ابو محسن :يبه تكفه خلنا نمشي مانبي نبقه عند ذا الردي ولا نسمح له يكلمنا بذا الاسلوب
الجد بعصبيه :محمد قلت لك اسكت وانا الي بتكلم معه
ابو مسلط : شلي تبي تتكلم فيه يابو محمد هاه قول لي وانا كيف بامن علا بنتي عندكم وانتم الضلام الي ضلمتوني انتم غيرتو عثمان ميه درجه انتم خليتوني اقصه علا حرمتي وعيالي بسبت ضلمكم لي عمريي عمري ماسامحكم يابو محمد ولا بحط يدي بيدكم دام خشمي يشم الهوا والحين مابيكم تكونو عندي ولا ابي قربكم وان بغيتو بنتكم خذوها معكم مابي شي يربطني فيكم ابد
ابو محسن :اه يالردي انت الي تطرد ابو محمد وعياله وحنا قلنا لانفسنا صرت رجال وعرفت غلطك اثاريك انت انت ماتغيرت ردي ونذل وناكر عشره وبواق
ابو مسلط بعصبيه وصوت عالي :محمدد انتبه لكلامك انا ماني بواق ياخساره العشرا معك يامحمد ياخساره انت النذل الي نكرت عشرتي مب انا انت يامحمد انت
ابو محسن : اناا انا الي سرقتك بعد مامنتني على مالك وحلالك ولا انت ياعثمان الي سرقتني وغدرت فيني
ابو مسلط :محمدد قلت لك عدل كلامك اناا ماني بسراق ماودي امد يدي عليك وانت في بيتي
الجد :استهدو بالله ياعيال شفيكم عثمان انا جيتك لين بيتك لاجل ننهي الخلاف الي بينى ماهو لاجل نزيد النار نار
ابو مسلط بصوت عالي :النار كل يوم تزيد يابو محمد ولا فيه بينا صلح ابد كل منا له طريق ولد مسلط ود جدك وخوالك للباب
مطلق بعصبيه :ابو مسلط تكلم عدل ويا جدي وابوي
الجد: مطلق ياوليدي الله يهديك اسكت انت
مسلط :يبه تكفه يبه اسمع كلام جدي اسمع منه شيبي يقول
ابو محسن :ماضل بينه كلام ياوليدي يامسلط امش يبه امش حنا غلطنا يوم جينه لك
ابو مسلط :صححو غلطكم واطلعو
الجد بنبره حادا :يابو مسلط حنا جيناك لين بيتك علا شان نبي الصلح لاكن انت مابغيت الصلح كبينه كل شي سويته ورا ضهرنا لاجل بنتي حصه وعيالك
ابو مسلط :انا ماسويت شي يابو محمد (قاطعه الجد ابو محمد ):ماعاد يفيد كلامك وتبريرك
ياعثمان كل من منى عمل في اصله ويا الثاني الحين نستاذن منك
مسلط :تكفه ياجدي لاتشيل بخاطرك على ابوي اكثر مانت شايل
الجد :ياوليدي يا مسلط حنى بغينا اختك العنود لاجل نبيك انت واختك وامك تكونون بينه ومعانا لاكن ابوك الله يهديه
طلع الجد وعياله من بيت ابو مسلط وكان الجد باين عليه الضيق لاجل ماكان حاسب الي بيصير توقع من ابو مسلط على شان يخفي عملته وياهم يوافق لاكن رفض وبعده مصر انه بريئ من الي صار ابو محسن الي كان يناضر ابوه بعتاب لاجل الي صار معهم بسبت قراره وكيف انهانو من اكثر حد يكرهونه ومطلق الي ماكلته النار يبي يعرف الي صار وكان يفكر بالعنود وش معقول ابوها يسوي فيها على شانه خطبها وفيصل كان معصب ومتوتر كيف ابو مسلط يطلع حرامي وباق حلال ابوه وعمانه وكيف يكلم جده وابوه باسلوبه الغير محترم وصلو للديره على شان الديره الي فيها ابو مسلط قريبه على ديرتهم
ابو محسن اول مافاتو للبيت بعصبيه ونبرا حاده : قلت لك يبه قلت لك ذا الردي مابيعطينه بنته ليه ليه خليتنا نروح له ونهين نفسنا كل ذا لييه يبه ليييه
أنت تقرأ
من هو مطلق بدون العنود
Poesíaاول رواياتي بقلمي منهو مطلق بدون العنود نبذا ؟ ؟. وشلون ذا متخلف يعني حنا بعد اهلها قسم ابوك مريض ؟؟. ادري بس يضل ابوي وش الحل لازم نحلها العون يلخوي
