راحو العيال علا مطلق وفيصل ومسلط ودخلو عليهم وضربوهم لين قالو بس
محسن بخوف علا اخوه : مطلق يامطلق شفيك
فيصل : خلنا ناخذه للمستشفى
مسلط : اجل سريع ( واخذو مطلق للمستشفى واتصل فيصل بابوه وخبره كل شئ
ابو محسن بخوف علا عياله وعيال اخوانه ومسلط : وش تقول انت ونتم وينكم
فيصل : بالمستفشى يبه واحد منهم غدر بمطلق وجاه من وراه وضربه علا راسه بحجر كبير
ابو محسن بخوف وصوت عالي : شفيه مطلق كيفه الحين ويامشفه جاين لكم
الكل بخوف شصاير يابو محسن قال لهم ابو محسن شصاير وراحو كلهم للمشفى والكل خايف علا مطلق الي بعده ماصحه من قوا الضربه وصلو الجد وعياله وراحو يشوفون الدكتور
الجد : وين مطلق وشلونه الحين شصار معه
الدكتور : الضربه كانت قويه وبعده ماصحه وانشاء الله كمان شوي يصحه
ابو محسن : جزاك الله خير عادي لو ندخل نشوفه
الدكتور : الاحسن تخلوه يرتاح شوي
ابو محسن : اجل ماعليه نخليه شوي ياوليدي محسن رح لامك وطمنها عاا مطلق مسكينا تكون خايفه عليه كثير
محسن ابشر يبه بس خليه لين (قاطعه ابوه بعصبيه ماتسمع وش اقول لك )
محسن : اجل يبه تم بروح انا
(في بيت ابو محسن )
ام محسن وهي تبكي : يايمه يامطلق وليدي ودي اطمن علا وليدي تكفون خذوني عنده ابغا اشوفه
ام مسلط : يام محسن استهدي بالله مافيه شي انشاء الله الحين يجون يطمنونا علي
عند البنات العنود ونوره وسيدرا وزوجت محسن يهدوهم
العنود قلبها يعورها علا مطلق كثير وخايفه عليه اكثر من الكل ودها من يواسيها لاكن ماتقدر تبين هل شي وكاتمه وجعها بقلبها وساكته
محسن وصل وفات يطمن امه :يمه لاتخافين على مطلق الحمد الله انه بخير وماعليه الا العافيه
الكل الحمد الله
ام محسن وهي تبكي : يمه تكفه خذني عليه بشوفه واطمن بنفسي
محسن : افا يل غاليه منتي واثقه بكلامي الله يهددتس يمه احمدي الله ان مافيه شي توكلي الله على بس والحين بكلم ابوي ان خلاني باخذتس له ابشري
ام محسن : الله يوفقك يمه قم كلم ابوك
ام مسلط : وليدي يا محسن وانا بعد بروح
محسن : ابشري ياعمه بكلم ابوي وبجيكم
طلع محسن يلكم ابو وسمح له يجيب امه واعمته
عند البنات فاتت انفال تطمن البنات علا مطلق
الحمد الله يابنات مطلق ماعليه الا العافيه ومافيه شي توه محسن يقول
العنود مسكت يد انفال : تكفين احلفي مافييه شي بيجيبونه البيت مته
انفال بصدمه من رده فعل العنود : ايه مدري مته بيجيبونه لاكن محسن طمنه عليه وخذ عمتي وام مسلط عليه
اصايل ببكه : الحمد الله الحمد الله
مزن : حته انا ابغا اروح له
انفال : حبيبتي يا مزن تدرين ابوك مايهون عليه تروحون
مزن بضيق : يووه بودي اطمن علا مطلق
العنود بدون لاتنتبه : حته انا بودي اتطمن عليه
نوره باستغراب : وشهو تبين تطمنين عليه
العنود انتبهت لكلامها : هاه لا اقصد خواته يتطمن عليه ماهو بانا
نوره بعدم تصديق : اهاا ضنتي
أنت تقرأ
من هو مطلق بدون العنود
Poetryاول رواياتي بقلمي منهو مطلق بدون العنود نبذا ؟ ؟. وشلون ذا متخلف يعني حنا بعد اهلها قسم ابوك مريض ؟؟. ادري بس يضل ابوي وش الحل لازم نحلها العون يلخوي
