بعد نص اليل على الساعه اربعه كان يحسب الكل نايم وده يطلع يشم هوا شوي الا يسمع صوت في الحوش
مطلق : من هنا
العنود برجفه : انا العنود
مطلق بتوتر : هلا العنود وش تسوين هنا
العنود وعيونها كلها دموع : فيه زريعه حقت ابوي كان كل يوم يجي يسقيها وحبيت اني اسقيها عنه
مطلق ببتسامه قهر على العنود : الله يرحمه وش رايتس تاخذينها معتس للديرا
العنود وهي تمسح دموعه : امين صدق عادي لو خذيتها
مطلق : ايه عادي
العنود : اخاف امي ماترضه على شانها ماتحب الزريعات
مطلق ببتسامه : اجل انا باخذها وبخليها عندي وكل يوم بسقيها لتس وش رايتس
العنود بحزن وضيق : مابي ازعجك فيها خلاص بخليها هنا نبي نترك كل البيت ماوقفت على ذي الزريعا
مطلق : لييه انتي ماتبين تروحين لديرتنا تراها ديرا مرا حلوا وبتستاسين فيها وكذا يصير لتس خويات اصايل ومزن تروحين لهن وهن يجنتس
العنود اكتفت بابتسامه وهي تدخل بتنام ومطلق كان قلبه يعوره عليها وعلى الحزن الي واضح في عيونها لاكن مابيده حيلا
سعود : هاه صاحي
مطلق : اعوذ بالله منك ياخي شفيك تجي كذا تنحنح
سعود وهو يتنحنح : احمم صاحي ولا
مطلق ببتسامه على سخافه سعود : لا بعدني نايم
سعود وهو يضحك : شفيني انا وش ذا السؤال الخايس ماعلينا وش الي مصحيك الحين
مطلق بتنهيد وهو يسند نفسه على الجدار ويناضر الزريعا : ليتني اشيل هموم قلبها ياسعود ليتني اواسيها في ضيقها ليت الضيق لي ولا عيونها تبكي بكت وحرقت قلبي ياسعود احس قلبي يعورني يومني اشوف دموعها
سعود : منهيي
مطلق بتنهيد :سعود تكفه بلا فهاوتك
سعود وهو يناضر مطلق : تحبها يامطلق
مطلق : تصدق لو قلت لك مدري
سعود ببتسامه : بصدق لو قلت لي تحبها غير كذا ماصدقك
مطلق وهو يجلس وقفته : ياخي مدري مدري
سعود : انت خبل كيف ماتدري هاه يعورك قلبك عليها وتحس بضيق من تشوف دموعها ذا يعني تحبها
مطلق : كيف لو صار كذا يعني احبها
سعود بتنهيد من غباء مطلق : لا كذا يعني ماتحبها امش امش مابقا شي على صلى الفجر بنصحيهم
مطلق وهو يبتسم ويناضر السما : اجل رح صحيهم انا بتامل السما ياحلوها بس
سعود وهو يعقد حاجبيه : منهي الي ياحلوها انت ماتستحي تراني خالها ياولد
مطلق : السما يالحبيب السما ياحلوها
سعود : اهاا تقصد السما ايه ضنتي اقول مطلق ماهو خفيف لذي الدرجه
مطلق وهو يناضر سعود بطرف عين : تبي تنجلد ولاا
سعود : لا ابي اصحي ابوي وخواني استاذنك يالي ماتدري وش فيه بقلبك
مطلق بضحك : امش بس امش
سعود : بمشي يالعاشق الولهان
اذن الفجر ومشى سعود يصحي ابوه وخوانه على الصلى راحو للمسجد يصلون وقامت ام مسلط تجهز لهم الفطور هي والعنود رجعو من المسجد وكان الفطور جاهز
اجد وهو وده يغير جو بنته: لله يسلم يدينكم وش ذا الفطور الشهي
ام مسلط : الله يسلمك يبه بالعافيه
ابو محسن : عاد فطور حصه زمان عنه
ام مسلط : بالعافيه عليكم
ابو علي : تذكرين ياحصه يومنه نصحيتس تسوين لنا الفطور ونتهاوش من يساعتس ونحوس لتس المطبخ وتطردينا
ام مسلط ببتسامه : اذكر يا احمد وانت اكثر حد كنت تحوس
سعود : افا يعني نفهم من كلامتس انا طالع على اخوي احمد وليه تهاوشني كل الوقت اذا اني طالع عليك
ابو علي : من قال لك طالع علي انت طالع على اخوك محمد
ابو محسن : انا كنت خبل زي ذا
سعود : انا خبل الله يسامحك بس من متى انا خبل
ام مسلط : من وانت بزر لهلحين ماتغيرت
ابو محسن : وشهد شاهد من اهله
الجد بضحك : عاد سعود طالع على اخته حصه
مسلط : يمه انتي كنتي كذا
الجد : يوه امك كانت كل وقتها تهاوش وتعصب ومافيه شي يعجبها اذكر في عيد جبت لها فستان ياحلوه يهبل كل بنات الديره ودهم مثله كان كله ورود ولونه احمر جبته لها من المدينه وجيت لها وقلت لها بيليق عليتس قالت لي يبه تكفه ذ احمر وانا ماحب الاحمر ابغا واحد لونه ازرق وتضل تزن في اذوني لين رجعت المدينا وجبت لها واحدن ازرق وعقب ماجبته عيت تبي الاحمر
ابو محسن بضحك : ويومها لبست الفستان وقلت لها ماهو بحلو راحت لابوي تصيح عنده وخلت ابوي يجلدني ويطردني من البيت
ام مسلط وهي تضحك : تذكر يامحمد يومها كيف انجلدت
مسلط : الله عليتس يمه عليتس حركات تهبل
مطلق : وانا قول عمتي حصه ياحلوا و مزن طالعا عليها اثاري محدن طالع عليتس ياعمه الا اصايل
ابو علي : بزيدكم من الشعر بيت ابوي بعد جلدني انا ومالي ذنب وطردني انا ومحمد وكان عذره ماخلي محمد وحده
ابو محسن : اييه هجينا على العزبا ونمنا فيها
الجد : اييه ايام ياحلوا راحت
ابو محسن : اي والله يبه صدقت اجل بنخلص ونمشي للديرا وش رايكم
الجد : ايه يبه بنيتي حصه ضبن اغراضكن انتي ولعنود ومسلط لان بعد اليوم معاد تردون لهنا الحينه نادي العنود لتفطر وانا ابوتس
ام مسلط : ابشر يبه يمه يلعنود تعالي
العنود :هلا يمه بغيتي شي
ام مسلط : تعالي افطري يمه
العنود : مابي ماني جيعانه
مسلط بقله حيله : تراك من البارح ماكليتي لمته يلعنود
الجد : بنيتي يلعنود مايصير كذا حرام الي تسويه
ابو محسن : يبنيتي ولي يعافيك تعالي اكلي
العنود : ولله ماني جيعانه ماعليه اذا حسيت بجوع باكل بروح اضب الاغراض
ام مسلط : طيب يبنيتي روحي يقلب امتس
مطلق نكسر خاطره على العنود وطلع برا
مسلط : سمو بلله يجماعه
افطرو الكل وبدو يضبون الاغراض وخلصو وجت لهم السياره الكبيرا وحطو فيها الاغراض
أنت تقرأ
من هو مطلق بدون العنود
Poetryاول رواياتي بقلمي منهو مطلق بدون العنود نبذا ؟ ؟. وشلون ذا متخلف يعني حنا بعد اهلها قسم ابوك مريض ؟؟. ادري بس يضل ابوي وش الحل لازم نحلها العون يلخوي
