الصباح في الديرا في بيت ابو محسن
ابو محسن وهو يجي من صلى الفجر : صبحتس الله بالخير ياصيته
ام محسن : صبحك الله بانواره يامحمد
ابو محسن : ايه بالله ان البيت فاضي دون العيال وابوي
ام محسن : اي بالله صدقت
محسن : صبحكم الله بالخير
محمد : صبحك الله بلخير ياجدي
ابو محسن : صبحكم الله بنوره هلا ياعيون جدك
ام محسن : ايه صباح الخير بس لجدك وجدتك مالها
محمد : لا مالتس انا زعلان عليتس
محسن : ولد عيب وش ذا الكلام
ام محسن : خله يامحسن افا وليه زعلان علي شمسويتلك
انفال : صبحكم الله بالخير
الكل صبحتس الله بنوره
محمد : امس كان ودي تاخذيني معتس على العنود ورحتي ولا سالتي عني
ابو محسن : ايه معك حق تزعل عليها وليه ماتاخذيه ياصيته
ام محسن : ياحبيبي يامحمد مانت رحت انت وامك واختك على خوالك ولا
محمد : ايه بس انا كان ودي اروح على العنود معتس
انفال : كل وقته وهو يصيح ليه ماخذيتيه معتس ياعمه ويقول جدتي ماتحبني
ام محسن : ياقلبها لجدتك من الي قلك ماحبك الا احبك لونك قايل لي تبي تروح كان اخذتك معي
محمد : قلت انا زعلان عليتس لاتكلميني خلاص
ابو محسن بضحك : يووه الزعله قويه واضح خلاص اليوم باخذك على عمتك حصه ابشر وانا جدك
محمد : لا ياجدي ابي اروح على العنود
محسن بضحك : يالخبل العنود هي بنت عمتك حصه يعني هم في نفس البيت
محمد برفع حاجب : يبه تكلم عدل لونك ابوي احشم الرجاجيل ولا تقول لي خبل انا ماني بخبل
ابو محسن : كفو عليك ولد احشم الرجاجيل ولا تقول له خبل
محسن : انا ماتكلم عدل اوريك ياقليل الحيا
محمد : جدي ليه انت ماعلمت ابوي يحترم عيال الناس
ابو محسن بضحك : صدق ماعلمته خلاص اليوم بعلمه
انفال : ولد قم عن جدك اتعبته يالملسون
محسن : الا وينها المهرا
انفال : بعدها نايمه
ابو محسن : ياوليدي يامحسن شف لي اخوانك تاخرو على العزبا واكيد راحت عليهم صلى الفجر ذولي مايتادبون ابد لين اجلدهم
محسن : ابشر يبه بتصل فيهم
ابو محسن : لا لا امش معي بنمشي لهم
ام محسن : زين خذ معك محمد بلكين يرضه علينا
محمد : ماعاد ابي اروح امس ماتاخذيني والحين تبيني اروح حشا ماني برايح
ابو محسن : هههه كفو الرجال الحشم انا الي باخذك
محمد : حشم طالع على عمي مطلق
ابو محسن : عجيب بس عمك مطلق الحشم
محمد وهو يحط يده على كتف جده : منهو الي رباه لعمي مطلق ياجدي ماقصرت في تربيت احد عاد الا ابوي نسيت تعلمه يحترم عيال الناس ومايقول عندهم خبلان وقليلين حيا
محسن : صدق انك قليل حيا امش لاجي اجلدك
محمد : تسمع ياجدي يبي يجلدني وانت موجود ماهو محترم وجودك
ابو محسن :ولد تبي تجلده وانا هنا صدق انك قليل حيا
محمد :تسمع يبه شف الدنيا كيف دوارا مثل ماقلت لولدك قليل حيا ابوك الحين يقولك قليل حيا
محسن بضحك : يالملسون كلامك اكبر منك يالمتستحي
ابو محسن : اجل امش يامحسن نصحيهم شوي وتصير الساعه ست ونص
محسن : ايه يبه مشينا
طلعو محسن وابو محسن ومحمد على بيت ابو مسلط بيت ابو مسلط قريب من بيت ابو محسن بينهم كم بيت بس
أنت تقرأ
من هو مطلق بدون العنود
Poetryاول رواياتي بقلمي منهو مطلق بدون العنود نبذا ؟ ؟. وشلون ذا متخلف يعني حنا بعد اهلها قسم ابوك مريض ؟؟. ادري بس يضل ابوي وش الحل لازم نحلها العون يلخوي
