" Gold & Pink & Kim " [ Completed ]

Extra

Unicode

အေးစက်စက်လေထုကြီးစိုးခဲ့သော အုပ်မှိုင်းမှိုင်းဆောင်းရာသီအပြီးမှာ သစ်ရွက်ဝါတွေကြားတိုးဝင်ခဲ့တဲ့ နေရောင်ခြည်နုနုဟာ နွေဦးပေါက်အချိန်ကာလသို့ကူးပြောင်းလာပြီဟု အသိပေးနေလေသည်.. နွေဦးရဲ့နေ့ရက်တွေဟာ လန်းဆန်းတက်ကြွလျက်ရှိပေမဲ့ မလန်းဆန်းနိုင်သော လူတစ်ယောက်ကရှိနေလေသည်.. ထိုသည်ကသက်လက်ပိုင်းအရွယ် Kim Treasure ၏​ဆက်ခံသူထဲမှာ တစ်ဦးဖြစ်သူ Mason ဖြစ်သည် ..ညနေ Kim Treasure ရုံးချုပ်မှာထိုင်နေရင်းနှင့်ပင် အပူအပင်မကင်းစွာနဲ့ ပြာယာခက်နေရလေသည်.. အကြောင်းမှာတော့ တခြားမဟုတ်ပေ တစ်ဦးတည်းသော တူတော်မောင်တို့စုံတွဲကြောင့်ဖြစ်လေသည်.. SeoulဌာနမှJungkook၏တပ်သားအသိမိတ်ဆွေတစ်ဦး၏မင်္ဂလာပွဲတက်မည်ဟုဆို​ကာSeoul ကိုဆင်းသွားကြပြီး ခမည်းခမက်အိမ်မှာတစ်ရက်နေပြီးတော့ Calgary ကိုပြန်လာပြီဆိုတဲ့ အတွဲက အခုထိမရောက်သေးတာကြောင့်ပေ.. ပြန်ရောက်သင့်ပြီး​ဖြစ်သော်လည်း ယခုမူအစအနပျောက်နေလေသည် ..Seoul ကအိမ်ကိုသာမက Jimin တို့ Thomas တို့ဆီဆက်သွယ်မေးတော့လည်း မလာပါဘူးဟူသောစကားကလွဲ၍မကြားရပေ..ထိုသို့ ဘယ်နေရာမှမဝင်ဘူးဆိုသော နှစ်ယောက်မှာ အိမ်သို့လည်းတန်းတန်းမတ်မတ်ပြန်မလာသေးပြန်ပေ..
ဆက်သွယ်၍လည်းမရ၍ Mason မှာ အသဲတယားယား​ဖြစ်နေရသည်..ထို့နောက် ရုံးဆင်းချိန်လည်းရောက်ပြီမို့လို့ Mason လည်း အိမ်အရင်ပြန်ဖို့သာ ဆင်းလာရလေသည် ..

" အိုးးး Tuck "
​
Mason ကားပါကင်သို့သွားရန် မြေညီထပ်သို့ဆင်းလာတုန်း Tuck ကိုဝန်ထမ်းတစ်ယောက်က ခေါ်လာတာကိုတွေ့ရတော့ တူတော်မောင်တို့စုံတွဲကိုပါ မျက်လုံးဝေ့ကာရှာမိလေသည်..

" မင်းတို့ အကိုလေးတို့ကော ဘယ်မလဲ "

" သခင်လေးတို့က မပါလာဘူး ဥက္ကဠ..Treasure လေဆိပ်က ဝန်ထမ်းက Tuck ကိုလာပို့သွားတာ ကျနော်မေးလိုက်တော့ သခင်လေးတို့စုံတွဲက Victoria ကို Honeymoon ထွက်သွားတယ်ပြောပါတယ် "

ဝန်ထမ်းကောင်လေး၏ စကားကိုကြားတော့ Mason မှာ ပြောစရာပျောက်ကာ ရီရုံသာရီနိုင်တော့လေသည်..ကြားထဲကကာလတွေမှာ အနည်းငယ်နားပူနားဆာလုပ်မိသော ကိုယ့်ကိုယ်ကိုနှင့်ခမည်းခမက်မိသားစုအားလုံးဟာ လူယုတ်မာလို့သာ ခံစားလိုက်ရတော့သည်.. မင်္ဂလာဆောင်ပြီးထဲက Ruby ရဲ့အမှုကိစ္စနဲ့ဆက်စပ်တဲ့သက်သေထွက်ဆိုမှုတွေလုပ်ရ, Jungkook၏အလုပ်ထွက်ဖို့အတွက် လုံးပန်းရနဲ့မို့ အချိန်ကြာသွားခဲ့လေသည်.. ထိုအလုပ်ကိစ္စတွေပြီးသွားပြန်တော့လည်း ထိုစုံတွဲမှာ Honeymoon ထွက်မယ်တကဲကဲလုပ်ပေမဲ့ Kim ရဲ့ကိုယ်ခန္ဓာအားစနစ်ကိုပြန်ဖြည့်တင်းရတာနဲ့ ကျန်းမာရေးကိစ္စလေးတွေကြောင့် နှစ်ဖက်အသိုင်းအဝိုင်းက ခဏစောင့်ပါအုံးဆိုပြီး တားထား​​တာဖြစ်လေသည်.. ထိုသည်ကို အခုလိုအခွင့်အရေးရတုန်းမှာပင် အတွဲတွေက အကွက်ချပြီးသူတို့ကိုကြံစည်သွားတာဖြစ်လေသည်..