خلصو فطورهم وكل من ندار لشغله العنود تنتضر الظهر ياذن بفارغ الصبر وحال مطلق من حال العنود
سعود ناضر مطلق حس انه متوتر ,: سلامات شفيك متوتر كذا
مطلق برفع حاجب : ليه متوتر وشهو الي يوترني يالفاهي مافيني شي
سعود : اجل اذلف بس
مطلق تذكر ان بياخذ سعود معه ومافيه غيره يساعده : ايه سعود بكلمك بحاجه
سعود بغرور: اييه قول كذا من اول شتبي تكلم وقلل هرجك مصدع ومالي نفس اسمع صوتك النشاز
ناضر مطلق وعقد حاجبيه : مصدع قلت لي
سعود قمط ام العافيه وناضره وابتسم : شفييك يارجال ذعابه تكلم شتبي عيوني لك
مطلق تردد شوي وقوا نفسه وتكلم : اسمعع هو انا مابي كذا لاكن مافيه احد يساعدها الا انا وانت انت تدري انا ماعرف بذي السوالف
سعود يناضر بعدم فهم : شف انا احس كلامك مهم وفيه حاجه مهما كثير لاكن اعذرني مافهمت وش تقصد ماهو على شاني فاهي ومافهم ابد لاكن كلامك مايفهم للامانه قل شعندك مرا وحدا بلا لف ودوران
مطلق تنهد تنهيدا طويله : باخذ العنود البقاله وانت معي
سعود جته صدمه واكتفه باعدم الرد
مطلق بتوتر : ياخي شفيك تكلم شفيك صامل كذا
سعود :ياقليل الحيا صدق مافيك حيا انت ماعاد تستحي منجدك
مطلق ناظر بالارض وعض على شفتيه
سعود وهو يكتم الضحكه : ياخي وتقول عني فاهي يالخبل بنروح البقاله ماعليك تراها العنود حسبت اختك
مطلق برفع حاجب : وشهووو حسبت اختي مهبول انت مهبول
سعود بيصرف كلام مطلق : شفيك مطلق انت دايم تقول انها حسبت اختك
مطلق بعصبيه : انا متى قلت كذا هاذ وانت تدري اني احبها وكلامك كذا لاعتب على عمتي الي ماتدري
سعود ناضر مطلق بابتسامه مغبونه :جبت العيد في نفسك
مطلق باستغراب : وش تقصد
الجد :يقصد انا هنا وسمعت كل شي
مطلق : ذا صوت جدي قول انك تمزح
الجد : للاسف ماهو يمزح
مطلق تمنا الارض تنشق وتبلعه من الموقف الي حط نفسه فيه وادرك كلام سعود انه جاب العيد بنفسه فعلا جاب العيدد اكتفه بعدم الكلام وقام بيطلع ومسكه جده من يده
الجد : سعود خلنا وحدنا انا ومطلق
سعود يحاول يهدي ابوه : يبه مطلق يقصد ( قاطع كلامه صوت الجد الي واضح فيه العصبيه : قلت لك خلنا وحدنا ماتفهم انت
مطلق بصوت حاد : سعود جدي لايثني كلامه تركنا وحدنا
سعود بقله حيله : تم ) طلع سعود برا الغرفه وخايف على مطلق من عصبيه ابوه وخايف ان الجد يجرح مطلق لان سعود يدري ان مطلق مامال قلبه الا للعنود ولا عمره جرب الحب الا ذي المراة
عند الجد ومطلق مطلق يحاول يخفي توتره وقلقه من جده مطلق ماهو خوف من جده معروف انه مايخاف من شي لاكن يحاتي ان جده يزعل عليه وياخذ فكرا غلط عنه وياخذ فكر انه لعاب
الجد جلس وشبك يدينه في بعض وناضر مطلق نضرات عتاب : ليه ماقلت لي انك تبيها وتحبها تخفي عن جدك انا ماني بزعلان على شانك حبيتها الحب ماهو باليد وانا اعرف لاكن كذا تخليني اشك انك كذوب
مطلق ناضر جده واضح الغضب بنرضاته : انت تدري ياجدي منهو. مطلق وتدري مطلق عمره ماكذب وعمره ماكان كذا انا منصدق احبها وابيها
الجد بعصبيه : وليه ماقلت لي اخطبها لك دامك صادق هااه ليه ماعلمت جدك تكلم ليه
مطلق جلس قبال جده ويدينه في بعض ونضره على الارض : انت من خلاني افكر بها ياجدي انت من يوم طلبتها لي وانا افكر فيها رايدها حلال لي ياجدي الله شهيد على كلامي وانا ابي اطلب يدها لاكن كيف ومن من ابوها ماصرلها مده متوفي واخوها في السجن انتضر لين سنويه ابوها ويطلع مسلط من السجن على شان اطلب يدها
الجد : ليه ماقلت لي تفتكر باموقف معك
قرب مطلق وباس راس جده : ولا تجي ذي الافكار في بالي ياجدي قبت لك انتضر لين مسلط يطلع وبجيك تطلبها لي انت
الجد ببتسامه : انا الحين مابحاتي العنود دام رجال مثلك شاريها قم خذ سعود ودها البقاله
مطلق بادله الابتسامه : ابشر ياجدي
الجد : انتضرر سعوود ياولد ياسعود تعال لي هنا
سعود وهو يدخل : هلا يبه ئامر تبي شي
الجد : تخبي عني اسرار هااه
سعود بفشله : اييه يبه انا وش دخلني
الجد : رح خذ بنت اختك البقاله خلها تجيب اغراضها
سعود بفرح : قل والله
الجد : ولد
سعود : لا لا ماقصد يبه السموحه ) وطلع ينادي على العنود : يالعنود وينتس
العنود : هلا هاذاني هنا تبي شي
سعود : اجل تجهزي بنروح البقاله انا وانتي
العنود بحزن : انا وانت بس
سعود : ليه تبين حد معتس
العنود : لاا مابي احس اني تعبانه مابي اروح
مطلق وهو يطلع : سلامات شفيتس
العنود ناضرت مطلق : هااه لاا اقصد ان كنت تعبانه الحين مافيني شي اجل بلبس وبجي دقايق بس
سعود بصوت هادي : شكلك ماهو بس انته يالخوي هويان وطايح
مطلق بطرف عين : ولد تادب بس
سعود : ياقليل الحيا عمك يالخبل
العنود بوناسه : انا جهزت
سعود : مشاء الله اسرع من كذا مافيه
مطلق ببتسامه وهو يناضر العنود : اجل نمشي
العنود وهي تشلع قلبه بنضراتها : اييه يمهه تبين شي بروح
ام مسلط : سلامتس يمه
أنت تقرأ
من هو مطلق بدون العنود
Poetryاول رواياتي بقلمي منهو مطلق بدون العنود نبذا ؟ ؟. وشلون ذا متخلف يعني حنا بعد اهلها قسم ابوك مريض ؟؟. ادري بس يضل ابوي وش الحل لازم نحلها العون يلخوي
