Unicode🌹
ရွမ်ကျွင့် .. ရွမ်ကျွင့်နီး ။
စိတ်ထဲမှအကြိမ်ကြိမ်ရေရွတ်နေပေမဲ့ ခေါ်သံတို့ဟာ ပြင်ပသို့ထွက်၍မလာခဲ့ ။
အားကုန်သုံးကာအော်ဟစ်လိုက်မှ " ရွမ်ကျွင့်နီး " ။
အခန်းတစ်ခုလုံးဟိန်းထွက်သွားသည့်အော်သံအဆုံး ရုတ်ချည်းပွင့်ဟလာသည့် မျက်ဝန်းတွေနဲ့အတူကပ်လျက်ပါလာသည့် အသိတရားတို့ကြောင့် လှဲနေရာမှထထိုင်လိုက်တော့ မြင်လိုက်ရတာ လူအချို့ ။
" ခင်ဗျားတို့က ဘယ်သူတွေလဲ "
" စိတ်ကိုအေးအေးထားပါ မစ္စတာ အီဂျဲနို "
" ရွမ်ကျွင့် .. ရွမ်ကျွင့် ဘယ်မှာလဲ "
" ဆရာလာရင်ပြောပြပါလိမ့်မယ် "
" ဆရာ .. ဘယ်ကဆရာလဲ ၊ အဲ့ဆရာကိုအခုခေါ်လိုက် "
အော်ဟစ်မှုတွေနှင့်အတူ လက်မှာသွင်းထားသည့် ဆေးပိုက်တွေအားဖြုတ်ပစ်နေတုန်း အခန်းထဲကို ဆောင်ချန်းဝင်လာသည် ။
" ဆောင် ဆောင်ချန်း ၊ ရွမ်ကျွင့်ရော .. သူဘာမှမဖြစ်ဘူးမဟုတ်လားဟင် "
" စိတ်မကောင်းပါဘူး မစ္စတာအီ ၊ ဟွမ်းရွမ်ကျွင့် ဆုံးသွားပြီ "
" ဘာ မင်းဘာစကားပြောလိုက်တယ် ၊ ရွမ်ကျွင့်ကဘာလို့ အဲ့လိုဖြစ်ရမှာလဲ ၊ မဟုတ်ဘူး မဖြစ်နိုင်တာကြီးကို ၊ ဂျောင်ဆောင်ချန်း မသေချင်ရင် မင်းစကားကိုပြန်ပြင်ပြောလိုက် "
ဆောင်ချန်းအင်္ကျီစအားဆုတ်ကိုင်ဆွဲကာ ကျွန်တော်အော်လိုက်တော့ ကျွန်တော့်နားထင်ထောင့်ကိုချိန်းလိုက်သည့် သေနတ်ပြောင်းတစ်ခု ။
" ခင်ဗျားသာ မသေချင်သေးဘူးဆိုရင် ကျွန်တော်တို့ဌာနမှူးရဲ့အင်္ကျီစကို အခုလွှတ်လိုက်ပါ အီဂျဲနို "
" ဌာနမှူး.. ဘာတွေလဲ "
" စိတ်မကောင်းပါဘူး မစ္စတာအီ ၊ ကျွန်တော်က မြောက်ပိုင်းခရိုင်ရဲစခန်းက ဒုရဲအုပ် ဂျောင်ဆောင်ချန်းပါ "
" အော် မင်းကရဲကိုး "
" ခင်ဗျားကို မူးယစ်ဆေးဝါးတရားမဝင်တင်သွင်းမှု ၊ လူသတ်မှု ၊ မီးလောင်မှု ၊ ညှင်းပန်းနှိပ်စက်မှုတို့နဲ့ဖမ်းပါတယ် ၊ ခင်ဗျားရှေ့နေခေါ်ခွင့်ရှိပါတယ် "
YOU ARE READING
🌹ပန်းခြွေမိုး🌹 { 🌹ပန္းေႁခြမိုး🌹 }
Fanfictionအငြှိုးနဲ့လာတဲ့ မိုးငယ် ပွင့်ချပ်တွေပေါ် ကလူလို့ကျီဆယ် အချစ်မပါ ရက်စက်ယုံသက်သက်သာ ရွာတဲ့မိုးငယ်က လှပသင်းထုံခြင်းကို ဝပ်ဆင်းစေတယ် အော်... ပန်းကိုခြွေတဲ့မိုး 🌹 [ အျငိွဳးနဲ႔လာတဲ့ မိုးငယ္ ပြင့္ခ်ပ္ေတြေပၚ ကလူလို႔က်ီဆယ္ အခ်စ္မပါ ရက္စက္ယုံသက္သက္သာ ရြာတဲ့မ...
