في الديرا عند ابو محسن والجد ابو محسن جاه اتصال
ابو محسن : هلا يامحسن
محسن : يبه وينك
ابو محسن بقلق من صوت محسن : في البيت شفيه صاير لكم شي
محسن : يبه الحق الشرطه خذت العيال
ابو محسن بصوت عالي : وشهوو ليه وش مسوين وش صاير
الجد بتوتر : شفيه يامحمد وش صاير
محسن : يبه تكفه لاجيت بفهمك كل شي لاكن الحين مافيه وقت
ابو محسن : زين زين الحين بجيكم عطني العنوان(محسن عطه ابوه العنوان وجاهم ابو محسن سريع هو والجد )
في الديرا الثانيه عند محسن وصلو ابو محسن والجد
ابو محسن بتوتر : شفيه يامحسن وش صاير تكلم ليه العيال في السجن وش مسوين
الجد : تكلم يامحسن شفيه
محسن : ايه يبه بعلمكم بكل شي (تكلم محسن وقال لابوه كل شي من اول السالفه لين اخرها )
ابو محسن بعصبيه : وليه تشتغلون من روسكم هاه مالكم كبير
الجد : يامحمد هدي نفسك توكل على الله ياوليدي
محسن : يبه محسن نخانا وعيبن علينا نقوله لا
الجد : حسبي الله مدري وش اقول
محسن : يبه تكفه كلم احد تعرفه خل العيال يطلعون اليله
ابو محسن : اهخخ منكم بسس مدري الواحد وش يبي يقول مدريي
الجد : الي حصل حصل يامحمد ماعاد يفيد الكلام كلم احد من معارفك خل العيال تطلع اليله
ابو محسن : ايه يبه الحين لاكن في الوقت ذا مدري ان احد بيده يساعدنا خلنا اول نكلم الضابط بلكين مانحتاج احد
الجد : اجل اخلنا نمشي لهم
في السجن
ابو محسن : السلام عليكم
الضابط : وعليكم السلام تفضل
ابو محسن : انا والد العيال الي خذيتوهم اليوم على شان الهوشا
الضابط : انت خال مسلط
ابو محسن : ايه انا خاله
الضابط وهو يبوس راس ابو محسن وابوها : تفضلو على المكتب استريحو
ابو محسن : اجل ياوليدي دامك خوي مسلط الامور طيبه وبتساعدهم
الضابط بتنهيدا : والله مدري وش اقولك ياعمي العيال كلهم ماعليهم بيطلون لاكنن
الجد : لاكن وشهو دامك تقول بيطلعون شفيه
الضابط : مسلط مرفوع عليه قضيه من عيال سطام
ابو محسن : زين انا بكلم سطام وبخليه يتنازل
الضابط : سطام في المشفه كلمه وخلي حد من عياله يجي ينزل الدعوا ونقول خير يارب
الجد : خير بذن الله خير كييف بناخذ العيال ونخلي مسلط هنا حسبي الله
الضابط : ماعليه ياعمي مسلط تراه في حمايتنا لاتحاتيه
الجد : الله يجزيكم خير ياوليدي ويقويكم
الضابط : الله يسلمك ياعمي بروح اشوف العيال وبخليهم يوقعون تعهد وبيطلعون معكم
ابو محسن : توكل على الله ياوليدي وجزاك الله خير
الضابط نادا على اسماء العيال الا مسلط ورفضو يطلعون الا ومسلط معهم
الضابط : ياعيال الله يهديكم مسلط بيبات عنا اليله وبذن الله بكرا بيطلع لكم
مطلق : الا كلنا نطلع ولا كلنا بنبقى هنا
مسلط : يامطلق هي ذي اليله تكفه انت والعيال والله انكم ماقصرتو وان ينشد فيكم الضهر ويشهد الله وقفتكم ذي معي مانساها وانا تحت التراب ومابي بعد ازيد مشاكلكم خلاص انتم توكلو على الله وانا ربي كتب لي انام ذي اليله في السجن طلبتكم طلب رجال انكم تمشون
سعود : يامسلط تكفه قلنا وانتنه (قاطعه مسلط ): يارجال قلت طلبتكم طلب رجال تكفون
مطلق : زين انتم اطلعو وانا باقي هنا
الضابط بضحك : اول مرا اشوف احد يبي يبات في السجن ياخي والله انكم ونعم الخوا لاكن اعذرونا ان بقيتو ذي اليله انا بتضرر وانتم اكيد ماتبون لي ان اتضرر ولا وبعدين تراه مسلط خويي مثل ماهو خويكم وبحطه في عيوني
مطلق : ياخي السالفه ماهي كذا (قاطعه مسلط ) : ياامطلق الرجال يقولك بتضرونه وانا مارضاها عليه تكفون توكلو على الله وتيسرو وكافي تعذبون قلبي معكم
سعود وهو يحط يده على كتف مسلط : خلاص اكيد وحنا بعد مانرضا المضرا لخويك خلاص بنمشي وبكرا بذن الله بنجي ناخذك
مطلق برفع حاجب : وشهو انا مابمشي الا ومسلط معي
مسلط : يامطلق تكفه طلبتك لاتعقد الامور
مطلق : الكلام الي عندي قلته ومابزيد بكلمه
الضابط : خلاص دام مطلق مصر كل ذا نترك مطلق يبات عند مسلط والباقي امشو قدامي اتركوهم في الفندق يستانسون حرام
فيصل ب غباء : ليه يتاخذوهم فندق بعد مانمشي
مسلط : ايه بيودونا هناك نستانس شوي احسن لنا من هنا
سيف : كتلى الغباء الي في راسك بتاذيك صدقني
فيصل : كل تبن بس دام فيه فندق انا ماني برايح مكان باقي هنا واقول مطلث شعنده مايبي يطلع معنا اويلاه عليك يامطلق تفكيرك خطير مرا
الضابط : ياشرطي هات لنا شاهي ودلا قهوا
فيصل : ياخي والله انك كفو مافيه حلا ماهي طيبه القهوا بدون حلا
الضابط : اييه ابشر ماطلبت شي ياخي امشو بس لاننسجن انا وانتم
سعود : ياخي امشو بس
مطلق :الله يسر لكم
الضابط : يامطلق شرايط تمشي معنا
مطلق : اقول امشو بس تاخرتم
مسلط ببتسامه : خلاص مطلق مايثني كلامه واعند منه مافيه سعود انتبه لامي واختي تكفه تراهم برقبتك لين اجيهم
سعود : كل تبن بس صدق قليل حيا توصيني على اختي وبنت اختي
مطلق : بتمشون ولااا
الضابط : شوفتي لهم مايبون يمشون امشو قدامي
مشو العيال والضابط على المكتب
سعود وهو يقرب يبوس راس ابوه : وشلونك يبه
الجد : هلاا ياوليدي هلاا الله يهديكم ياوليدي ياسعود ليه تسون كذا لييه تشغلون بالنا عليكم
ابو محسن : ذي نتكلم فيها فالبيت وينه مطلق
فيصل : عيا يبه يطلع معنا مايبي يترك مسلط وحده
ابو محسن : الولد ماهو بصاحي خير خيير الله يعطيك العافيه ياوليدي وماقصرت
الضابط : الله يعافيك ياعمي ماسويت الا الواجب وانشاء الله بكرا تجي تاخذ مطلق ومسلط
ابو محسن : نقول انشاء الله يالله بنستاذن منك
الضابط : الله يسر لكم
الجد : مابوصيك ياوليدي انتبه على مسلط ومطلق اول مرا يدخلون السجن تكفه عينك عليهم
فيصل : لاتحاتيهم ياجدي بياخذونهم فندق بس مشينا
ابو محسن : فندق وشهو
سعود : ياهوه فاهي انته امشو امشو
الضابط بضحك : ياحلوك يافيصل
ابو محسن : مدري وش بنقول لحصه الحين انتم مدري ليه بتشنغلون من راوسكم
سعود بعصبيه: وش الي شتغلناه من روسنا هاه لونا قايلين لكم كان سمحتو لنا بنسوي كذا انت ماتدري كيف كان وضع مسلط كيف كان يحس كيف كان شعوره وابوه مضلوم ولاحد فيكم حس فيه ولا احد فيكم صدقه او صدق ابوه لاتلوم مسلط يومنه سوا كذا مايلام ابدد ولا حد فيكم يلومه وحنا مانترك مسلط وحده حنا مصدقين مسلط ومعه على ايشي بيسويه
الجد : اتركهم يامحمد لاتكلم احد فيهم مسلط خويهم ومن واجبهم مايتركونه ابد اسمعو ولا احد فيكم يقول لحصه شي مسلط و مطلق عند خويهم نايمين اليله وبكرا يفرجها ربكم امشو الحين ومثل ماقلت لكم
ابو محسن : ابشر يبه امشو قدامي
في الديرا في بيت ابو مسلط :
ام مسلط : من على الباب
الجد : انا يابنيتي ابوتس
ام مسلط : هلا يبه تفضلو
سعود : وشلونتس ياحصه شحبارتس
ام مسلط : الحمد الله بخير وانت شخبارك الا وينه مسلط
ابو محسن : مسلط ومطاق مابيخلصون من جلدي على بكرا نامو عند خويهم بدون اذن مني
ام : اييه وش فيها يامحمد خلهم يستانسون
الجد : انا وسعود بنام عندك ياحصه تستقبلينا ولاا
ام مسلط : افاا يبه ياميت هلا تنورونا تفضلو محمد نام بعد انت والعيال
ابو محسن : اعذريني ياحصه عندنا شغل الصباح ونستاذن منتس الحين تاخر الوقت
ام مسلط : الله معكم
الجد : يابنيتي ياحصه مايجوز انتي تطلعين على الباب ويطلع صوتس قدام رجال غريب مايجوز يابوتس
ام مسلط : ايه يبه والله اني نسيت لاكن العنود تعبانه ونامت بدري وماكان فيه احد
الجد : وش فيها العنود
ام مسلط : مافيها الا الخير يبه لاكن شويه تعب
الجد : ايييه سلامت قلبها والله ابوتس تعبان وفيه نوم
ام مسلط : ايه يبه تحب تنام في غرفه مسلط
الجد : ايه يابنيتي مافيه مشكله
ام مسلط : اجل يبه تصبح على خير
الجد : وانتي بخير يابنيتي
سعود : وانا
ام مسلط : يوه تصدق احسبك مشيت معهم
سعود : افاا تطرديني باسلوب راقي
ام مسلط بضحك :لاا ياعيوني تعال بمد لك فراش ريح في المجلس ترتاح فيه
سعود : ياعين اخوتس صدق اني ميت تعب
ام مسلط : ابشر دقيقه وبجيبه
سعود : لا قولي لي وينه وانا اجيبه
ام مسلط : في غرفه مسلط ورا الباب (راح سعود وجاب الفراش وفرشهرفي الملجس ومن تعبه نام سريع ونامت ام مسلط والجد كان تعبان مره ونام )
( ننهي البارت لهنا اتمنا ينال اعجابكم )
رمضان مبارك على الجميع وانشاء الله كل سنه وانتم طيبين ❤️
صلو على نبينا محمد ❤️
أنت تقرأ
من هو مطلق بدون العنود
Poetryاول رواياتي بقلمي منهو مطلق بدون العنود نبذا ؟ ؟. وشلون ذا متخلف يعني حنا بعد اهلها قسم ابوك مريض ؟؟. ادري بس يضل ابوي وش الحل لازم نحلها العون يلخوي
