من هو مطلق بدون العنود

البارت 16

مضت ايام العزاء الثلاث وكانت صعبه على كل احد فيهم كثير واثر موت ابو مسلط على كل شخص فيهم وكلهم بدو يحسون بالذنب واكثر احد كان ماكله الندم هو ابو محسن حس نفسه ضلم ابو مسلط كثير رغم انه بعده ماعرف وشهي الحقيقه وكان يسئل نفسه ليه كذا يحس وشهو سبب ذا الاحساس الي جاه من مات ابو مسلط

ابو محسن : عضم الله اجركم ياوليدي يامسلط واجرنا واجرك واحد
الجد : الله يرحمه ياوليدي والله يجعله من اهل الجنه
سعود : قوي نفسك يامسلط هاذ حال الدنيا وكلنا على ذا الطريق
ابو علي : يرحم الله مافقدت ياوليدي يامسلط
ابو مجد : الله يرحمه ويغفر له كلنا اموات

(مسلط اكتفه بالسكوت  كان فيه كلام كثير وده يقوله لجده وخواله لاكن ماكان وده يزعلهم منه )

مطلق وهو يحط يده على كتف مسلط : يرحم الله مافقدت يامسلط انا ادري فيه كلام ودك تقول لاكن ماسك نفسك لاجل محد يلومك تكلم يامسلط قل الي تبي تقوله قل الي ودك يسمعونه جدك وخوالك لاتخلي شي بخاطرك

الجد : وش فيه ياوليدي يامسلط تكلم
ابو محسن : تكلم وانا خالك قل الي عندك يرحم ابوك
مسلط ابتسم ابتسامه كلها قهر : امين ليتك انت رحمته ياخالي ليتك صدقته ذاك اليوم ليتك ياخالي ماصديت عنه واعميتم عيونكم عن الحقيقه وضلمتوه ليتك ياجدي وثقت في تربيتك انت قلت لي انت الي ربيت ابوي من بعد موت ابوه وعتبرته ولد لك وزوجته بنتك لانك كنت داري مابتلاقي لها حد مثله لييه ياجدي شكيت في تربيتك ليييه ليه ماوقفت جنبه ليه ماكفيت واجبك معه وصدقته ليه ياجدي ليه ليه سويت فيه كذا الله يسامحك ياجدي كسرته وكسرتني معه

(الجد هو وابو محسن اكتفو بالسكوت وشعور بالندم وكانت عيونهم كلها دموع من كلام مسلط)

مسلط :جاوبوني ليه ماتتكلمون قولو لي ليه سويتو كذا بابوي ياخالي يابو محسن تكلم ليه ضلمتوه كذا ليه صدقتو الغريب عليه ليه صرتو انتو والدنيا ضده لييه موتوه بحسرته على نفسه ليه تصدقون الغريب عليه
ابومحسن : حنا ياوليدي يامسلط ماضلمنا ابوك الضاهر انك ماتدري وش الي صار
مسلط : ادري ادري كل شي انا اعرف اكثر. من الي انتم تعرفوه سمعا من جدي الي انتم شفتوه وصدقتو وسمعت من ابوي الي صار معه عرفت كل شي انا ومطلق صار لنا كم يوم نحاول نوصل لخويكم سطام الي وثقتو فيه مدري وش سوا لكم لاجل صدقتو كذا
ابو محسن : سطام وش تبون فيه وليه ودكم توصلونه
مطلق بقهر : لاجل نوريكم وش هي حقيقته لاجل نوريكم نذالته وكذبه
الجد : كييف وش تورينا انت وهو شتبون بالرجال
مطلق : ليه منعلم ليه دام انتم ماودكم تصدقون ليه نعلم
ابو علي : لييه وش صاير تكلمو
مسلط : علمهم يامطلق يمكن لان انا بنسبه لهم ولد بواق مايصدقون كلامي
سعود :وش ذا الكلام يامسلط الله يهديك
ابو محسن :قول. وش عندكم هاه
مطلق : انا بقول لكم كل شي (مطلق قال لهم كل شي صار بذاك اليوم وكيف سطام تهم ابو مسلط وخلاهم يضلموه ويطردونه من الديرا )
الجد بضيق : لا ياوليدي يامسلط ابوك ماتجوز عليه الا الرحمه ماهو ذا الي صار
مسلط : وش الدليل ياجدي دليلكم كلام ابو سطام زين انا بخليكم تسمعون كل شي بذونكم انا بجيبه لين عندكم واخليه يتلكم عن كل شي سواه
ابو محسن : ذي السالفه مضت يامسلط وصار عليها سنين وايام مالها داعي(قاطعه مطلق بعصبيه وصوت حاد ) : ليه مالها داعي لييه ابو مسلط انضلم وهو سارح لييه قال لكم مسلط نجبيبهم لين عندكم وبعدها سو الي تسونه
ابو علي : مطلق انت ومسلط ماتدرون شي لاتساون شي دون علمنا واتركو الرجال بحاله
ابو محسن بصدمه من عصبيه مطلق وصوته : زين سو الي تبون لاكن ان طلع كلامكم ماله وجود وش بيصير
مسلط : ان كان كلامنا ماله وجود تبرو مني ولا كانكم تعرفوني انا بوريكم ان ابوي مضلوم
مطلق : لاتحسب نفسك لوحدك يامسلط انا معك بكل شي تساويه (قاطعهم دق الباب ):العشه جاهز تعالو تعشو
مسلط : الله يسلم يديتس يمه جاين تفضلو على العشه
الكل مشو يتعشون وماكان ودهم حصه تدري بشي ويزيدونها عليها سكرو على السالفه ولا كان صاير شي
الجد : بنيتي ياحصه انا اقول تمسكين العدا عندنا ومنها تكونين قريبه مني وبكون مطمن عليتس
مسلط : لا ياجدي اعذرني بتضل عندنا هنا
مطلق : ومن قال لك بتضل هنا هاه تراك بتجي معها
الجد ببتسامه : ياوليدي يامسلط تجون انت وامك واختك العنود بتبقون عندنا
مسلط : ياجدي هنا بيكون اريح لنا
ابو محسن وهو يدري مسلط مابيرضه يروحون ليدرتهم : افا والكلام الي قلته كيف بتنفذه وانت هنا هاه
مسلط بستغراب من كلام خاله : ايه ياخالي بس (قاطعه الجد ):لابس ولا شي وان كان ماتبون تبقون في بيت خالك محمد تراه لكم بيت في الديرا بعدهم علا ماتركتوه وقريب علينا بايوقت اجي لبنيتي واتطمن عليها شقلتي يابنيتي ياحصه
ام مسلط : الي تشوفونه يبه
ابو محسن : اجل بكرا من صباح نروح للديرا وبتكونون معنا
مطلق : اجل مسلط قول انك راضي
الجد : ولد مسلط بتكسر كلام جدك
مسلط : حاشا ياجدي الي تشوفه
الجد ببتسامه : الله يحفظك ياوليدي هاه والعنود وش رئيها تبي تجي معنا ولا
العنود واضح عليها التعب : ايه ياجدي الي تبيه
الجد : خير يابنيتي فيتس شي
العنود : لا ياجدي ابد مافيني الا العافيه
ابو محسن : اجل خلنا ننام لاجل الصباح نمشي حصه تجهزو وجهزو اغراضكم من صباح الله خير بنمشي
ام مسلط : انشاء الله
ابو محسن : اجل كل من على فراشه نوم الكل سريع
سعود : ياخوي يامحمد تراك مانك في بيتك نوم وسريع انا بخالف الاوامر وبعد الوقت بدري
ابو محسن : قلت شي ياسعود
سعود : اييه بقول لزوم ننام اليوم كان تعب 
كل من قام فراشه ينام كان يومهم طويل وكله تعب مسلط كان يفكر في كلام خاله ابو محسن وش كان يقصد

مسلط : مطلق نمت
مطلق : لا بعدني صاحي افكر
مسلط : حتى انا بفكرر والتفكير سببلي صداع وش تفكر فيه انته
مطلق وهو يجلس : في كلام ابوي لك يومنه قال لك وكيف تنفذ الكلام الي قلته
مسلط : حتى انا افكر وش ضنك خالي مصدق الي قلناه
مطلق : مادري انا كذا حسيت لاكن تدري ابوي لو انه ماله مصدق ماكان سمح لنا نسوي شيي 
مسلط : وانا قلت كذا لاكنت تدري
سعود : صاحين
مسلط : اييه صاحين وش مصحيك انت
سعود :  بعده بدري الساعه كلها عشر وللامانه ودي اطلع العنود شوي احس فيها ضيق ودي تفضي عن نفسها شوي
مسلط : يااه ياسعود بذا الوقت تكفه نمم بس
مطلق ببتسامه : مشكور ياسعود على شان قلبك كبير وتفكر فينا كلنا مابننسا معروفك ذا ليتك بس تنام وتريح راسك
سعود : افا بس ذا وانا ودي اساعدكم الشرها علي صدق تصبحون على خير
مطلق : وانت بخير مسلط وش كنت تقول
سعود : سحب عليك ونام تستاهل حتى انا بنام
مطلق ببتسامه : سعود احبك
سعود فهم ان مطلق قال له كذا على شان حاس بالعنود : يوه يالخبيث حتى انا احبك تصبح عل خير
مطلق : وانت من اهله

( ننهي البارت لهنا )