الكاتبه #آيــة_مُحَمّد
مر وقت بَسيط بين غَفوة وكعدة
طلعنه من المستشفى وتوجهنه للشقه
ماخذين كُل احتياطاتنه من كفوف وكمامات
تعبانين حِيل بَس رئبال كدامي مايبين هالشي
أخذني لغرفتي نمت على فراشي رد الباب وطلع
دِخل يسبح صوت المي بأذني بين الكاعدة والنايمه أندك جرس الشقه مابيه حِيل أشيل نفسي
يندك الجرس ويختفي انفتح باب الحَمام رئبال مر من غرفتي وراح للصاله شوية
ورجع لغرفتي تقرب مني اوهمته اني نايمه
طلع من الغرفه ورد الباب كلش حيل بس ماطبكه لان راح أفز .
ثواني وسمعت صوت مَروان
الغرفه قريبه ع الصاله كُلشي ينسمع بيها
من الضجر ضليت أستمع الهم سالموا وكعدوا يسولفون ع كورونا
دارت احداث بينهم كلش ممله
ألا ان وصل رئبال للشي الي جنت خايفه يصير طول هاي الفترة !
الشي الي اتهرب منه
الحقيقه الي كاسرتني
مُهاب
...........
مروان : واخوك ؟ وَين غاط هَذا
رئبال : لِيش منو كالك غاط ؟ موجود
- شني ! وَين
- تنهدت موجود وبعد اسبوع من اخذتي لشذرة هوه كالب بغداد ع البطانه مامخلي شقق مايدور بيها مامخلي مكان
- بَس امك تدري بمكان شقتك ببغداد ؟
- أي تدري بَس من سائلها ناكرة بَس الى متى ؟ حبل الجذب قصير سامعها تحجي وياي قبل روحَتي الاخيرة
- يعني عرف شمالك دحجي
- انطيني صبر آي عرف اني على تواصل وي أمي ويدري شذر يمي اجه اكثر من مرة للشقه ومالاكيني
- لعد شَكو ماخذ شقه هناك اذا يدري أنتَ ماكاعد بيها اصلا ؟
- علمود امي امي تدري بشذر شاردة اووو سيناريو طويل بَس امي تعرف شذر شاردة من مهاب واني كاعد وحدي بشقه ودتخفيني من مهاب لان عباله هَيه يمي
- هَسه هوه يعرف أنتَ بلبصرة ؟
- لا اعرف شلون اتخفى منه واشرد بس دا يدور بهواي محافظات ومنها البصرة تنهد وحجِه شفت صاحبه اليوم بلطريق يم المطعم ويمكن شافني مامتاكد
- يجوز جاي صدفه
- ـلآ اعرفه هَذا ابو حيه
- أنتَ بهلحاله شسوي ؟
- ماعرف صدكني
- انطيها اله هَيه مرته رئبال كافي اخويه انطيها اله واذا طلع حقدكم مو بَس سالفه مرة والله وبالله اخذك للانبار لو مو عصابه وراه ماخلي يخطي خطوة ويمسك
- اني مربط بأمي الي يم مهاب
وشذرة الي يمي
- اخذ امك وانطي مرته
- يكتلها
- يا اخوية مايسويلها شي مرته هاي
- أنتَ تعرف شي واني اعرف شي شفت بلروحه الاخيرة شمسوي بيها ؟ اذكرك
- والحل !
- ماعرف . اني اخاف على شي واحد وحاط ايدي على كلبي اخاف على امي ممكن بأي لحظه يهددني بيها
يهددني حَتى ياخذ شذرة
واعرفه يسويها
- ـلآ كول يا الله يمعود ماكو هيج شي ان شاءالله تبقى هاي امه
.........
مرت الايام
احس تعبت نفسيتي هِواي
اخاف على رئبال واريد اطلعه من هلتعقيد
وترجع حياته طبيعيه
دنيا ليل الساعه بـ ١
ورئبال نايم بسابع نومه
أخذت من محفظته ٥٠ ألف
وخليت كلادتي الفضه على محفظته
لبست عبايه وشال نزلته على حواجبي وحنجي غطيته
طلعت من الشقه ب ٢ ضبط
أمَشي بلممرات وانزل بلدرج الخوف اكل گلبي
طلعت من الشقه مشيت هواايييي يلا وصلت للشارع العام
سيارات كلش قليله
ماعرفت شأجر ياسيارة
اخذتها مشي كملت الشارع العام
دا أمشي وحسيت خطوات مشي بَعدي
بلضل بلشارع خيال رجال وراي
ركضت بكل سرعتي
دخلت بالافرع عسى وأن يضيعني اركض وادخل بشكو شارع اشوفه كدامي بسكو دربونه الا ان اختفى بَس ماكملت ركض اركض من حركه كلبي بَس احس بلعومي تشحط من كد ما الهث
ضعت بلدرابين وماعرف وَين اروح
تعبت من كد الركض صادفتني بلطريق حديقه كلش جبيرة تابعه لبيت
دخلت نمت بيها بالاخير
ماحسيت على روحَي الا الصبح
صوت العصافير المزعج كمت من مكاني نفضت نفسي
وصليت امسي بلشوارع
اخذني التفكير واني افتر بمزارع اول مرة بحياتي هيج اشوف زرع وخضار
خايفه وبنفس الوقت مرتاحه اريد اخلص رئبال مني
اتخفي بين الزرع من اشوف ناس
كملت طريقي وماعرف وَين اروح ووين اجي بَس الاعرفه اريد أمَشي
ضليت ادور اسواق قريبه
الا ان بطلعان الروح لكيت
اخذت علبه تغذيه وبطل ببسي وأكلت
سندت كلبي كملت طريقي المجهول بين الزرع والشوارع مرة تمشي وحدها نظرات الناس ما ترحم احاول شكد ما اكدر اتخفى من اشوف أحد
مافكرت شِنو حيكون تفكير رئبال من يشوفني عايفته ورايحه
بَس هَذا ألاصح
ضلمت الدنيا
وامشي بالافرع شي ضوة خفيف وشي ضلمه
شوارع فارغه
أمَشي وحَسيت احد لزم ايدي اصعب لحظه بحياتي بلحظه الف تفكير اجاني
درت وجهي بكل رُعب
واشوف ملامح رجال كُلش ضخم ووجهه مايبين بَس عيونه تجدح بلضلمه لازمني بكل قوة من زندي
جريت ايدي منه ماتحرك !
ضليت اوخر باصابيعه وهوه اله ومايزيد قبضته
ماسمعت صوته بَس جراني من ايدة يريد يصعدني بلسيارة
اني شفت هيج لو انتهيت
اجر روحَي منه اعيط ماكو احد ليكول مَحد يسمع
زلقت جف ايدة باضافيري
بسرعه وخر ايدة متألم وسَب أهلي !
ركضت بكل ما املك من طاقه ويركض وراي
اركض والهث يا علي
يا علي احفظني
يا حسين احميني
يا ربي يا اللهي يارب العالمين
اركض واريد اشرد بروحي
ركضت هووواي الا ان اختفى من نظري
دخلت لبيت جان بابه مَفتوح
دخلت بسرعه وقفلته
اقفل بي والهث
درت وَجهي واشوف مَرة واكفه بباب المطبخ وبس شافتني قفلت الباب عليها
رحت اركض للباب
خاله فدوة بَس اسمعيني الله يخليج
ادك بلباب بتوسل ودموعي عشرة عشرة
شوية وبين رجال جبير بلعمر بيدة سلاح ويريد يفتح الباب عباله مسلبجيه
احاجي وابجي
عمو والله العضيم اني خوش بنيه والله مو مسلبجيه ولا شي والله بَس احتاج مساعدة
- أنتِ منو لعد لِيش داخله لبيتنه ؟
- والله ياعمو ضايعه وماعرف وَين اروح صَار يومين اني أمَشي بلشوارع اريد اروح لبيتي
- وَين بيتج ؟؟
- احجي وابجي اريد بَس اتذكر العنوان ماعرف
- عموووو اني والله مو من البصرة اني بغداديه والله
- فتحلي الباب واحسه يستجوبني ومن الخوف ماعرف شكله
- اني ررجلي يدور عليه وماندل بيا عمارة ساكنين بَس اعرف ممكان المستشفى والله بَس اعرف اسمها اني وياه قبل اسبوع جنه هناك
الله يخليكم ساعدوني
استخطتني المرة ودخلوني للمطبخ بَس متوترين من وجودي
كلشي ماريد منكم والله بَس المي وتوصلوني لرجلي راح اطيحن من طولي
- جيبيلها مي ام ياسين
انطتني كلاص مي شربته بمرة وحدة
لازمه لكلاص واباوعلها اخذته مني وصبتلي مرة الثانيه
- صبي للبنيه من عشانه خلي نوديهه لرجلهه
- والله حَتى اكل ماريد هَسه بَس اشوفه
- ان شاءالله شسمه رجلج
- رئبال رئبال عواد
- وانتي ؟
- شذر سمنار عمووو من بغداد احنه ما اندل شي هنااا
- لِيش اجيتو للبصرة اذا من بغداد
- غمضت عِيوني بحركه شغل عندة الله يخليكم وصلوني اله
صبتلي أكل
كابلت الاكل وابجي بلزايد
ماريد بَس ودوني
المرة لبست عبايتها والرجال جاب سويج سيارته انتظرتهم بلكراج واكل باصابيعي من الخوف منو ييكول الكاه ؟
ااااه يا رابيل ااااه
طلعو من البيت وركضت للباب افتحه
المرة ماخلتني اطلع
- شلوَن تكابلين رجلج بهلشكول تعالي غسلي وجهج بماي بارد
- سمعت حجيها غسلت وجهي دموعي نخلىبطت وي المي اغسل واذب على كلبي وصدري مسحت وجهي بمعصم العبايه
صعدنه بلسيارة المرة كعدت يمي ماقفلو السيارة
صعد ويانه ولد شاب بعدة
باوعت للمرة
خاله والله ماسوي شي فتشيني اذا تريدين
- أَدري بيج هَذا ابن رجلي ماشي ويه ابو
هاج هاي لفه اكليها وبطل ماي تنزل اللكمه ببلعومج
- تسلمين خاله الله يوفقكم ان شاءالله
- لوجه الله الكريم
- انطيتهم اسم المستشفى مشوا كلش هوايي بلطريق يلا وصلنه
شفت المستشفى واعيط من الفرحه
واللللله هايييييييي هايييي المستشفىىىى
- اصبري عمووو هَسه ناخذ رقم رجلج منهم ان شاءالله اذا حالفنه الحظ
- اكل باضافري لحد مادخلنه للمستشفى مشينه بلممرات
- اااني جنت بلطابق الثاني خلي نصعد
- صعدنه وسئلنه الاستعلامات
ماقبلت تنطي الاسماء توسلت بيها شوية وابوس ايدها
الله يخلييج اني شذر سمنار مضيعه رجلي بَس اريد رقمه الله يخليج والله محتاجييي
جيكو على اليوم الاجينه بي
وفعلاً أسمي موجود شذر سمنار الوالدة نجلاء
يحجون بترردد واسم زوجها
عمووو رئبال عواد سلمان
بعد اسمي مباشرتاً
آي تفضلوا ؟ هَذا الرقم بَس آي شي يصير يمسؤوليتكم
الرجال هز راسه بموافقه
سجل الرقم أبنه دك مرتين ٣
اربعه
الا ان بديت افقد الامل
بلسادسه انفتح الاتصال
يتبع .....
ـلآ تنسونه بلتصويت ❤️
أنت تقرأ
ترتيل اسد عاشق
Historia Cortaتَدور حَول اخ ظالِم واخ حَنون يَسعى لحماية زِوجه أخية ووالدته يدخُل الحب قَلبة رُغماً عَن حِدودة يُسمى أسد عاشق ( ابو رايه ) . للكاتبه #آيـة_مُحَمّد
