في الديرا بيت ابو محسن
ام محسن : هلاا ببنيتي العنود شخبارتس يقلبي
العنود ببتسامه : هلابتس ياخاله طيبه انتي شخبارتس عساتس طيبه
مزن : واقول ليه البيت منور علينا كذا صدق مشتاقه لتس كثير
العنود : يقلبي حتى انا مشتاقه لتس
انفال : ياهلا ومسهلا توه ماينور البيت
العنود ببتسامه خجل : قلبي منور في اهله
سعود : يابختس بس وش ذا الاستقبال انا غرت ليه محد يقول لي كذا
اصايل : يووه قلبي سعود ياهلا ومسهلا هلا بلي ماخذ القلب والبال
مزن : يمه من كذبتس بس لاكن الصدق ان لك وحشه ياسعود
سعود : ادري مافيه داعي تقولين لي ادري
اصايل : زين سعودي قلبي انفداااك صدق انت العم الكفو
سعود : ياليل شتبين اخلصي
اصايل : اييه رح جب لنا نوره تكفه
العنود : ايه تكفه مشتاقه لها بعد
سعود : اجل بروح لاجل عيون العنود بس
العنود ببتسامه : اطلق خال والله
اصايل : طول عمره كفو سعودي وين الجديد
مزن : اجل سعود رح يلا لاتتاخر
فيصل : احمم فيه احد هنا
اصايل : اييه هنا بنت عمتك العنود
فيصل : ياهلا ورحب يالعنود وشلونتس
مزن : ادخل ادخل تكلم من ورا الباب ليه
العنود : هلا يافيصل طيبه انت شخبارك
فيصل وهو يدخل : طيب ماعلي وانتي شدخلتس يالخايسه
ام محسن : بنت عمتكن صرلها هنا وقت ولا احد سوا لها شي قومن جهزن القهوا والحلا
اصايل : اجل يمه تعالن معي للمطبخ
في السجن
ابو محسن : شلونك ياوليدي يامسلط
مسلط : هلا ياخالي وشلونك انت امي واختي شخبارهن
الضابط : انا بستاذن بخليكم تتكلمون براحتكم
ابو محسن : اذنك معك ياوليدي مشكور
مطلق : يبه ليه ماخلونا نمشي معك
ابو محسن بنتهيد كلها ضيقه : مدري وشو الي بقوله ياوليدي يامسلط الرجال الي ضربته دخل في غيبوبه ومايطلعونك من هنا الا يصحه ويرفع الشكوا عنك
مطلق عقد حاجبه وبنبرا حادا : وشهوو كيف مسلط بيبقه في السجن
مسلط وهو يحط يده على راسه : حسبي الله ونعم الوكيل وامي ياخالي واختي
ابو محسن : لاتشيل هم ياوليدي ببقى احاول لين اقدر اني اطلعك من هنا وامك واختك في عيوننا كلنا
مطلق وهو يدق الطاوله بقوا : كييف كذا لييه يبه ماكلمت عياله ليه ماعطيتهم فلوس وخليتهم ينزلون الشكوا كيف بنترك مسلط هنا كييف يبه اتخلى عن روحي ولا اتخلا عن مسلط يانا وهو نطلع من هنا ياباقين هنا الثنين
ابو محسن : انت مهبول مفكر الامور تمشي على كيفك من قال اني ماكلمتهم من قال ماعرضت عليهم فلوس من قال مسلط يهون علي حشا بالله انه مثله مثلكم لاكن ماطلع بيدي شي واعذرني ياوليدي يامسلط مافيدي حيلا
مسلط : معذور ياخالي انت ماقصرت لاكن حسبي الله ونعم الوكيل كذا ربي كتب ومطلق نسيت كلامي لك امس ولا
مطلق وهو يتذكر : ايه متذكر لاكن يامسلط (قاطعه مسلط ) :يامطلق لا لاكن ولا هم يحزنون انت عطيتني وعد وانا اعرف مطلق عدل ينفذ وعده لو حياته عليه انت الوحيد الي اثق فيه يامطلق مافيه احد بدر منه قصور ولاني مقلل من احد حشا لاكن انا اعرفك زين يامطلق تكفه لاتزيدا علي تكفه
مطلق : وكيف تبيني اتركك هنا كيف بترك ضلع من ضلوعي هنا هاه
مسلط وهو يحضن مطلق : ومن قال لك بطول هنا يالعشير كلها ايام وانشاء الله يصحه الملعون وبنشب لك لين تقلعني بنفسك
مطلق بادل مسلط الحضن : الله يشفيه ينزل الشكوا وبعدها ياخذ امانته يصعب علي فراقك يامسلط يصعب علي اتركك وامشي
مسلط : ياخوك بترك لك مسؤلياتي وانت قدها حطهم في عيونك تكفه
مطلق : لاتشيل هم يامسلط في ايادي امينه بذن الله
مسلط وهو يبعد عن حضن مطلق : امشو ياخالي وطمن امي تكفه
الضابط وهو يدخل : اعذروني لاكن وقتكم انتها
مسلط : اجل انا بمشي مطلق ماوصيك
مطلق حس بضيق كبير على مسلط خوي درربه والي يحسبه اخو له كيف كل ذي الايام ماتفرقو والحين بيتركه وحده : انتبه لك يالخوي ولاتشي هم شي وانشاء الله طلعتك قريبه ماهي الا كم يوم وانا بجيلك كل كم يوم واجيب عمتي معي بعد
مسلط بضيق : طمن امي علي ولاتخليها وحدا ابد يلا معه السلامه
مطلق بضيق : الله معك يامسلط
ابو محسن : الله معك ياوليدي اجل خلنا نمشي حنا تاخرنا
مطلق : زين يبه عندي مشوار بقضيه وبجي
ابو محسن بعصبيه : ويين ويين بتمشي هاه امش قدامي امش لاتشوف شي مايعجبك
مطلق : يبه بروح على قبر ابو مسلط بسقيه وامر البيته
ابو محسن : ايييه زين امش انا وانت نروح
مطلق : اجل يبه مثل ماتبي
أنت تقرأ
من هو مطلق بدون العنود
Poetryاول رواياتي بقلمي منهو مطلق بدون العنود نبذا ؟ ؟. وشلون ذا متخلف يعني حنا بعد اهلها قسم ابوك مريض ؟؟. ادري بس يضل ابوي وش الحل لازم نحلها العون يلخوي
