ترتيل اسد عاشق

بـارت 29

مريم : لِيش كاعد يمها
- شِنو تحاسبيني أنتِ !!
- مهاب
- روحَي نامي مالي خلكج
- وَين تنام أنتَ
- ادخل اسبح واجي

مر اليوم طبيعي بدون آي احداث تذكر

مهاب مارجع طلع من البيت بعد كاعد بلصاله وكامش تلفونه ماسكت من الاتصالات
مبين علي التوتر حَتى ما اكل ابداً بَس يشرب جاي
لليل نزلت جان لمطبخ هوسه عزلته
ردت اطفي الاضوية وانتبهت الباب مامقفول مال المطبخ وهذا الباب ابداً ماينفتح!!
فتحته قليل محد موجود
طلعت ع الحديقه جان مهاب كاعد ع الكرسي ويحجي بلتلفون يغلط ويسب

ركزت بكلامه
- مات يابا كافي
شسويلج مثلاً !!!
انتِ لو بيج خير وصدك تحبي ماتنطين بي
يلللاااااااا هَسه شتردين
الصور ماينمسحن
روحَي شسوين سوي طبج مرض عليه الـ**** اني
احطج وادوس على راسج يلااااااا

سد الاتصال وبعدة يحجي ويغلط عليها
اتصل على غير شخص
- هاااا شصارررر ؟
ايييي !؟؟
روحححححح دورلي شَكو مستشفى بلبصرة انكتهن وحدة وحدة
آي
شوفة ماصدك مات هذااااا
واذا شفت كبرة لتخليني اروح وانبشه نبش
شوفلي شَكو صحه شَكو مستشفى اريد اعرف قبل لايطلع الصبح اريد شهادة وفاه
أنتَ مادخلك اني اريد اتاكد
لو تضطرون ترحون لنفس المكان الي تصاوب بي وتسئلون مادخلني اني
لِيش ادفعلكم فلوس
____________

سمعت كلامه واحس كلشي بجسمي ينتفض معقوله يطلع عايش؟؟؟
ـلآ ارادياً رحت لمهاب واني الابتسامه شاكه حلكي

- مهاب صدك ممكن عايش؟؟
........
- احجييي؟
- ماعرف اريد اتاكد
- اتاكد الله يخليك مامصدكه اني ميت
- ان شاءالله عايش لو أَدري ادور البصرة كلها
- لِيش ماتحركت هذيج الفترة أنتَ ؟
- جنت شاك والله هداني اتاكد أكو هِواي علامات استفهام لوفاته ، سولفيلي الي تعرفي
- ميخالف اكعد
- سويلي جاي اول راسي يوجعني
- صَار ، ابتسم بوجهي ورحت بسرعه اسويله جاي واكفه ع الطباخ واهيء روحَي شحجيله ؟
- غسلت وجهي بماي بارد وطلعتله
- يلا تعالي ، سولفيلي كلشي تعرفي
- الاعرفه
- ممكن آي معلومه يوصلنه لشي يخصه
- آي
- يلا ؟ شوداكم للهل مزرعه وليش شردتوا ركض ؟
- لان جنه صاعدين بتكسي رجال جبير وخاف علي يتعرض لشي
- والمزرعه ؟
- .... ما نعرفها مانعرف احد
- شذر ؟
- احجيلك الصراحه مهاب
- كملي ؟ جان احد يترددلكم بين فترة والثانيه ؟
- آي .... بَس ما اعرف منو هَذا
- - شِنو ماتعرفين غير يدخل للشقه ؟؟؟
- آي يدخل بَس رئبال مايخليني اطلع ويعلون صوت التلفزيون
- شذر ـلآ تجذبين عليه ، ماتعرفين اسمه ماحاجين كدامج مايعرفج
- يعرفني يمكن آي ، بَس اني ما اعرفه ولا شايفه وجهه ابداً (مروان )
- غير هَذا ؟ تدرين برجعاته لبغداد ؟
- ـلآ لان يطلع من الصبح مايرجع لليل مانلتقي اصلا مرات هوه يرجع بليل ويطلع من الصبح ، بَس اخر مرة كالي اني ارجع لبغداد وانتِ ماتدرين عندي شغل
- شغليش؟ هوه منيله شغل !
- عندة
- شعندة !!
- ييشتغل بورشه مال تصليح سيارات
- مامذكورلي هيج شي
- آي واكثر من مرة يجي وملابسه كلها دهن
- شذر ؟
- غير دا احجيلك !!
- وقبس ؟
- ما اعرف شي عنها بَس اخر فترة هوه رجعلها
- أَدري لهنا ، اريد شي جديد
- ماعرف صدكني
- ماتذكرين اسم المحل الجان يشتغل بي اوراق اله صخام مكان يضم بي غراضه
- هزيت راسي ـلآ
- شايفه لو اعرف مجذبه عليه بحرف شسوي بيج ؟
كلشي مو مهم هوه هَسه مهم خلي نكطع الشك بليقين شذر اذا عايش والله وبالله اني لو أَدري اسفرة واعالجه
اودي لاحسن الدكاترة بَس ساعديني
- اختنك كلبي وحِجيت بَس هوه مات بحضني مهاب مات وهوه يباوع بعيوني
- اعرف ، بَس عسى وان ناقلي للمستشفى
- روحوا للمزرعه الي وكع بيها خل يسئلون مهاب الله يخليك ـلآ تزرع بكلبي امل والله اذا عايش ماراح اقربله ابداً أحرمني من شوفته بَس كون عايش ويشم الهوى راضيه
- رمش عيونه بهدوء وحِجه ... ان شاءالله ، يلا روحي نامي