" Gold & Pink & Kim " [ Completed ]

( 20 )

Unicode

" အားးး ကယ်ကြပါ! ! ကယ်ကြပါ! ! "

ခပ်နွမ်းနွမ်းအိုဟောင်းဟောင်းအဆောက်အအုံကြီးရဲ့အထဲမှ ထွက်လာတဲ့ စူးစူးနက်နက်အော်သံကျယ်ကျယ်.. မှောင်မဲသဲနေတဲ့ အချိန်မတော်ကြီးမှာ တစ်စုံတစ်ခုအနောက်ကလိုက်နေသည့်ဟန် မောဟိုက်သံတွေပါနေတဲ့အသံဟာ ဘယ်လောက်တောင်ကြောက်လန့်စရာကောင်းလိုက်သလဲ..

" မသိတဲ့လူဆို ..Mrs. Rachel ကို zombie တွေလိုက်နေတယ် ထင်နေတော့မှာဘဲ "

" ဒီကအရူးတွေကလည်း Zombie သာသာဆိုးတယ်ဆိုတာ အစ်ကို Kim ထည့်ပြောအုံး "

" မကြာခင်မှာ လည်ပင်းအညှစ်ခံနေရမလား.. ဆံပင်ဆွဲဆောင့်တာဘဲခံနေရမလား "

Taehyung တွေးစစနဲ့ နှုတ်ခမ်းတွန့်ကာပြောမိသည်.. တန်ပြန်လက်စားချေမှုတစ်ခုမှာ ခင်ဗျားခံနိုင်ရည်ရှိပါ့မလား Mrs. Rachel

ထို့နောက် CCTV ကနေဆက်လက်ကြည့်နေလိုက်သည်..အရူးထောင်တွေထဲကမှ အသောင်းကျန်းဆုံးနဲ့ အဆိုးသွမ်းဆုံးအရူးတွေရှိတဲ့ထောင်ကိုရွေးပြီး ခင်ဗျားကို လာနှိပ်စက်တာ Mrs. Rachel.. ပျော်စရာကောင်းမယ်လို့မျှော်လင့်တယ်..

" နင်.. နင်ဘယ်သူလဲ! ! နင့်ကိုငါသတ်မယ် "

" ကယ်ကြပါ! ! ဘယ်သူမှမရှိကြဘူးလား! ! ငါ့နောက်မလိုက်လာနဲ့! ! တံခါးဖွင့်ပေးပါ "

ပုံမှန်ဆေးထိုးပြီး ငြိမ်အောင်ထားထားရတဲ့အရူးတွေကို ဒီနေ့မှာတော့ လွတ်လွတ်ကျွတ်ကျွတ်ထားထားတာဖြစ်သည်..ထို့ကြောင့် သူတို့အသိစိတ်ဟာအမြဲရန်လိုနေပြီး သူစိမ်းမြင်တာနဲ့အန္တရာယ်ပြုချင်နေကြလေသည်။ Mrs. Rachel ကလည်း ကြောက်လန့်တကြားပြေးလေသည်.. အနောက်ကလည်းသွေးရူးသွေးတန်းနဲ့လိုက်လေသည်.. Mrs. Rachel အသံတွေကျယ်လာလေ.. တခြားအခန်းကအရူးတွေပါနိုးလာလေဖြစ်သည်..ရှုပ်ယှက်ခပ်နေတဲ့လမ်းပေါက်တွေကိုမသိဘဲ တွေ့တဲ့တံခါးကိုဆွဲဆွဲဖွင့်ပြီးပြေးနေတဲ့ Mrs. Rachel ကြောင့် လွတ်လာတဲ့အရူးတွေကတစ်ယောက်နှစ်ယောက်မကတော့ပေ..အရှေ့ကပြေးလေအနောက်ကအုပ်စုလိုက်ကြီးလိုက်လေနှင့် Mrs.Rachel မောလာလေသည်.. သူမ နံရံအကွယ်တစ်ခုမှာခိုးနားလိုက်ပေမဲ့ တံခါးသံတိုင်ကြားက ရုတ်တရက်ထွက်လာတဲ့လက်နှစ်ဖက်က သူမဆံပင်တွေကိုအားကုန်ဆွဲထားလေသည်.. နာကျင်လွန်းလို့ သူမထိန်းထားသည့်ကြားမှအာခေါင်ကျစ်အောင်အော်မိလိုက်သည်