الله يحرك كلبك وييبسه مثل ماحركت كلبي
الله يدمر حياتك وينهيها بعد وبعد
ما اريد اشوف وجهك ولا المحك
ما استنظفك أنتَ واحد مجرم وحقير
عايش بمستنقع قذر
الله يعيشك بعذاب وضميرك ياكل بيك اكل
اطلع من الغرفه
ساكن بمكانه يستفزني بسكوته
كتلك اطللللللللللعععععع من الغرررررررفه ماتتتتتتتسمممممععععععع
ادفع بي واطلعه من الغرفه قفلتها ٣ طكات وسركت الباب
من هنا
بلش حِزني بلش حِدادي على فقيدي
على حَبيبي
ابوية صَديقي سندي
ايام بشعه عشتها
ماعرف ـلآ ليل ولا نهار ـلآ اطلع من الغرفه ولا ادخل أنام ومن اكعد اكضيها بجي بلظلمه
ـلآ اكل
ولا اشرب
ولا احتاج حمام عشت حِزني وصلت بيه ادعي على روحَي يارب اموت واروح يمه ماريد شي ثاني
ماجاي اتقبل موته كل لحظه يمر عليه شريط حياتنه سوة خوفه حرصه احترامه
كلشي بي يذبح روحَي ويزيد همي اضعاف
رئبال : كعدت على حركه الممرضه تغيرلي المغذي
-شوكت اطلع منا ؟
- بعدها الاجراءات ماكامله وانت وضعك مامتحسن
- اريد اطلع منا
- هَذا الشي مو عندي رَجــاءً لتعب نفسك
- حكيت كصتي متوجع ، منو مرافق الي؟
- ثواني ، كملت المغذي وطلعت لحظات ودخل جسار
- الحمدلله على السلامه
- الله يسلمك ، شوكت اطلع منا ؟
- وَين طالع حالتك ما مستقرة
- مابيه شي عندي امور اريد اخلصها ماريد اتاخر
- زَين ارتاح أنتَ الحجي على جيه
- لِيش يتعب نفسه ويجي بحال مستشفيات هوه ؟
- ابو رايه أنتَ انحطك فوك راسنه ومقصرين
- سالم راسكم ، مر وقت بسيط ودخل الحجي
- السلام عليكم
- وعليكم السلام
- شلوَن صرت ابني ؟
- الحمدلله زَين اريد اطلع جم يوم صارلي هنا ؟
- ٤ ايام حالتك ابد مامستقرة كلبك هِواي اخذ وقت وجرعات يلا رجع منتظم
- مو مهم هَذا كله المهم هَسه صرت احسن اريد اطلع
- لِيش مستعجل ابني
- اريد اشوف مرتي احجي ويه صاحبي
- تريد اخابرلك الحجيه تسمع صوت مرتك ؟
- آي علوا والله ... انتظرته يدك يدك اكثر من مرة ردت الحجيه فتح سبيكر
- ها حجيه الله بالخير
- الخير يصيبك
- وَين البنيه يمج ؟
- تعبانه ونايمه هَسه الليل كله مانامته
- خيرها
- ماخذة برد شوية
- بَس شوكت تكعد اريد احاجيها عمي
- يله يله ماشي ان شاءالله خير
- ابني مرتك يمنه ، احجيلي أنتَ شلوَن صَار هَذا كله لكو طلق ومواجهه صايرة
وفوك هَذا جثه
- جثه !!!!
- آي قريبه يم جسمك وبنفس المكان
- بَس اني ماكاتل احد صَح صارت مواجهه بَس اني صوبت واحد والباقي الطلق كله بلجو وقريب يمهم اخوفهم
- جثه جانت يمك متمددة مضروب براسه
- عمي اني ـلآ كاتل احد ولا مصوب بَس واحد وبزندة
- زَين شِنو سبب المواجهه الصارت شاهدين اثنين من الفلاحين
- اريد ملازم مصطفى والمحامي محمد حسين
همه يعرفون بكلشي
- عدهم علم بكل الي صَار ؟
- آي عمي كلشي بَس مو اني الي اكتل احد
جان همي اخوفهم ونوصل الك
- خير ان شاءلله
أنت تقرأ
ترتيل اسد عاشق
Short Storyتَدور حَول اخ ظالِم واخ حَنون يَسعى لحماية زِوجه أخية ووالدته يدخُل الحب قَلبة رُغماً عَن حِدودة يُسمى أسد عاشق ( ابو رايه ) . للكاتبه #آيـة_مُحَمّد
