الكاتبه #آيــة_محمد
شذر
......
رحت بسرعه للصاله ومروان فاتح مكبر صوت
اسمع كلامه ووي كلمه ترِدلي روحَي
- اني مابيه شي
- متاكد ؟ وَين كل هالايام أنتَ
- صارت شغله عويصه وماكدرت اجي
- شبيك احجي ترة وكفت كلوبنه صَار ايام نخابر وانت ماكو
- بَس يصيرلي مجال اني اجي ما اطول
- محتاج شي اجيك اخذك انه؟
- ـلآ شعندك جاي .. شذر وَين؟
- شذر : رابيل
- عيونه خالو
- شوكت تِجي طولت
- جاي وعيونج .. انتبهي على اكلج ما اوصيج اعذريني خالو ماسائل عليج
- مِن تجي ازعل عليك أنتَ بَس ارجع هَسه
- راجع ما أطول .. مروان
- هلا
- محتاج فلوس حولي مليون ونص مليونين
- دقايق ويصيرن عندك
- اغاتي في امان الله
- يحرسك الله ❤️🩹
فلاش باك ...
رئبال
كَالعادة كاعد بلشقه وَحدي ضايج كلش من وَضع الحظر
اريد باقرب وقت ارجع للبصرة بَس ماتصير فرصه أبداً
حظر ورة حظر والوضع اله وما يسوء كلشي انسد مطار شوارع مطاعم اشبه بلحصار استمر واني خايف على شذر
ريحانه يمها واني بالي بعده يمها أيام قل تواصلي كلش وياها
ألا ان ..
بِليل اختنكت كلش من هالوضع وهالحجر طلعت اتمشى بلمنطقه شويه رغم شبه فارغه أمشي مشيت هِواي
حسيت خطوات قريبه عليه أمَشي وكل ما الها الخطوات تقرب وصلت لراس الفرع حَتى أركض
على غفله صدمتني سيارة جسمي انرفع للسما وانضرب بلكاع استوعبت الي صَار لَكن سرعان ما اسودت الدنيا بعيوني ....
فزيت من نومتي بغرفه ظلمه تخنك خنك وريحه زباله كلش قويه مر وقت طويل واني متمدد ماكدر تحرك جسمي بَس أصرخ بكل صوتي محد يسمعني
او بالاصح مَحد يجيني
انتهيت ع الاخير
ابلع ريكي متجرح حاولت بكل طريقه انهض من مكاني بَس وجع بضهري طاغي عليه
اني وبنص تَفكيري انفتح الباب
دخل ضوه كلش قليل قلصت عِيوني مزعوج بانت
ملامح ابو حيه
بِهت وَجهي جنت شاك الموضوع يتعلق بمهاب لَكن مو لهل دَرجه ممكن انشل بسبب هالحادث!
- ابو حيه!
- نورت ضيفنااا الحمدلله ع السلامه
- مهاب وَين !؟؟؟
- لا تستعجل راح يجيك .. حسني جيب العشه للضيف
- دِخل وجايب ماعون سفري وياه خلاه على صدري
نفضت صدري بسرعه ووكع الاكل شلوَن أكل بهالمكان ؟
انتظرت هِواي يجي وماكو فائدة
تغلب النعاس عليه ونِمت
فَزيت وي طكه الباب الغرفه توضحتلي اباوعلها واباوع للباب
- آي منو منور اليوم
- يا خَسيس
- الغالي عدت على سلامات .. لمكان مو لمستواك بَس شنسوي حظر وتعرف بعد
- سالفتك بَس الـ *** يسووها واثبتت أنتَ شكد واحد نـ***
- اريد الشريحه
- لو تموت ما انطيها الك اذبحني هنا وماتحصلها
- تموت
- آي اموت ما اخليك تتهنى اكتلني
- أنتَ ماشايف شي بعدك ماتبطل عناد
- كطع جسمي وصله وصله وماتحصل الي تريدة دا احجي وضربني بوكس رجعتله الضربه بكل قوة عندي وانهزيت
- الشريحه العندك ماتخصني بَس اني راح اتنازل منك للاكبر وبعد أنتَ وياه
- داعـ/ـشي غيرك
- رفع جتفه وطلع من الغرفه
مسحت خشمي من الدم واني مهزوز مابيه كل حيل اقاوم
كعدت بلكاع وأني لو يضل اخر نفس بيه أقدم الشريحه للشرطه اموت شَهيد ولا واحِد عـ*** سكت عن حق الااف اللارواح
اخذني الوقت واني احس جسمي دا يقل استيعابه
هدوء وسمعت صوت الباب
دِخلوا ولد ثنين ضخام اخذوني من غرفه لغرفه ثانيه
المكان الي اني بي عبارة عن زباله ووصاخه وضوه كلش خافت دخلوني لغرفه ثانيه أشبه بغرفه تعذيب
كعدوني على كرسي حَديد
ما اكدر حَتى اقاوم ادركت شِنو الي رح يصير بَس ما استسلم ابتسمت ابتسامه جانبيه وبدة التعذيب الجَسدي كل خليه بجسمي تكهربت والها وماتزيد القوة الا ان فقدت وعيي فعلياً
أنت تقرأ
ترتيل اسد عاشق
Historia Cortaتَدور حَول اخ ظالِم واخ حَنون يَسعى لحماية زِوجه أخية ووالدته يدخُل الحب قَلبة رُغماً عَن حِدودة يُسمى أسد عاشق ( ابو رايه ) . للكاتبه #آيـة_مُحَمّد
