عند العنود ومسلط
العنود : مسلط رح جب لمي الاغراض من البقاله
مسلط : ابشري بس شرايتس تروحين معي تغيرين جو
العنود : مابي بكون عند امي
مسلط : طيب يقلبي براحتس
اصايل الي تعدت الكل وصلت قبلهم
مسلط خبط بها وناضرها
اصايل : وش صار حالف ماتشوفني الا تخبط بي
مسلط : ها وش انا ولا انتي الي ماتناضرين قدامتس
اصايل : واي واي انا لا ولله انت بعدين ماتعرف باكرام الضيف
مسلط : بس انتي مو اي ضيف ماعلينه حياتس دشي
اصايل : وش قصدك بان مو اي ضضيف
مسلط : انتي من اهل اليبت و
اصايل : و وش
مسلط : و وش
اصايل : انت قلت و
مسلط : و انا لا ماقلت اي يعني من اهل البيت وخويت العنود
اصايل : اييه نزين يعني لمتى بنتم هنا ها بعدين كاهو جدي وفيصل وصلو
مسلط : حياكم الله ياجدي تفضلو
اصايل بهمس لمسلط : وانا تخليني ساعه على الباب وهم تفضلو من بعيد لتس الله ياصايل
مسلط بنفس الهمس : هاذ على شان انتي غير
اصايل : طبعا انا غير بس وش يعني انتي غير
الجد : حي من قال ياوليدي
فيصل : حياك
مسلط : تفضلو حياكم اشرقت وانورت ولله
الجد : وينها بنيتي حصه
فيصل : انا بناديها (وابتدا يغني ويدق الباب : عمتي حصه وينتس وينتس تعالي لهنا وينتس وينتس
ام مسلط وهي تضحك : ياحلو صوتك يافيصل
الجد ببتسامه : هلا ببنيتي شخبارتس وانا ابوتس
ام مسلط : الله يطول لنا بعمرك يبه طيبه انت شخبارك تفضلو
نوره بضحك : يوه الحين فيصل يصدق نفسه ويصدق ان صوته حلو تراه صوتك خايس تكفه لاعاد تغني
فيصل :شدخلتس انتي تراني داري ان صوتي مرا حلو ماني بطالب رايتس
اصايل : يوه تراك كلك خايس ماهو بس صوتك مالت عليك
نوره وهي تتجه للعنود : اخبارتس يالعنود
العنود : هلا نوره الحمد الله انتي شخبارتس
اصايل : كلنا طيبين ماعلينا الا العافيه ومشتاقين لتس
العنود :تشتقلتس العافيه
نوره : عاد العنود تصير خويتي المقربا على شان احسها قريبه لقلبي مرا
العنود ببتسامه : الله يسعتس يقلبي
اصايل قهر : يالحيوانه سحبتي علي يالماتستحين صدق
فيصل : ذي الي تدافيعين عنها اعطتس كم ههههه ياشماتي بتس ياصايلوه
نوره : اوه تكفين لاتزعلين علي اصايلوه تدرين شغلاتس بقلبي لاتشمتين ذا الخبل بنا
مسلط : لوني مكانتس ياصايل الا ازعل عليها وماكلمها بعد كل ذي السنين خويات الحين سحبت عليتس
اصايل وهي تمثل الزعل : خلاص يانوره اعتبري كل شي بينا انتها
فيصل : ههههه مصدقه نفستس
نوره : اصايلوه
اصايل وهي تقرب على العنود : كلي تبن بس حتى انا العنود بتصير خويتي الاقرب لقلبي
العنود ببتسامه : الله يسعدتس ياصايل
نوره : افااا تسحبين علي ماهقيتها منتس ياصايلوه
اصايل : يووه حتى انا ماهقيتها منتس بس عاد ودتس تتقبلين الامر الواقع
فيصل : وحدا بوحدا كذا
سعود هو ومطلق وهم يدخلون : شسالفه وحدت وشهو
مسلط : ارحب مطلق
سعود وهو يقلد مسلط : ارحب يامطلق لان مطلق وحده جايك وانا يالردي يالماتستحي
مسلط وهو يضحك : هلا بقلبي سعود شخبارك
سعود بغرور : ايه كذا بخير انت شخبارك
مطلق : اخس ياسعود جاب راسك بكلمه وحدا
فيصل : لونه مبتسم له بس كان جاب راسه مافيه داعي للكلمه بعد
اصايل : ايه هاذ هو سعود قلبه طيب وحنين وش تبغونه مثلكم
فيصل : اشغلتونا فيكم شرايكم نروح للعيال في المجلس
سعودر : ايه تكفون بنستانس شويات
مطلق : ايه شرايك يامسلط
مسلط : لا روحو انتو انا ماني برايح
مطلق : ليه يالخوي
مسلط بهمس : اليله بنروح على سطام شرايك
مطلق : بعدنا مانعرف مكانه كيف بنروح له
مسلط : بنتصل عليه ونضبط معه موعد وش قلت
مطلق : زين الي تشوفه
سعود : فيصل تشوف ذولي الخبيثين ولا
فيصل : انا الي اشوف تحسهك بيسون مئامرا
اصايل : حته انا اقول كذا
العنود : بروح اسوي لكم شاهي
نوره : اجل بنجي انا واصايل معتس
العنود : ايه تعالن
اصايل : ايه بنسوي لكم شاهي مان تراكم ماتستاهلون بس وش نسوي حكم القوي
فيصل : تقصدين حكم الرجال على الناس
اصايل : منهم الرجال انتم
الكل ناضر اصايل بصدمه من كلمتها
نوره وهي تسوعب العيد : لاا اقصد منهم الناس قصدك حنا
نوره بهمس لاصايل : ليتك ماعدلتي حنه وشهو يالخبلاا
اصايل : خلنى نمشي للمطبخ تكفين
فيصل : معلش اختي اصايل خبلا شويات
مسلط بضحك : شويات
سعود : وش تقصد افندم مسلط
مسلط وهو ينتبه لنفسه : هاه ماقصد شي شرايكم ندخل على جدي
مطلق : اجل انتم ادخلو وحنا شويات ونجيكم
سعود وهو يمسك مطلق : ابد رجولي على رجولك
فيصل وهو يمسك مسلط : حتى انا رجولي على رجولك
مطلق : ياذيي البلشه ليه تنشبون كذا
سعود : الله خالقنا نشبات وش نسوي لك
مسلط : ياخي تصدقون حضن فيصل مرا حنون
فيصل : صح والله قل لهم بس قلهم خلهم يحسون في قيمتي
مطلق : اما ياحضن سعود بيمعسك كنك طماط
الجد وهو يجي قربهم :شفيكم انت وهو
سعود بفشله : هااه ابد يبه تهاوشو مطلق ومسلط وكنا نحجزهم
ام مسلط : وشهو تهاوشو ليه يمه الله يهديكم
مطلق وهو يبعد سعود : ياخي فكني كذوب ياجدي كنا بنمشي انا ومسلط في الديرا الا سعود وفيصل نشبو يبون يجون معنا
الجد : الله يهداك ياسعود خلهم ياوليدي بلكين فيه شي مايبونكم تسمعونه
مسلط : ايه ياجدي علمه بعده بزر يبيله تعلوم (قاطعهم صوت الباب ) مسلط : هلا ياخالي تفضلو ياهلا
ابو محسن : هلابك ياوليدي شخباركم
ام مسلط :هلا يابو محسن حياكم
ام محسن : شخبارتس ياحصه توها ماتنور الديرا في وجودكم
ام مسلط : الحمد الله يام محسن الديرا منوره في اهلها
ام مجد :وشلونتس ياحصه
ام مسلط : هلا يام مجد طيبه انتي وشلونتس
سيدرا : شخبارتس ياعمه
مزن وهي تقرب تبوس راس عمتها : شخبارتس يالغاليه عساتس مرتاحه هنا
ام مسلط ببتسامه : الله يخليتس لي بخير وانا عمتس انتي وشلونتس
سيف وهو يدخل هو وابوه : عسر س ماراح علينا شي
ابو مجد : يالملقوف انت شخبارتس ياحصه وشلونتس
ام مسلط : طيبه يابو مجد حياكم الله تفضلو تفضلو على الدييونه
مزن : ياعمه وين البنات
ام مسلط : بالمطبخ يابنيتي روحن لهن
اصايل بصوت عالي: حي الله من لفانا ياهلا ومسهلا تفضلو توه ماينور البيت حياكم
ابو محسن :بنت اقصري حستس الله يخفيه
اصايل بصوت واطي : حياكم الله تفضلو ياهلا اهلا
مزن : كنه بيتها تاهل بنا
اصايل : شويات بيصير الشاهي والقهوا تفضل. على الملجس اتعبرو البيت بيتكم لاتسون فيها رسميات وكذا ترا بيوتنا واحد بذن الله
الجد بضحك : الله يسعتس يابنيتي اي والله ان البيوت واحد
ام مسلط : على قوله اصايل تفضلو وتراه البيت بيتكم
دخلو الكل وبدو يسولفون ومزن وسيدرا راحو على البنات وبعد جللسو يسولفون
أنت تقرأ
من هو مطلق بدون العنود
Poetryاول رواياتي بقلمي منهو مطلق بدون العنود نبذا ؟ ؟. وشلون ذا متخلف يعني حنا بعد اهلها قسم ابوك مريض ؟؟. ادري بس يضل ابوي وش الحل لازم نحلها العون يلخوي
