اخذت مفتاح الغرفه وصعدت
فتحت الباب نزعت ملابسي وشمرت روحَي ع الجربايه
دخلت بسبات مرت ساعات كلش طويله واني نايم
فَزيت على اتصال مروان
- السلام عليكم خويي
- وعليكم السلاام
- شوكت ترجع مو جنك طولت مامرتاحلك
- مابيه شي راجع بَس اكمل شغلي
- شغليش ؟ شعندك أنتَ ؟
- مروان شغلي ـلآ تدخل بي خليني بيد هالفترة شذر وانت دا تدير بالك عليها
- أنتَ ناسي اني صاحبك من سنين واعرفك ؟
- ماناسي بَس صدكني ماكو شي اني من اجي اسولفلك هوه شغل شَكو غيرة
- - ومرة اخوك ؟
- شوفني بيها ، ـلآ تقصر عليها بشي
- ان شاءالله
- يلا اني رايح محتاج شي
- سلامتك
- هلا
قطعت الاتصال وضَليت افكر شسوي ؟
شوكت ارجع شلوَن بيها شذر
تَعبت كلش هِواي من التفكير خَطر اروح لأمي
وخطر عليها ادخل وسيط مايخفى شي عن مهاب
وبنفس الوقت ماريد ااذيها واخليها تشك اني مهدد
كمت من فراشي وعفتها على الله دخلت سبحت
لبست ملابسي وشفقه ومناظر
لفيت ايدي شلوَن ماجان طلعت من الفندق رحت لمضمد عقمها الي ولفها خَليت حزام او المشياله لأيدي لان تلجمني وجعها ـلآ يطاااق ..
توجهت لوجبه سريعه نَزلت اكل مَرتين
كملت كلشي
شفت مسافه ٥ دقايق ع الامامين الجوادين عليهما السلام ببغداد
توجهت مشي للضريح
دخلت زرت وضليت وقت كلش طويل شَكو شي بكلبي حجيته ارتاحيت كلش
طِلعت وسلمت وختمتها احلفكم بلزهره اكضوا مشكلتي
طلعت من الامامين نَزلت اكل بمطعم مقابيل الامام بَس ماعجبني ابداً حجزت غرفه بَس هالليله واخذت قراري باجر ارجع لشذر
بعد ما تأكدت ما وراي آي ملاحقه . وبعد تواصلي وي الشرطه كلشي تَمام .
دخلت للغرفه
عيني ما اخذت نوم ابد رحت زرت مرة الثانيه وتوكلت على الله
طَريق بغداد - البصرة
رايح للبصرة واني شايل وياي حِمل خوفاً على امي خوفاً على شذرة
مَكسور من اخوية احمي امي وزوجه اخوية وعائلتي من اخوية الجبير نفسه ؟ الاخوان يتعاركون على ورث على قطعه على بيت مو اني احمي امي وزوجته منه منو يصدكها هاي ؟
ماعندي تفكير غير بهذا الموضوع
اخذنه الوقت ووصلنه للبصرة
اخذت عبريه ورحت للمنطقه الي بيها شقتي
تَردد خوف قلق شكللها على ايدي ؟
وَين راحن اصابعي !
ماعندي حَتى عذر مقنع
صعدت للشقه دكيت الباب
دَكتين والثالثه فِتحته
شايفتني من العين السحريه
فتحت الباب وَذبت نفسها عليه
أخذتها بكل ما املك من قوة لحِضني
- مشتاقلج ابوية انتِ
- حَبيبي رابيل عِيوني كلبي خوفتني عليك وَين جِنت
- اجيتج وعيونج مو كِتلج جايج
- طولت هِواي اخذت روحَي وياك ما عودتني هالكد تعوفني
- خليني ادخل
- ادخل بابا
- ابتسمت ودخلت انفتح كَلبي ويه ما دا انزع حِذائي سمعت شهكتها
- اسم الله شبيج ابوية
- شبيها ايدك مكسوووورة ؟
- ـلآ مامكسورة
- شبيها لعد شَكو
- بابا اخذي نفس مابيها شي
- كلي شبيها شِنو مجروح ؟
- هزيت راسي بمعنى آي
- بيمن لِيش؟
- شبيج شذر جرح بسيط بعدين قبل ـلآ اجي انجرحت
- الحمدلله على سلامتك خوفتني عليك مستلمني هبطات
- اسم الله عليج ابوية ، جوعان
- هَسه اسويلك شِنو تحِب
- بيض وبتيته
- هَسه صَار من عِيوني روح ارتاح شويه ويجيك الاكل
- كعدت بلصاله علما حَضرت الاكل ضلست اسيلها على مروان وشنو سَوة والحمدلله دومه ما يقَصر بشي يخصني خوش وَلد
- اهلك شلونهم امك شلونها ؟
- الحمدلله زينه بخيير
- ماناوي تسولفلي على ايدك ؟
- ورة الاكل
- نشووف
- كَعدنه نتغدة مِشتاق لهاي الكعدة ووياها بلذات متعود عليها
- صَار هِواي ماماكله هالكد تنفتح شهيتي بَس وياك
- لِيش ضعفانه ؟ شِنو متاكلييين ؟
- اكل بَس لان وَحدي اضوج ماعندي واهس
- اجيت اني اسويج دبه حميسه
- ثنينه ميخالف راضيه أنتَ هم تَعبان كلش متغير
- دَخلت شفتي لداخل حلكي والتزمت الصمت خلصنه اكل خلت الاماعين ع الكاونتر وكعدت يَمي
- انطيني ايدك
- لِيش؟
- اريد اشوفها شِنو لِيش شكد صَار من ضمدتها
انطيني افلها الك حَتى تسبح
- كمت .منتفض . ـلآ اني افلها
- براحتك ..
أنت تقرأ
ترتيل اسد عاشق
Short Storyتَدور حَول اخ ظالِم واخ حَنون يَسعى لحماية زِوجه أخية ووالدته يدخُل الحب قَلبة رُغماً عَن حِدودة يُسمى أسد عاشق ( ابو رايه ) . للكاتبه #آيـة_مُحَمّد
