_مش هتتجوزى طول ما انتِ ماشيه بالخيمه دى.
"لا عادى دى ماما كل يوم قبل ما اخرج تسمعنى الجمله دى"
_ومين قالك يست الكل انى مش هتجوز طول ما انا بلبس كده؟
_ اللِ قالى انى شايفه اللِ اصغر منك اتجوزا وانتى لسه قاعده!
_النصيب يماما النصيب وانا نصيبى لسه مجاش ف يبقى نستنى وانا مش هتخلى عن الخمار عشان عريس اللِ هيجيلى هيكون جاى مش عشان شكلى ولا لبسى هيكون جايلى عشانى انا لانى محافظه على نفسى وساتره جسمى مش ماشيه لابسه ومش لابسه وكل ال ف الشارع يبص عليا اللِ انا لابساه ده عشان اطيع ربنا والجواز رزق من عند ربنا ف ازاى الطاعه هتمنع رزق يماما.
_يبنتى انا خايفه عليكى شايفه كل البنات اللِ حواليا بيتجوزا ويخلفوا وانتِ لسه بس خلاص انا مش هقولك تانى ونستنى نصيبك ربنا يرضى عنك يحبيبي.
"واخيرًا ماما اقتنعت اللهم لك الحمد كما ينبغى لجلال وجهك وعظيم سلطانك"
"طلعت م البيت وكالمعتاد سلمت على طنط بتاع السوبر ماركت واشتريت بونبونى كتير من عندها وكل ما بقابل طفل صغير اديله منه وابتسم ليه ول مامته وامشى"
لحد ما لقيت بنت بتعيط
_ مالك يحبيبي بتعيطى ليه؟
_ مس لاقيه عمو.
_طب وعمو ده سابك هنا ومش ازاى؟
_ كنت واقفه معاها هنا وهو بيتكلم ف التيلفون ومشى.
شاورلتى ع المكان
_متخافيش يحبيبي يلا امسحى دموعك وخدى البونبون ده ويلا نورح نشوف عمو.
اخدتها ومشيت تجاه المكان اللِ شاورتلى عليه ولقيت واحد واقف وضهره لينا والبنت قالت هو ده عمو وجريت عليه
لف لينا ولقيته شالها وقالها
_ بتعيطى لى يمريوم؟!
-عشان سيبتنى ومشيت.
_وانا اقدر بردوا يمريوم يحبيبي انا بس سرحت شويه وانا بتكلم ف التيلفون.
وشاور عليا وقال بتساؤل
_مين البنت ال جابتك دى؟
-طنط دى جميله خالص يعمو شافتنى بعيط اديتنى بونبون وجابتنى عندك.
بصلى وقالى
_بشكرك جدا ى انسه انك وقفتى معاها وجبتيها،
مد ايده عشان يسلم
_الشكر لله بس انا مبسلمش.
"حسيته اتحرج سيكا بس يلا مش مشكله"
_ بعد اذن حضرتك يلا يمريوم سلام.
"سيبتهم ومشيت كملت لحد ما وصلت ل الدار
لما دخلت لقيت الاطفال بيجروا عليا حقيقى انا محظوظه انى باجى هنا كل يوم اشوف الاطفال دول
قعدت شويه معاهم لعبنا كتير وبعدين روحت البيت
وروتينى ثابت كل يوم اخرج م البيت اجيب بونبون اوزعه ع الاطفال واجيب هدايا ل اطفال الدار والعب معاهم واروح حاجه لطيفه خالص، وانا حبيتهاوف يوم وانا جايه من الدار لقيت ضيوف عندنا، والغريب ان ماما قالتلى اطلعى ل الضيوف
لما دخلت لقيت مريم البنت ال كانت بتعيط بتجرى عليا وتحضنى والشخص ال كان معاها موجود وبنت كمان باين انها لطيفه
قعدت وانا مش فاهمه حاجه حقيقى وبعدين ماما واخته خرجوا وفضل بنتها
_ازيك يمريم؟
_الحمد لله.
طب اعرفك علي نفسي انا محمد،
عرفني علي نفسه وبعدها سألته
_لي انا؟
_مش هلاقى زوجه ليا احسن منك وعشان كده انا جيت انهارده عشان اتقدملك وبتمنى انك توافقى.
اتكلمنا شويه وقولتله هصلى استخاره ورد هيوصلك مع ماما وبعدها ماما وحور اخته دخلت اتكلمنا كتير مع بعض واخدت رقمى مشيو وانا صليت استخاره
وحاسه انى مرتاحه
يلا الله المستعان قولت ل ماما انها تبلغه موافقتى وطلب انه يكتب الكتاب الاسبوع الجاى واصراره اننا نكتب الكتاب بالسرعه دى فرحنى وانا مش عارفه ليه حقيقى
بارك الله لكما وبارك عليكم وجمع بينكم فِ خير
بعد الجمله دى اخدنى بعيد عن الناس مسك ايدى وقالى
_لما شوفتك مع مريم وانك وقفتى معاها غيرك مكانش هيعمل كده وكمان انك مسلمتيش عليا ب ايدك احترمتك جدا مش عايز ابالغ واقولك انى حبيتك بسرعه وكده انا بحترمك وشايف انك زوجه صالحه ليا هتعنينى على طاعه ربنا وندخل الجنه سوا وطلبت كتب الكتاب بسرعه لان مش عايز يحصل شئ غلط ف فتره الخطوبه
وصحيح شكلك لطيف بخمارك
ف النهايه عايزه اقول ان مش الخمار او النقاب ال هيأخر جوازك اللبس الشرعى فرض على كل مسلمه وكما قال الله وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ...}
متتردديش ف انك تاخدى خطوه زى دى وبلاش جمله انا مش ملتزمه كفايه عشان البسه لما تلبسى الخمار ده هيساعدك انك تلتزمى اكتر بالله
خدى الخطوه يجميل والله المستعان
ـ مبسوط باللي انت فيه دا
/انا مش عاوز اتكلم
ـ ليه
/ليه اي
ـ ليه ضيعتها من ايدك ي صاحبي
/بقت مستحيله زهقت مش عارف اوصلها
ـ زهقت؟
/حاجه زي كده، بص ي بلال من الاخر انا عارف انك كنت عاوز تخطوبها واهي بقت قدامك اهو تقدر تخطوبها احنا سبنا بعض وانت عارف.
ـ بص اولا انت عارف ان انا مكنتش عاوز اخطوبها وهي كانت عروسه امي جايبهالي زي اي ام عاوزه تفرح ب ابنها بتدورو علي عروسه ثانيا انت لو قولتلي انك بتحبها انا سكت ومرضتش اروح اتقدم بس كنت بتابع قصه الحب دي من بعيد وكنت مستني اعرف اخرتها اي
/وعرفت اخرتها اي
ـ اخرتها انك سبتها واتجوزت غيرها
/انا حاولت وعملت اللي عليا
ـ انت بتكدب علي نفسك زي ما كدبت عليها حاولت مره ولا اتنين عشان شكلك قدامها ميبقاش كداب ولما لقيت مفيش فايده سبتها كأنك كنت بتتسلي
/عاوزني اعملها اي اموت نفسي
ـ لو بتحبها هتحارب عشانها لحد اخر نفس عندك مش لحد ما تزهق
/اللي حصل حصل
ــ عرفت انك مكونتش بتحبها
/بلال انت عاوز توصل لاي
ـ عاوز اقولك في فرق بين الانبهار والحب وانت كنت في مرحله الانبهار انبهرت بيها ب اختلافها وبراءتها الزايده انبهرت ب ضحتها البريئه لما حد يقولها انتي حلوه النهارده وطفولتها وهي بتلعب مع الاطفال انبهرت ب خوفها علي الناس اللي بتحبهم وازاي بتتحول شرسه لما حد يحاول يزعلها انبهرت ب جدعنتها وانبهرت بقدرتها تكون طفله رقيقه هاديه وست عاقله وشخصيه قويه ودا كان مجرد انبهار
/دا انت مركز بقا
ـ انا كنت بدرس كل واحد فيكو في العلاقه دي واشوف مين كان يستحق ومين لا
/وانت مشوفتلهاش عيوب مثلا بعد كل دا
ـ لا شوفتلها اكيد كل انسان ليه عيوب وهي ليها عيوب كتير زي تسرعها في الكلام والتصرفات و كلامها اللي مش موزون ساعات بيطلع منها غصب عنها وعفويتها اللي ممكن تزعل حد منها
/عرفت اني كنت مستحمل
ـ اللي بيحب حد بيحب عيوبو قبل مميزاتو وانت معملتش كدا في كل الاوقات كنت بتحاول متشوفهاش
/انت ليه مصمم تطلعني وحش
ـ انا مش مصمم علي اني اطلعك وحش بس انت خدعتها و كسرت جواها اي نبضه ممكن تنبض حب لحد في يوم عارف علي الاقل هي كانت لاخر لحظه متمسكه بيك انت بقا معملتش كدا اتجوزت بعد ما سبتها بفتره صغيره حتي محزنتش عليها ولا علي حبكو
/بلاال انا مش عاوز اتكلم في الموضوع دا تاني عاوز تخطبها اتفضل انا مليش دعوه
ـ هخطبها وهعوضها عن كل حاجه وحشه عاشتها بسببك وانت ربنا يوفقك في حياتك بعيد عننا وعنها.
♡♡♡•♡♡♡♡♡♡•♡♡♡♡♡♡♡•♡♡•
. معرفش انا كنت كنت متمسك بيها ليه او ليه هي بالذات اللي شوفتها الوحيده المناسبه ل حياتي. هو دا اكيد مش حب او حب بس حب من العقل مش القلب بس هي غربيه ومميزه ونقيه من جوا كدا.
. خطبتها وكانت خطوبه عاديه روتنيه اختارت اني احافظ علي قلبها مش هلوثه زي ما يوسف عمل عدت السنتين بخناقتهم بمصالحتهم ب ضحكهم وحزنهم عدو والنهارده كتب كتابنا هتكون مراتي خلاص.
ـ جميله دي كلمه قليله عليكي
/بلال بس
ـ لا بقا ما انتي بقيتي مراتي يعني براحتي
/براحتك!
ـ عالاخر
ضحكت /ماشي ي عم
ـ سدن انا عاوز اتكلم معاكي
/معاك
ـ انا كنت عارف كل اللي حصل مع يوسف وانتي مش مضطره تبرري لاني عارف كل حاجه بس ياريت تنسي الموضوع دا ونقفله
بصت للارض ودمعت/انا فعلا مش هبرر لاني مش عندي مبرر لاي حاجه حصلت بس اوعدك ان اقفل الموضوع وانسي واني اكون زوجه صالحه عند حسن ظنك
مديت ايدي امسحلها دموعها ـ انا متأكد من كدا متعيطيش
ابتسمت /حاضر
ـ اممم طب ليا حضن
/بلااااال
ضحك ـ ي حبيبو
/اسكت الله
ـ سكت اهو اما نشوف اخرتها
/عسل
ـ هي اي
/اخرتها
ـ والله انتي اللي عسل
عدلت خمارها بغرور /انا عارفه عارفه
ـ ي واد ي واثق
/اومال يبني
. روحها حلوه مبهجه ازاي حد يجيلو قلب يخدش قلبها
. فرحنا كان تقليدي مفيهوش حاجة مختلفه بس كان مبهج بيها وباهلها الطيبين وفرحه اهلي ليا وتجمعهم عشاني كان لطيف
/انزاح
. فوقت على صوتها، كنت سرحان وفوقت لقيتها جايبه نسكافيه وبطانيه و واقفه قدامي
/في كراسي وكنب كتير علي فكره
ـ ي مان خلص وانزاح انا عاوزه اقعد هنا
/اتفضلي
. فردت البطانيه علي الكنبه وقعدت تحتها وغطتنا بيها وسندت راسها علي كتفي
/سدن انتي ممكن في يوم تحبيني
ـ ممكن
اتكلمت بيأس /يعني لسه
رفعت راسها ومسكت كفوفي ـ الحب مش اهم حاجه في حاجات كتير اهم
/زي اي
ـ زي الامان اللي بحسو بوجودك وزي الاحترام بنا وزي الموده وزي حاجات كتير وزي سندنا لبعض كل دول اهم من الحب اللي ممكن اي اتنين يتجوزو عن حب يفقدوه وبيفضلهم الحاجات دي بس
ابتسمت /كلامك صح
ـ صدقني انا الموضوع صعب عليا ووجعني وانا بحارب نفسى عشانك انما انت لو عليك ف مين ميحبكش ي بلال
/اعتبره اعتراف
سندت علي كتفي تاني وشددت على دراعي ـ انت جميل ي ولاا
.
يمكن معاها حق فعلا الحب مش كل حاجه وحياتنا يمكن افضل من اي اتنين متجوزين عن حب، كفايا الترابط اللي احنا فيه وشيلنا ل بعض، وجودها جنبي في تعبي شيلها ليا في ظروفي الصعبه وتقديرها ل ده كان معاها حق يوم ما قالت الحب مش كل حاجه
. بعد كام شهر من جوازنا سدن حملت وللاسف كانت تعبانه جدا والبيبي مات
اتكلمت بعياط ـ البيبي مات ي بلال مات
حضنتها /اصبري ي حبيبتي واحتسبي دا اختيار ربنا لينا واكيد هو الاحسن
ـ ونعم بالله
/عيطي ي سدن طلعي اللي جواكي
. شددت على حضني فضلت تعيط لحد ما حسيت بتقلها علي دراعي فعرفت انها نامت. فضلت اقرألها قرآن شويه، كل خوفي كان عليها، عليها هي وبس، انا متأكد ان ربنا هيعوضنا
/سدن انا جيت ي حبيبتي
ـ حبيبي حمدالله علي السلامه
/جبتلك اي
ـ الاااه بوكس شوكلاته انا بحبك اوي
اتكلمت بفرحه وحضتنها /وانا كمان ياااه اخيرا ي ست سدن غلبتيني
ضحكت ـ انت جميل ي ولاا
.
: وبعدين ي ماما كملي
ـ ولا قبلين ي ست چود بعدها بفتره اكتشفت اني حامل فيكي وكنت خايفه انو يحصلك حاجه وحشه وبابا فضل جنبي يطمني لحد ما جيتي واهو كبرتي وبقيتي احلي كتكوته ودخلتي المدرسه
كانت چود لسه هتتكلم بس قاطعها دخول بلال /لو خلصتو الحكايه للمره المليون انا جعان
ضحكنا ـ عيوني حاضر
/يسلمولي
كنت لسه هرد بس چود ردت بجملتي المعتاده: انت جميل ي ولاا
ضحك وشالها/وانتي ومامتك اجمل ي قلب الولاا
. استوصو بالنساء خيرا فإنهن وصيه رسول الله ♥️
تم
