من هو مطلق بدون العنود

البارت 26

في بيت ابو مسلط

ام مسلط ببكى :حسبي الله بس حسبي الله ونعم الوكيل ياربي لاتفجعني في مسلط مثل مافجعتني في ابوه ياربي انك ترحمنا والله قلبي ماهو محتمل كل ذا من مات ابو مسلط وحالنه كل ماله يسؤ ماعاد فيه رجال في البيت ياربي انك تفك اسره وليدي وحيد قلبي يا ربي اني استودعتك ياه احميه لي ورده لقلبي يارب
مطلق : حنا كلنا عيالتس ياعمه وكلها ايام ويطلع مسلط وصاني اقولتس لاتحاتينه وادعي له ياعمه مسلط رجال وماينخاف عليه خلتس قويه
الجد : يابنيتي ياحصه كذا الله كاتب لاعتراض على حكمه وكلي ربتس وسلمي امرتس له والحمد الله مافيه شي كلها ايام وبيطلع
ام مسلط : ودي اشوفه تكفه يبه ودي اشوف ولدي
الجد : يابنيتي وكلي الله انتي في العدا ومايجوز تروحين مكان ولا نسيتي
ام مسلط زاد بكاها : يعني مابزوره مابطمن عليه ماشوفه في عيوني واطمن قلبي
مطلق : ياعمه كل كمين يوم يطلعله يتصل فيتس لاتحاتين بيتصل فيتس اول مايصحله
ام مسلط : من لي انا غير مسلط من لي غيره عون وسند من ليي انا والعنود ليتك تفكرت فينا قبل لاتسوي شي يامسلط
مطلق : افا ياعمه قلت لتس كلنا عيالتس انا هنا انا حسبت ولتس
ام مسلط : الله يسعدك ياوليدي
سعود : شرايتس تدخلين ترتاحين لتس شويات امشي معي
الجد بعصبيه : ابوك وينه ليه ماجاء
مطلق : ابوي ماله عين يشوف عمتي حاس نفسه هو المذنب
الجد تنهد بضيق : حسبي الله ونعم الوكيل بدخل وانت كلم ابوك وخله يجي قله يقلك جدي انت مالك ذنب يبيك تجيله
مطلق : ابشر ياجدي الحين اكلمه

فل في الحوش مطلق والعنود الي تبكي ومنهارا قرب لها مطلق : لاتشيلين هم يالعنود كلها ايام ويطلع بذن الله تكفين بلاا بكا
العنود ببكى : الحين وش بيصير لنا انا وامي بدون مسلط هو الي يسوي كل شي هنا
مطلق : انا هنا اوعدتس بسوي كل شي كان يسويه مسلط لاكن تكفين كافي كذا تعذبين نفستس وتعذبيني اوعتس ببقا معتس والي تبيه انا حاضر فيه
العنود ناضرت عيون مطلق : قل والله
مطلق وقلبه بيوقف من نضراتها له كل ماناضرته يحس تشتت افكاره وقلبه تتسارع نبضاته ولا شعورين قال لها : والله ياعيوني
العنود توترت من كلمه مطلق : هااه
مطلق ادرك العيد : اقصد ان (دق الباب انقض مطلق من الموقف ) :بفتح الباب
نوره : حنا جينا ياهلا فينا توها ماتنور الدار في وجودنا مشكوره يقلبي يالعنود
فيصل : الله يشفيتس بالخبله
اصايل وهي تقرب تحضن العنود : لاتبكين يقلبي كلها ايام ويطلع
نوره : ايه يقلبي تراه السجن للرجال وانشاء الله ربتس يفك اسره انتي لاتحاتين
فيصل : وينها عمتي
مطلق : داخل في المجلس
سعود : ياليل وش جابكم الحين
مطلق بهمس لسعود : انا قلت لهم على شان العنود ماتكون وحدها
سعود : اهااه كيف وحدها مانت عندها توك تعطيها وعود ومدري وشهو
مطلق غمض عيونه باحراج : وربك مانتبهت على نفسي
سعود ابتسم لمطلق : الله يجعلها زوجتك قل امين
مطلق بخجل : اميين
سعود بطرف عين : ماني بخابرك تستحي وبعدين وين الثقل والرزانه الي نعرفها في مطلق واضح جابت راسك من اولها
مطلق : كل تبن بس انت وين وانا وين يارجال
سعود : ادخلو على المجلس اخلصو ابوي قالي اناديكم ونسيت
فيصل : زين انك تذكرت
سعود : صوتك زاعجني هل يومين ادخلو بجيب مي واجيكم
العنود بصوت تعب : انا بجيبه المويه
سعود : لا يقلبي انا بجيبها ادخلي انتي استريحي
اصايل : خله يانجز شي في حياته حنا داخلين امشي قدامي