الكاتبه #آيـة_مُحَمّد
بارت 1 :
شذر هوى بارد والصبحيه واغسل زوالي ومي بارد
أحسه ينمل جسمي من برودته واني وحدي بعد كومه يلا اخلص
حيجي عمي ولازم اسوي غدة حتى سليمه ماتضل تحجي عليــة
ضليت انضف وانضف بالزوالي لحد ما انهلكت من التعب احس حيلي انهد
نضفت الكراج وخليت الجدر على النار طلعت اللحم وركبت تمن وباميه
بين ماصار الاكل صعدت ع السطح وصعدت زوليه زوليه وحدي و مسحت البيت وعطرته
الحمدلله خلصت شغلي قبل لا يجي عمي
دخلت أسبح
طلعت مشطت شعري و نزلت جوة
جانت عمتي كاعدة وسيرين بنت عمي هَــسه جايه من الدوام انتظرنه عمي يجي من الشغل
دخل عمي
الله يساعدج ام سيرين
ويساعدك عيني
راح اغسل وصبيلنه
شذر : حميت الاكل وحضرت السفرة وصبيت لعمي ولسليمه وسيرين حضرتها على اخر حبه
كعدو ياكلون ودخلت للمطبخ
اكرم : عمو شذر تعالي اكلي ويانه
سليمه : عوفها يا عيني كم مرة كتلك تحب تاكل وحدها
سيرين : بابا شكد احجي وياها ميفيد
شذر : بالعافيه عمو
اكرم : عاشت ايدج سليمه ع الاكل كلش طيب
سليمه : وايدك الف عافيه
شذر : كالعااادة دخلت للمطبخ اكل وحدي بسبب سليمه مانعتني اكعد ع السفرة وياهم واكل
وكالعادة من اطبخ تجذب على عمي عود هَــيه سوت الاكل واني ماكدر اجذبها كدامه لان اعرف محد راح يخلصني من عقابها وتحقيرها وياي شسويلي اكثر من الي صاير بيه ؟.
عمي اكرم يخاف منها خوفه الحيه وميكدر يحجي وياها اي شييي
خلصوا الاكل هدرت جاي وغسلت الاماعين
دخلت لغرفتي صليت
وتمددت على فراشي وغمضت عَــيونـي
الحمدلله عندي سقف يحميني وساتر عليــة
رغم كلشي صارلي بَـــس الحمدلله رغم سليمه مو زينه وياي ودائماً تحاسبني وتطلعلي الف شغله حتى مارتاح وتسوي حزازيه وتفرقه بيني وبين سيرين بينما اني وياها نفس العمر بَـــس الحمدلله على كل حااال الله يهديها
غفيت وقت قصير
وأحس الباب تكسر عليــة فوك ماهوة مكسور
سليمه : كومي بت الفكر نضفي غرفتي
شذر : عمه هَــيه غرفتج اني مخلصه البيت كله
سليمه : تلاسنيني الخايسه كومي نضفيها قبل لا ينام عمج
شذر : استغفرت ربي بداخلي وكمت انضف بيها حتى ماكدر اتافف كدامها لو استغفر كدامها عن شي معاجبني لان عند سليمه كل فعل اله ردة فعل
نضفت خيستها غرفتها وعمي اجه نام
دخلت لغرفتي وبعد ماجاني نوم
ماكدر اتفرج تلفزيون حدي ساعه وحدة باليوم وحتطلع مسلسل بعد كم ساعه
ضليت انضف بغرفتي واديرها رغم مابيها بَـــس كنتور طلاقتين وطبله وفراش مندر ومراية مكسورة
نضفتها لمعتها تلمع
من الضوجه خليت راسي ونمت ماحسيت للـ ٧
دخلت للحمام غسلت وجهي وتوضيت صليت
أنت تقرأ
ترتيل اسد عاشق
Historia Cortaتَدور حَول اخ ظالِم واخ حَنون يَسعى لحماية زِوجه أخية ووالدته يدخُل الحب قَلبة رُغماً عَن حِدودة يُسمى أسد عاشق ( ابو رايه ) . للكاتبه #آيـة_مُحَمّد
