Falling in love with my husband [✓]

ep10

ဆော့ဂျင် ရေချိုးခန်းပြန်ဝင်လိုက်ပြီး
တဘက်သားနုနုကို ရေစွတ်စေလိုက်သည်။
ရေစိုနေတဲ့တဘက်ကို ရေပြောင်စင်အောင်
ညစ်လိုက်ပြီး အခန်းထဲယူလာခဲ့သည်။
ဂျောင်ဂုက သူထားခဲ့သလို အိပ်ရာပေါ်တွင်
ငြိမ်ငြိမ်လေးရှိနေလေသည်။ သူစိတ်ထဲ
နူးညံ့ချိုမြိန်သွားရသည်။ အရင်တုန်းကလိုဆို
သူ့ကိုအရွဲ့တိုက်ပြီး သူပြောတာနဲ့ ဆန့်ကျင်ဘက်
ကိုသာ လုပ်တတ်သည်။ အခုတွင်တော့
အိပ်‌ရာပေါ်တွင် ငြိမ်ငြိမ်လေးရှိနေပြီး
သူ့ကိုသာ ခပ်အေးအေးစိုက်ကြည့်နေသည်။

သူအိပ်ရာပေါ်တက်ထိုင်လိုက်ပြီး
ရေစိုဝတ်ကို နှာခေါင်းနားတေ့လိုက်သည်။

" ရေကိုရှူလိုက် အသက်ပြင်းပြင်းရှူသလိုမျိုး "

ဂျောင်ဂုက သူ့စကားအတိုင်း သိပ်မလုပ်ဆောင်ဘူး။
သူ့လက်တွေကိုလည်း မဖယ်ထုတ်သလို
အသက်ကိုလည်း ပုံမှန်အတိုင်းသာ ရှူထုတ်နေသည်။
ဒါပေမဲ့ အခုလိုလည်း အဆင်ပြေနေတာမလို့
သူအတင်းကြီး လိုက်လုပ်ဖို့မပြောလိုက်တော့။

" ဒါကလည်းသက်သာတယ်
မင်းခဏခဏဖြစ်တယ်ဆိုရင်
ငါတို့စစ်ဆေးဖို့လိုတယ်
တခြားဘာလက္ခဏာ‌တွေပြသေးလဲ
ငါနောက်နေ့ကြရင် အသေးစိတ်ပြန်ကြည့်ထားလိုက်မယ်
တစ်ခုခုထူးခြားရင် ငါ့ကိုပြောနော် "

တစ်ခါတလေ သွေးလျှံတာမျိုးက
လူတိုင်းနီးပါးဖြစ်ဖူးကြလိမ့်မယ်။
နေပူထဲကပြန်လာတဲ့အခါမျိုး၊
အပြင်းအထန်အားကစား၊
လေ့ကျင့်ခန်းလုပ်ထားတဲ့အခါမျိုးဆို
နှာခေါင်းသွေးကျတာက ပုံမှန်ပင်
စိုးရိမ်စရာမရှိဘူး။ သိပ်ဖြစ်လေ့ဖြစ်စဉ်
မဟုတ်တဲ့ မှတ်တမ်းမျိုးလည်းရှိသည်။
ကိုယ်အရမ်းတောင့်တနေတဲ့အရာ
မျှော်လင့်နေတဲ့အချိန်ရလိုက်တာမျိုးဆို
စိတ်လှုပ်ရှားပြီး နှာခေါင်းသွေးလျှံလာတဲ့
ဖြစ်စဉ်မျိုးရှိခဲ့ဖူးသည်။ အခုဂျောင်ဂု
လက္ခဏာက..

အင့်!

သူ့ရဲ့အိပ်ရာပေါ်ထောက်ထားတဲ့လက်က
ကွေးညွှတ်သွားကာ သူ့ခန္ဓာကိုယ်က
ဂျောင်ဂုပေါ်ကဆောင့်ကျသွားပြီး
သူ့မျက်နှာက ဂျောင်ဂုမျက်နှာနဲ့အနီးဆုံးတွင်..
ဂျောင်ဂုက သူရဲ့အိပ်ရာတွင်ထောက်ထားတဲ့
လက်တွေကို ကွေးစေလိုက်တာဖြစ်သည်။