"ဘာမွေးစားချင်တယ်!!!!"
စူးကနဲထွက်လာတဲ့ ဂျူးစေရာရဲ့အသံကြောင့် ကွန့်ထူးမှာ နားနဲ့ခွာလိုက်ရတဲ့အထိ။ဟယ်လိုတောင် မလာသေးဘဲ ဒီစကားစပြောလာပုံထောက်ရင် ကိုရှင်းသန့် သူတို့ကို ပြောပြပြီးပြီ ထင်၏။
"ဘာလဲဆိုတော့ မောင့်အာရုဏ်ဦး ကိုလေ "
"ကွန့်ထူးထည်ဝါ"
"ဘာလဲ "
"ရူးသွားတာလား မင်း! "
"မင်းတို့ကလည်း ရူးသွားတာလားဘဲ မေးနေတယ် မရူးလို့ မွေးစားချင်တယ် ပြောတာပေါ့ "
"အဲ့တော့ ဟိုက လက်ခံလား "
"မပြောရသေးဘူး "
"မင်း မွေးစားချင်တာရော ဟုတ်ရဲ့လား ကိုကွန့်ရာ "
"မင်းတို့ကို ကိုရှင်းပြောပြပြီးပြီ မှတ်လား "
"အေး ပြောပြပြီးပြီ မူမမှန်လို့လေ စျာန်နဲ့ ဂျိမ်းက ဒီရက်ထဲမအားလို့ ငါတစ်ယောက်ဘဲ လာပြောရတာ မင်းကို! "
သြော်! အားရင်တော့ လူစုံတက်စုံ လာပြောဖို့ ဆန္ဒရှိကြတယ် ထင်၏။တကယ့်လူတွေ။
"ဘာကို မူမမှန်တာလဲ "
"ငါပြောမယ် ကွန့်ထူးထည်ဝါ အသက်ငါးနှစ်လောက်ဘဲ ကွာတဲ့ ယောက်ျားလေးတစ်ယောက်ကို ဘယ်ယောက်ျားလေးကမှ မွေးမစားချင်ဘူး! "
"ငါမွေးစားချင်တယ်လေ "
"အား! လုပ်လုပ် မင်းကလည်းတစ်မျိုး ဟိုရှေ့နေကောင်ကလည်း တစ်မျိုး အကျိုးသင့် အကြောင်းသင့်မရှင်းပြဘဲ စာချုပ်စာတမ်းတွေတောင် ပြင်ဆင်ပေးနေလိုက်သေးတယ်"
ဂျူးစေရာရဲ့ ဒေါသသံဖြင့် အော်ဟစ်တာကို ကွန့်ထူးထည်ဝါ တစ်ယောက် နားမလည်နိုင်ပါချေ။ လူတစ်ယောက်လေး မွေးစားတာကို ဘာတွေခက်နေတာလဲ။ ရုဏ်ရုဏ့်ဆီက မွေးစားဖို့ ခွင့်ပြုတယ်ဆို ဖားသားကြီးကို ပြောပြီး မွေးစားဖို့ လုပ်တော့မှာ။
"ဘာများမှားလို့လဲ "
"မမှားဘူး ဆက်လုပ် ဆက်လုပ် မပြောတော့ဘူး ကြည့်နေမယ် "
"ကောက်သွားတာလား "
"ကောက်ရအောင် ငါက ကလေးလား "
ESTÁS LEYENDO
မောင့်အာရုဏ်ဦး // COMPLETE //
Romanceမောင်လက်ထပ်ချင်တဲ့ တစ်ဦးတည်းသော သူက မင်းပါ ရုဏ်ရုဏ် 💙💐 ကွန့်ထူးထည်ဝါ မောင့်အာရုဏ်ဦး coverartist = Pann Eain 💐 ေမာင္လက္ထပ္ခ်င္တဲ့ တစ္ဦးတည္းေသာ သူက မင္းပါ ႐ုဏ္႐ုဏ္
