مروان
...........
مرت ايام بلنسبه لوضعنه طويله ١٠ ايام وبلش رئبال يستجيب للادويه والعلاجات بألف ياعلي جان جسمه قافل مايستجيب
بَس بمشيئه رب العالمين صَار أكو امل
صراحه فقدنه الامل بي وضعه ماجان يطمن ابداً
الوكعه كلش قوية واتضح
جلطتين بعد التقرير
اخذت مننه هِواي لَكن الحمدلله اهم شي يكوم بلسلامه
نحاول نسولف وياه ونحاجي ونغيرله جو حَتى يرجع طبيعي لسانه ثكيل يحجي قليل
بعد ما استرد عافيته شكينه بحركته وهواي شكه من ايدة مايكدر يحركها ، سووله تقرير واليقهر ايدة اليسرة أنشلت تاخذ وقت طويل وبلعلاجات والتمارين وان شاءالله ترجع طبيعي
فاتحناه بهالموضوع والحَمدلله على كل حال اتقبل الموضوع بسِرعه
كل يوم يضغط علينه حَتى نطلعه من المستشفى
هم بلش يعاند ـلآ اكل ـلآ شرب ـلآ علاجات يومين معاند الا ان
انجبرنه انطلعه من المستشفى
ـلآ الحجي ولا الدكتور راضي على طلعته بَس الي براسه براسه
صرت مثل ظله ما اعوفه دقيقه
من طلعنه من المشتسفى بنفس اليوم رحت لبيتهم لرئبال
دكيت الباب على جوارينهم طلعتلي مرة جبيرة بلعمر
- السلام عليكم خالتي
- وعليكم السلام هلا
- اني كرايب المرحومه ام مهاب وماكو احد من ولدها واريد ازور المرحومه ماعرف وَين عنوانها بلضبط احد من الولد يعرفه ؟ او آي مكان يوصلني
- الله يرحمها جانت خوش مرة ، آي صاحباتهه شوفهن
- اريد عنوانهن
- بنهايه الفرع بيت ام مصطفى اسئلهه وبيت اهل جنتهه ابو سيرين اسئلهم
- مافهمت ؟ منو ابو سيرين !
- المرحومه ماخذه بتهم لابنها الجبير اسئلهم يجوز يعرفون
- هَيه وَين صارت فاتحتهه ؟
- الزلم بلمسجد واحنه لنسوان ببيوتنه صاحباتهه
الله يرحمهه
- اجمعين ، مشكورة خالتي
توجهت لبيت اهل شذر صرت اضرب اخماس بأسداس هالعائله شكد متعوبه !
دكيت الباب اكثر من مرة ميردون
طكيته بسويج سيارتي صَار صوت عالي
انفتح الباب بنيه شابه مالابسه شال وفتحت الباب
درت جسمي ع الشارع
- اتفضل ؟؟
- بيت ابو سيرين
- آي عيني شتريد
- صيحيلي واحد من الاهل الوالدة
- لِيش اني مو بعينك ؟
- عفوا ! ، اختي صيحيلي الاهل مستعجل
- منو أنتَ
- درت عليها متنرفز ، شِنو القضيه !! جاي استفسر على بيت ابو مهاب
- مانعرفهم احنه
- شِنو ماتعرفوهم غير ماخذين بنتكم ، اختي رجاءاً صيحيلي الوالدة اذا موجودة
- انتظر لحظه
- دخلت وعافت الباب مفتوح وتمشي كدامي عَادي !!! هاي معقوله سافرة وعدها شي عَادي !! هاي شبيها ؟
فريت سبحتي متنرفز من الوضع والحر يصكع براسي راح ندخل تموز
شوية وطلعتلي مرة جبيرة بلعمر
- السلام عليكم
- وعليكم السلام
- اني جاي اسئل على بيت المرحومه ام مهاب تعرفين وَين مدفونه ؟
- آي بلفتحه السابعه
- وَين بلضبط يعني ؟ ليجوة على الشارع
- ما اعرف ماصارلها هِواي من انفتحت
- منو شيعهه ؟
- ابنهه الجبير ، والزلم من المنطقه جوارينهم
- والدفنه ؟ هَيه مو ضلت ايام بلمستشفى !!
- آي وراها اجه ابنهه
- هَيه شلوَن ماتت
- تعال ادخل جوة أنتَ سالفتك طويله
- ـلآ والله ماكدر مستعجل بَس اريد استفسر
- شتصير منهم أنتَ ؟
- صديقهم للولد ، اكرر سؤالـ..
- واكعه من الدرج والحارس منتبه عليها
- حارس !
- آي ابنهه مخلي حارس وخدامه الها عاشت وحيده وماتت وحيدة
- الله يرحمها ويجعل مثواها الجنه
- امين ، ابنهه الصغير هم اتوفه شِنو سبب الوفاه ؟
- الله يرحمه ، اشتباك
- الله يرحم الجميع
- انتوا مو اهلها للمحروسه زوجه مهاب
- عوجت حلكها وحجت . بنت حماي
- وَين البنيه بعدها مزوجه ؟
- ـلآ وَين شاردة من رجلهه تلكاها ب ****
- هَاهيــة خالتي مشكورة عطلتج
- ادلل
أنت تقرأ
ترتيل اسد عاشق
Contoتَدور حَول اخ ظالِم واخ حَنون يَسعى لحماية زِوجه أخية ووالدته يدخُل الحب قَلبة رُغماً عَن حِدودة يُسمى أسد عاشق ( ابو رايه ) . للكاتبه #آيـة_مُحَمّد
