في العزبا
اصايل : يمه كنت بموت بموت
مطلق ببتسامه : بعيد الشر عنتس ياعيون اخوتس
اصايل : اييه عيون اخوي اخوي كان بيوديني لقبري
مطلق : افا عليتس اناا والله ثم والله انتس كفوو
اصايل بغرور : اييه اكيد انا كفو وانا اخت مطلق
مطلق : الله يخليتس لي الحينا امشي للحريم واصحتس حد يدري بلي صار
اصايل : افا تشك فيني اقول لاحد ماهقيتها منك يامطلق
مطلق : ابد ماشك فيتس لاكن ماتقدرين للسانتس ادري اذلفي جه مسلط
اصايل وهي تمشي : زين بروح وبعدين تفهمني وش سالفه ذا سطان
مطلق لمسلط : هاه وش صار اتصلت فيه
مسلط : لا بعدني كنت انتضرك لين تجي
مطلق : اجل خلنى نروح مكان ثاني
مسلط : ايه امش
عند نوره وفيصل وهي تدخل اصايل: لاتقولون لي تاخرت عليكم
فيصل : لا ابد كنا بنام لنا شوي على ماتجين حظرتس
نوره : لا يقلبي ابد ماتاخرتي لاكن فيه ناس مدري ليه كذا عجوله بكل شي
فيصل : ومن ذي الناس تكلميي قولي انا قولي اقصد فيصل ليه تلفين وتدورين
انفال : يووه انت وهي تكفون تبين تتعلمين ركب الخيل ولا
نوره : اييه اكيد ابي
فيصل بابتسامه : اجل نبتدي
نوره : يلاا احس حماسس
اصايل : حتى اناا
فيصل : نوره حطي رجلتس على ذا وانتبهي لاجل ماتوقعين
نوره وهي تقرب وتحط رجولها : ابد تراني ماني بخبلى ادري كيف يركبون
فيصل : اييه مانتس خبلى ابد اخلصي بس
نوره : ليتك تسكت تراك كذا تشتت انتباهي
فيصل ببتسامه : اجل بسكت لاجل ماشتت انتباهتس
اصايل : كفو نوره عرفتي تركبين الخيل وحدتس
نوره بغرور : كذا انا ذكيه من صغري واتعلم سريع بسم الله علي
انفال : ايه انتي مثل فيصل كذا يتعلم سريع
نوره : لا تكفين لاتشبهيني بذا الخبل
فيصل وهو ماسك الرسن : انا خبل ا زين بترك ذا واخلي الخيل يطير فيتس وش رايتس ياخبلتي
نوره بخوف : لا لا تكفه خلاص انا الخبلى ماهو انت
فيصل ببتسامه : زين كذا انتي بامان
انفال ببتسامه وهي تناضر فيصل : اجل دام الي يحميك فيصل انتي في امان الامان بالله
اصايل : وانشهد فيصل بيحميتس لاتخافين انتي
عند مسلط ومطلق
مطلق : نتصل فيه وش نقول له
مسلط : نقول له ان عندنا حلال وسعره زين وان نجيه لبيته ونتفق معه
مطلق : اجل كذا تمشي عليه طمعه بيخلي يصدق
مسلط : زين انا بتصل واكلمه
مطلق : اجل زين اتصل له
مطلق : هاه يرن يارب انه يرد
سطام : الوو
مسلط : سلام عليكم عمي وشلونك
سطام : هلا من معي
مسلط : انا قالولي تبي حلال وعندي حلال بسعر زين وابي ابيعه لاجل ودي اطلع للمدينه
سطام : من الي قلك ابي حلال لا مابي
مسلط : قال لي خوي من خويانك زين دامك ماتبي لو تعرف احد يبي حلال على شان انا ودي اسافر قريب وابي ابيع حلاالي وبيتي لونه بسعر قليل لان للامانه ابي اخلص واروح للمدينه ومافيه احد يخصني هنا لاجل اترك له البيت والحلال لو تلاقي لي احد يشتري وبعطيه بسعر يناسبه بذن الله
سطام : زيين زين انت شسمك
مسلط : انا انا دحام
سطان : زين ياوليدي انا الحين مشغول اكلمك بكرى
مسلط : خير تسوي ياعمي ولاتهون لاتطول علي لان قلت لك بسافر قريب لاجل شغلي كمين يوم ومسافر وان لقيت لي احد انا بعطيه بالسعر الي يبيه
سطام : زيين زين بكرا اكلمك انشاء الله
مسلط : زين ياعمي فمان الله
سطام : الله معك ياوليدي
مطلق : الله يلعنك يالنذل
مسلط : انا بورجيه والله لاخليه يسوح بعرضه وطوله النذل الخايس( قاطعهم سعود ): مطلق اليوم موتك على يدي انا اوريك
مطلق : ليه وش سويت لك
سعود : الا تقول لاخوي ابي تزوج ابلشنتي فيهم
مسلط : وشهو ليه قلت لهم كذا
مطلق : هاذي ياطويل العمر امس سعود تكلم عن الزواج قلت لنفسي اقول لابوي يمكنه مستحي يقول هو سويت خير وقلت لابوي غلطت بشي يامسلط
مسلط : حاشاك وش فيها ياسعود الرجال كان بيساعدك
سعود : يساعدني بوش(قاطع عليهم جوال مسلط وهو يرن ): امي تتصل الو هلا يمه
ام مسلط وهي تبكي :مسلط الحق على ابوك يامسلط
مسلط بخوف : شفيه ابوي شصاير يمه
ام مسلط : مدري مدريي كان بيروح للصلى بعدين حسيت انه تاخر بغرفته جيت بشوفه لقيته مرمي على الارض تكفه ياوليدي الحق علينا
مسلط بخوف على ابوه : خذيتوه المشفه
ام مسلط : ايه يمه ابو الجوهرا ودانا المشفه
مسلط : انا جاي لكم سريع لاتخافين يمه انتهي لك وللعنود
ام مسلط : زين يمه تكفه لاتطول علينا
مسلط : لا يمه بجي الحين(سكر مسلط هو وامه وراح لسيارته بيروح للديره وخو خايف على ابوه )مطلق : مسلط انتضر بجي معك انا بسوق مابخليك تسوق بذي الحاله
مسلط : زين تكفه سريع يامطلق تكفه
مطلق وهو يشغل السياره : لاتشيل هم سريع نوصل ديرتكم قريبه لديرتنا سعود قول لجدي وابوي وعماني
سعود : اجل توكلو انا بقولهم ونلحقكم
مطلق : زين لاتبطون علينا
أنت تقرأ
من هو مطلق بدون العنود
Poésieاول رواياتي بقلمي منهو مطلق بدون العنود نبذا ؟ ؟. وشلون ذا متخلف يعني حنا بعد اهلها قسم ابوك مريض ؟؟. ادري بس يضل ابوي وش الحل لازم نحلها العون يلخوي
