رجعت خطوات ليوره
اغمض عِيوني وارجع افتحهن
الي دا اشوفها
مو هَيه شذر
سندت نفسي ع السديه وابجي بكل حركه كلب
مشاعري مخربطه وقتها
رجع الجرجف على وجهه وطلعنه
نمشي بخطوات بطيئه بالممر
وصلنه يم الضابط وعمامي
: مو زوجته
الشيخ : البنيه جانت قريب على البيت ومضروبه طلقه براسها واكو رجال بالصدر يسوق
شِنو استنتاجك رئبال ؟
: ما اعرف
الحجي : يمكن رجلها الي مات وهمه بالطريق ماتو بالغلط
الضابط : مستحيل ، المكان الي بي جانت بي السياره كلش قريب ع البيت الي احترك
وبالاضافه الرجال الي مات جان لابس ملابس سوده
نفس الملابس الي لابسيها الجثث الي راح بالانفجار
رئبال : ضيقت عِيوني وحجيت ، يعني شِنو ؟
الضابط : ممكن تكون تقرب لصاحب البيت الي هوه مهاب وهذا الرجال جان سايق مستحيل زوجها
لنفرض زوجها ، لِيش ماكاعده يُمه لِيش ليوره ؟
الضابط ٢ : ويالمناسبه الباب الخلفي جان مفتوح
الضابط : باب البنيه ؟
الصابط ٢ : ـلآ الباب الثاني ، كله مصور مسرح الجريمه
الشيخ : الباب الثاني لِيش مفتوح ؟ يجوز مبيوك شي ؟
الضابط : ـلآ البنيه جانت لابسه ذهب بوقت الحادث
خلي نسوي تحليل للبنيه وللولد نشوف أكو تطابق
ونخلي عدكم علم
رئبال : دام أنتَ تكول هَذا يمكن حارس ، سوي تحليل DNA وي مهاب يجوز تقرب اله يجوز زوجته الله اعلم
الضابط ٢ : اكيد استاذ احنه راح نقارن مع كل الجثث
رئبال : اريد اشوف جثه مهاب والبنيه الي وياه
مروان : رئبال ؟؟؟؟
الشيخ : لِيش ابني ؟
رئبال : من رخصتكم بَس اني ماراح اطلع من المستشفى الا اشوف الجثث بعيوني
اني اعرف اخويه بَس يجوز البنيه اتعرف عليهااااا
الضابط : هَذا الشي من حقك بَس البنيه وجهه متشوه تقريباً نص جسمها محترك ومختفي
الشيخ : ابني
رئبال : عميييي أنتَ مو تريدني ارجع وياك ، خليني اشوفهه لعد
الحجي : مروان روح وياه
رجعنه لنفس الممر اني ومروان هالمره ما عندي آي شعور تعبت اهم شي اشوفها بعيوني .
دخلنه للغرفه
بلعت ريكي ووخرت الجرجف من وجها
غمضت عِيوني والرجفه اخذتني
وجهه محترك وجزء قليل طالع منه عينها وشويه من خدها
كمشت الباقي من شعرها وضليت امسد علي بأيدي الثانيه بي خصلات صفره والشعر جوزي
غمضت عِيوني واستذكر شعرها
لونه أسود
ماعرفت افرق هَذا شكد طوله الشعر لان محترك
هدئت واريد اتذكر شامه بيها مميزه اكدر اعرفها غير الشعر
فتحت عِيوني بسرعه واتذكرت ،.
التفتت للضابط والممرضه
أنت تقرأ
ترتيل اسد عاشق
Short Storyتَدور حَول اخ ظالِم واخ حَنون يَسعى لحماية زِوجه أخية ووالدته يدخُل الحب قَلبة رُغماً عَن حِدودة يُسمى أسد عاشق ( ابو رايه ) . للكاتبه #آيـة_مُحَمّد
