"ကိုကို "
နဖူးပေါ် ခပ်နွေးနွေး အထိအတွေ့နဲ့အတူ ခေါ်သံသဲ့သဲ့ကိုပါ ကြားလိုက်ရတာကြောင့် မဖွင့်ချင်ဖွင့်ချင် ဖြစ်နေတဲ့ မျက်လုံးကို အားယူကာ ဖွင့်ကြည့်လိုက်တော့ သူ့ကို ငုံ့မိုးကြည့်နေတဲ့ စျာန့်ကို တွေ့လိုက်ရ၏။
"ဟင် စျာန် "
ငုံ့မိုးနေမှုက ရှင်းသန့်နဲ့ တသားတည်း ဖြစ်တော့မလို အနေအထားကြောင့် သူ့ရင်ဘတ်တွေကို လက်ဖြင့် တွန်းလိုက်ကာ ကိုယ်ကိုတိုင်လည်း ကုတင်ခေါင်းရင်းဘက်ကို ရွှေ့ကာ စျာန့်ရဲ့အနောက်ဘက်ကို ဆုတ်လိုက်မိ၏။အိပ်ချင်မူးတူးဖြစ်နေတဲ့ မျက်လုံးအစုံဟာ ပြူးကျယ်သွားတော့တာဘဲ ။
"ဘာလို့ အတင်းလာကပ်နေတာလဲ "
"စျာန်က ဘယ်မှာကပ်လို့လဲ ကိုကိုကလည်း "
"မင်း! "
"ကိုကို "
စောစောစီးစီး စျာန်တွေ ကိုကိုတွေ လုပ်နေတဲ့ အမောင်သူရိန်လင်းစျာန်ကို ရှင်းသန့် မျက်စောင်းထိုးကာ ကြည့်လိုက်မိ၏။ ကျပ်မပြည့်ဘူးလား မသိ။
"ဘာတွေမျက်စောင်းထိုးနေတာလဲ ကိုကိုရ "
"စောစောစီးစီး ကိုကို ကိုကိုနဲ့ မခေါ်စမ်းပါနဲ့ စျာန်ရာ ကျက်သရေမရှိဘူး "
နင်သွားတာဘဲ။ ကိုကိုလို့ခေါ်တာကို ကျက်သရေမရှိဘူးတဲ့။ ဘယ်လိုတွေတောင် ပြောရက်ရတာလဲ ဒီရှေ့နေလေးက။ စျာန်လည်း အောင့်သက်သက်နဲ့ဘဲ မချိပြုံးပြုံးကာ ကိုရှင်းကိုလက်တွေကနေ ဆွဲထူလိုက်ပြီး
"မစောတော့ဘူး ၈နာရီခွဲတော့မယ် စျာန်တောင် ဂျူတီပြီးလို့ ပြန်လာတာ "
ပြောလိုက်တော့မှ ပြူးတူးပြဲတဲဖြင့် ထလာပြီး ဟိုကြည့်ဒီကြည့်ဖြင့်
"ဘာ ဘယ်လောက်!! ဘယ်နှစ်နာရီ ဟမ် ကိုးနာရီ အမှုသည်နဲ့ ချိန်းထားသေးတယ် "
"အဲ့ဒါဆိုလည်း ထထ စျာန် လိုက်ပို့မယ် "
"ရတယ် ရတယ် ဒီနေ့ ငါ့ဘာသာသွားမှာ မင်း နားလိုက်အုံးစျာန် အိပ်ရေးလည်း ပျက်ထားတာ "
"ရတယ် စျာန်လိုက်ခဲ့ "
"ငါပြောတာ နားထောင် "
YOU ARE READING
မောင့်အာရုဏ်ဦး // COMPLETE //
Romanceမောင်လက်ထပ်ချင်တဲ့ တစ်ဦးတည်းသော သူက မင်းပါ ရုဏ်ရုဏ် 💙💐 ကွန့်ထူးထည်ဝါ မောင့်အာရုဏ်ဦး coverartist = Pann Eain 💐 ေမာင္လက္ထပ္ခ်င္တဲ့ တစ္ဦးတည္းေသာ သူက မင္းပါ ႐ုဏ္႐ုဏ္
