في الديرا الثانيه عند مسلط كلم ضابط في الشرطا وكان يتفق معه على شان خطتهم والضابط كان خوي مسلط على شان كذا مالقه صعوبه في تنفيذ ذي المهما جلس ينتضر العيال حس انهم تاخرو اذن عليه العصر راح وصلى في المسجد ودعا ربه ينصره ويبان برائت ابوه وينفذ وعده لابوه كان مسلط متوتر. كثير وخايف ماتضبط خطتهم لاكن كان يشيل ذي الافكار من باله ويحاول يكون تفكيره ايجابي اتصل في مطلق بيطمن عليهم
مسلط : هاه وينك يامطلق ابطيتو
مطلق : على الطريق شويات نوصلك
مسلط : اجل الله يسر لكم
مطلق : اميين اجل بسكر
سكر المكالمه مسلط وجلس ينتضر ويفكر كيف بيضبطون الخطه وحاير وبعدها الافكار تاخذه وتجيبه ناضر وكان فيه سيارتين من بعيد وعرف انها سيارات العيال اوقفت السيارا عند مسلط
واول ماناضرو مسلط كيف مغير شكله ابتدو كلهم يضحكون عليه ومسلط ماسك ضحتكه غصب ويحاول يسفهم
مسلط : صدق انكم خايسين مجبور عاد شسوي على شان ابين هندي
فيصل : ايه بالله كنك هندي يارجل ماني بقادر امسك نفسي
محسن وهو يمسك نفسه عن الضحك : خلاص انت وهو ماعليك منهم يامسلط المهم ان نفذت الي تبيه
سعود : ايه صدق خلاص لاكن يغض النضر على كلشي سويته الا ان منضرك سفااااح صدقق لون البشرا ومابي اتكلم على ذي الشامه كنها صرصور في خدك لاكن ياحلوك
سيف : صدق يامسلط كنك بياع البقاله في ديرتنا
مطلق : مسكين استلموك وذا المطلوب ياسيف نبيه كذاا يبان عليه كنه هندي ونجحت يامسلط
مسلط : عيال خلنا في الجد تكفون تراني على اعصابي ومتوتر وماني بلاقي هزاركم
مطلق وهو يحط يده على كتف مسلط : افاا يامسلط حنا قدها لاتشيل هم يالخوي
مسلط : ايه بالله انكم كفو وقدها لاكن لابد من لعب الشيطان
محسن : تعوذ منه يامسلط اجل وش نسوي الحين
مسلط : مثل ماقال لكم مطلق بنسوي لاكن تكفون ياعيال نبي كلشي مثل ماقلنا لكم
سعود : ماعليك يامسلط توكل على الله بس وهد نفسك شوي
فيصل : اجل خلك ريلكس
سيف : وشهو ياعيوني
فيصل : انطم انت وش دراك في الثقافه يامتخلف
سيف : لا عاد بتغلط علي مابسكت لك يالورع
مسلط بتنهيدا : لا باذن الله نتصرنا دام سيف وفيصل مستلمين بعض
مطلق : ياهييه انت وهو اقول انطمو لاهلحين ابلش فيك وفيه
سيف : افا ترانا نمزح ولا يافيصل
فيصل : اجل الحين خلاص صدق مشينا ولا
مسلط : ايه نمشي ماتعوذون اوصيكم ياعيال الا العيد يافيصل تكفه
فيصل : لييه يعني ليه حددت على فيصل وش تقصد اقول امش لاخربها عليكم امش
مسلط بضحك : على شان انت دمك خفيف وتحب تطقتق بزيادا ذولي مساطيل
فيصل بغرور :اييه قول كذا من اول خلاص ماعليك انت بمسك نفسي
مطلق : ياخي اخلصو خلنا نمشي للي بيعطينا الحلال ونروح لهم
سعود : اجل ياخي احس تحمست مدري ليه
محسن : ليتكم تانجزون كثر ماتهرجون
سيف : سعود يعطينا الله خير حماسك ذا
مطلق : ياخي شفيكم امشو بس ترانا متاخرين
مسلط : اجل امشو ياعيال
أنت تقرأ
من هو مطلق بدون العنود
Poetryاول رواياتي بقلمي منهو مطلق بدون العنود نبذا ؟ ؟. وشلون ذا متخلف يعني حنا بعد اهلها قسم ابوك مريض ؟؟. ادري بس يضل ابوي وش الحل لازم نحلها العون يلخوي
