في السجن عند مطلق ومسلط
مسلط ضحك في صوت عالي
مطلق : سلاماات شفيك نهبلت
مسلط : مدري من الي نهبل انا ولا انت
مطلق برفع حاجب : انا ولييه بسم الله علي كامل والكامل الله
مسلط : فيه احد عاقل يسوي سواتك يالخبل ليه ماطلعت من السجن
مطلق : انا قلت لك يامسلط معك على الحلوا وعلى المرا ومابتركك يوم لوحدك دام السجن يخليني قريب من خوي الدرب والله بباته والقلب رحب
مسلط ببتسامه : الله يخليك لي يامطلق ياعوض ربي لي في الدنيا
مطلق : ويخليك لي يازوجي
مسلط : هههههه صدق ان الزوجة ماتبي تبعد عن زوجها ياخي عطني فرصه اتنفس عنك
مطلق بضحك : مقدر حبيبي مقدر مايجيني نوم وانت بعيد عني
مسلط : يابختي فيتس بس
مطلق : خلاص يارجال استحي وش ذي السوالف
مسلط بضحك : لاا شكلك ماخذ الدور وبقوا
مطلق : كل تبن بس لو احد غيرك يقول لي هل كلام بورجيه وجهي الثاني
مسلط : ايييه تقول خالي قال لامي اننا في السجن ولا
مطلق : ماضنتي جدي يقول لها شي ماهي بناقصه بعد وانشاء الله بكرا نطلع ونروح لها
مسلط : ضنتك بطلع بكرا
مطلق : ولييه ماتطلع شمسوي انت المفروض بيسجنون ذوليك الانذال مدري ليه سجنونا حنا
مسلط بتنهيد كلها قهر : سببت لكم مشاكل كثيرا اعذروني ماكان بودي يصير كذا لاكن
مطلق عقد حاجبه وناضر مسلط بغضب : وش ذا الكلام يامسلط وش حنا وش انت تراك منا وفينا والي بيصير عليك بيصير علينا ترانا كلنا نحسبك اخو لنا ماهو بس انا حتى فيصل ومحسن وسعود وسيف كلنا معك يامسلط والذنب ماهو ذنبك ابد مابي اسمع ذا الكلام مرا ثانيه صدق قليل حيا
مسلط : ماهو كذا لاكن خوالي وش بيقولون الحين وجدي هم من الاول ماصدقو ابوي الحين ولا احد فيهم بيصدقني والدليل الوحيد خربته في يديني
مطلق : يامسلط ابوي وجدي وعماني ماهم مثل مانت تفكر فيهم تراهم يحبونك ويعزونك كثير والي صار صار وانا ببقا معك لين نكشف كل شي لاتشيل هم انت ولا تقول كلام يغثني يرحم امك صدق قليل حيا تبي تفرق بينك وبين خوالك غصب
مسلط بضحك : ياهوه من قال كذا لاكن الشيطان يوسوس يارجال
مطلق : تعوذ منه الله يهديك
مسلط : مطلق
مطلق : هلاا بضلع مطلق
مسلط : منحرمك يالخوي بوصيك بشي ان بكرا صار شي وبقيت هنا تكفه امي والعنود في رقبتك انتبه لهم
مطلق : ليه تقول كذا يامسلط ماسمعت الضابط وش قال ابوي بكرا يكلم سطام ويخليه ينزل الشكوا انت ماعليك وبعدين اهلك هم اهلي وامك حسبت امي ولا نسيت انها عمتي
مسلط : ابد مانسيت لاكن حبيت اقول لك الكلام ذا ماتدري وش يصير
مطلق : لاتشيل هم وانا معك بذن الله بكرا نطلع انا وانت يلا اجل نام كان يووم طويل مرا والحين تنام برياحه دامك خذيت حقك
مسلط وهو يغطي راسه : ايييه بالله لاكن حقي كاامل ماخذيته تصبح على خير ياالضلع
مطلق : وانت بخير يالخوي
في الصباح في بيت ابو مسلط
العنود : صبحتس الله بالخير يمه
ام مسلط : صبحتس الله بنوره يابنيتي
العنود : جدي عنا ياميت هلا صبحك الله بالخير ياجدي
الجد ببتسامه للعنود :صبحتس الله بالخير ياحلوت جدتس وشلونتس انشاء الله تحسنتي
العنود : طيبه ياجدي ماعلي وانت شخبارك
الجد : اييه الحمد الله بخير دامتس بخير
سعود بتثاوب : ياهوه على صوت العنود كنها سياره اسعاف على الصباح
العنود بضحك : هلا ياخالي
سعود ببتسامه : ياخي صدق انتي غير احترامتس ذا يخليني احترمتس غصبن علي لا يعلمونتس ذولاك قلى الاحترام وشلون صرتي الحين
العنود : الحمد الله احسن
ام مسلط : يالعنود جدتس بعده مافطر
العنود : افاا الحين اسوي لجدي وخالي سعود اطيب فطور
الجد : الله يوفقتس ياحلوت جدتس
سعود وهو يحط يده على كتف العنود : اجل وانا بساعتدس وش رايتس
العنود : دامك مصر كذا ماعليه لاكن ان حست شي بتنضفه انته من الحين اقولك
سعود : يالييل اقول نوره ذي لاتقربين لها بتصيرين ملسونه مثلها هي واصايل
العنود : لاا ياخالي صدق حليلات ومشتاقه لهن كثير
سعود : زين ياصيته بنخلص الفطور انا والعنود وباخذها معي على بيت اخوتس ابو محسن تغير جو
ام مسلط : لاكن مسلط ماهو هنا تاخذ الاذن منه
الجد : افاا انا هنا خلها وانا ابوتس انا باقي هنا عندتس خلها تروح على البنات
ام مسلط : دام جدتس سمح لتس روحي
العنود وهي تبوس راس جدها : الله يخليك لي ياجدي اجل سعود امش سريع نخلص ونمشي
سعود :سلاماات وين خالي وين الاحترام توي امدحتس
العنود : ياشيخ اخلص بس
الجد بضحك : سحبت عليك صدق تستاهل
ام مسلط : يالعنود وش ذا الكلام
سعود : خلاص ياحصه شتبين فيها امشي قدامي امشي علموك ماتحترميني حسبي الله فيهم بسس
أنت تقرأ
من هو مطلق بدون العنود
Poetryاول رواياتي بقلمي منهو مطلق بدون العنود نبذا ؟ ؟. وشلون ذا متخلف يعني حنا بعد اهلها قسم ابوك مريض ؟؟. ادري بس يضل ابوي وش الحل لازم نحلها العون يلخوي
