"بداية قصتنا من عند رغد عندها ١٨سنه في ٣ثانوي بنت جميلة وملتزمه وقريبه من ربنا وبتحفظ القرآن لبسها واسع ولابسه خمار ؛ وبنت تانية اسمها حور في نفس الصف بس بتلبس ديق وطرحه قصيرة وبتسمع أغاني ساكنين في حي السيدة زينب وفي يوم... شافت رغد ورغد شافتها كانت بتجمعهم صدف وتلاقي النظرات وفي يوم جمعتهم صدفه اكبر بأنهم زمايل في نفس الفصل اتعرفوا علي بعض الاتنين حبوا بعض برغم الاختلاف اللي بينهم بقوا ما يسيبوش بعض بقوا أخوات مش صحاب رغد حور دايما أنها ما تلبسش ديق وتقرب من ربنا بس حور بتسمع من هنا وتطلع من هنا جه في يوم حور اتصلت ب رغد وقالتلها..
حور:تعالي نخرج النهاردة الجمعه يعني إجازه رغد وافقت واستأذنت مامتها وخرجت مع حور وهما ماشيين رغد قالت لحور: تعالي ندخل مسجد السيدة زينب نصلي وندعي في المسجد شوية
حور:ياستي هو إحنا جايين نتفسح ونتمشي ولا ندخل نصلي وندعي في المسجد ابقي صلي وإدعي في البيت
رغد: لا يا حور أنا عايزة أصلي وأدعي في بيت ربنا عايزة تيجي تعالي مش عايزة براحتك
حور: خلاص خلاص ها اجي يلا
وهما داخلين واحدة وقفتهم وقالت لحور:ما ينفعش يابنتي تدخلي المسجد بالشكل ده !
حور:طيب اعمل اي يعني دلوقتي؟
رغد :خلاص يا حور تعالي
رغد خدت
حور ومشيت '
حور قالت :أي مش انتي عايزة تصلي وتدعي في المسجد ادخلي وأنا ها استناكي .
رغد : تب تعالي نتمشي شوية كده وهما ماشيين رغد دخلت محل كبير بتاع ازياء إسلامية .
حور: اي ده اي اللي جبنا هنا انتي مش قولتي ها نتمشي شوية ؟
رغد :اه ما احنا اتمشينا لحد هنا تعالي اختاري واحد من دول واعتبريه هدية مني ليكي كل ما تيجي تلبسيه افتكريني بيه وبالمرة عشان ندخل المسجد،
حور:طيب
دخلت قاست واحد حلو رغد قالتلها ما شاءالله شكلوا جمييل اووي عليكي يا حور
حور:والله ما في جميل الا انتي بس ده واسع اووي وانا ما بحبش الحاجات الواسعه '
رغد:لا حبيها يلا عشان الصلاة ما تفوتناش .
خرجت بيه وهما ماشيين حور ما كانتش عارفه تمشي بيه وقفت في نص الطريق وقالت: رغد رغد؟!!
رغد كانت عدت الطريق ومش سامعه وحور بتنادي سمعت صوت عربية أول ما لفت وراها العربية خبطتها !!
حور أغمي عليها ورغد جريت علي حور بسرعه عمالة تطلب مساعدة من الناس لحد ما الناس ساعدوها وودوها ألمستشفي رغد كانت اتصلت بأسرتها وأسرة حور كلهم كانوا قلقانين أول ما الدكتور خرج قالهم عندها التواء بسيط في رجليها وجرح في جبهتها بس هي ها تكون بخير إن شاءالله.
دخلوا يطمنوا عليها رغد قالت: ألف سلامة عليكي يا حور ياريت كنت أنا وأنتي لا.
حور: الله يسلمك ' بعد الشر عنك ما تقوليش كده .
أسرة حور اطمنوا عليها وخدوها البيت.
بعد شهرين الإمتحانات ع الأبواب حور ما كنتش مهتمه ب المذاكرة اووي
ورغد كانت بتبذل مجهود عشان الإمتحانات َ لحد ما جه يوم الإمتحان حور راحت المدرسة عشان إمتحانات الثانويه العامه لقت رغد هناك سلمت عليها وقالتلها : اي الأخبار...مذاكرة؟
رغد: آه الحمدلله.. وأنتي؟!
حور ضحكت وقالت:يا ستي هو احنا بتوع الكلام ده.
رغد : يا بنتي ده امتحان ومستقبل يلا راجعي .
حور : طيب خلاص ها اراجع اهو.
جه وقت الإمتحان حور في لجنه ورغد في لجنه .
حور ما كنتش عارفه تحل غير حاجات كام سؤال وقضت الباقي غش واللي مش بتعرف تغشوا بتسيبوا.
رغد كانت بتحل ومش بتغش وما سبتش سؤال وسلمت الورقه وفضلوا ع الحال ده طول الإمتحانات .
في آخر يوم وهما مروحين
رغد قالت ل حور :تعالي نروح المسجد نصلي وندعي ربنا ينجحنا .
حور :ماشي يلا
راحوا المسجد رغد فضلت تصلي وتدعي هي وحور اول ما خلصوا ..
رغد قالت:أنا ها اقرأ أذكار شوية.
حور :طيب .
قامت حور جابت تليفونها وفضلت قاعده عليه لحد ما رغد خلصت
رغد قالت :مش عيب عليكي ياخور تمسكي وتلعبي بالتليفون في المسجد بيت ربنا !!!!
حور :ما أنتي كنتي بتقرأي يا رغد.
رغد :وفيها أي لما تقرأي معايا مش أفضل وأحسن من مسك التليفون في المسجد؟؟!
حور: خلاص يا رغد حقك عليا مش ها تتكرر .
رغد :ماشي يا حور بس يارب ربنا يسامحك"
خرجوا ومر أسبوعين والنتيجه ظهرت
رغد اتصلت ب حور
قالت: الحقي النتيجه ظهرت استأذني والدتك وتعالي نروح نجبها..
حور : طيب .
راحوا يجيبوا النتيجه ...حور درجتها مش حلوة خالص ورغد درجتها حلوة رغد كانت مبسوطه اووي بس كانت زعلانه علي حور
رغد:ما تزعليش ياحور كله خير وربنا ها يعوضك وبعدين ده أنتي ها تدخلي كلية أصول دين هو حد يطول ؟.
حور :خلاص يارغد انتي بتقولي كده عشان تهاوديني!.
رغد :لا والله مش بهاودك ده أنتي ها تعرفي معلومات عن دينك وأحاديث وحاجات حلوة كتير.
حور : الحمدلله راضية ربنا بيدي كل واحد علي قد تعبه .
وهما مروحين ...
رغد:بقولك
حور :قولي
رغد:بفكر البس نقاب انتقب يعني أي رأيك؟؟
حور:تنتقبي لا ياستي نقاب اي إنتي كده شكلك حلو اهو!.
رغد :بس النقاب بيخبي الواحد شكله أحلي ياحور وبعدين أنا كان نفسي انتقب من زمان !..
حور:طيب انتقبي كده وشوفي اللي ها يريحك.
رغد:اوكي ها أقول لماما وأشوف رأيها'
رغد روحت بعد ما ودعت حور وراحت تقول لمامتها ...
مامتها فرحت اوووي بفكرة النقاب وبنجاح رغد .
في يوم رغد خرجت مع مامتها ومع حور عشان يجيبوا كذا نقاب لرغد وجابوا وبالفعل رغد انتقبت
حور كان مبسوطه عشان صاحبتها رغد وكانت زعلانه علي نفسها في نفس الوقت.
بعديها بيوم...
رغد :ماما ينفع اروح أنا وحور نصلي في المسجد ؟؟
مامت رغد :روحي ياحبيبتي بس ما تتأخروش..
رغد :حاضر يا ماما
راحوا المسجد يصلوا رغد كانت بتتدعي إن ربنا يهدي حور وينور بصريتها وبتقول يارب ما تتوفانيش غير وأنا ساجدة أو بقرأ قرآن ..
خلصت صلاة هي وحور ..وهما مروحين ..
حور:بقولك
رغد :قولي
حور :اي رأيك نعدي نشرب عصير ؟؟
رغد :ماشي بس روحي أنتي وانا ها استناكي ..
حور :طيب
رغد شافت حور وهي بتهزر مع بتاع العصير ف ادايقت من حور اووي
حور جت ..
حور:اتفضلي
رغد :الدي اللي إنتي عملتيه ده يا حور هل ينفع تهزري مع واحد كده ينفع؟؟!!
حور:اهدي بس يا رغد ما كانش هزار اوووي يعني..
رغد :طيب لما تعرفي كان اي ابقي كلميني
رغد مشي وحر عمالة تنادي عليها رغد وقفت وقالت:لو سمحتي ما تنادينيش ب أسمي تاني في الشارع وسابتها ومشيت .
حور جت تبعت لرغد عشان تعتذر منها وتصالحها لقتها بعته(وتوبوا إلي الله جميعاً أيها المؤمنون لعلكم تفلحون)
حور فضلت تبعت لرغد بس ما كانتش بترد
حور راحتلها البيت عشان تصالحها دخلت سلمت علي مامت رغد
حور: هي فين رغد يا طنط؟
مامت رغد: جوه يا بنتي اتفضلي ادخلي
حور دخلت لقت ركن جميييل للصلاة وفيه مصليه جميلة بألوان زاهية وكتب دينيه .
حور حست بشوية غيرة بس ركنت الشعور ده علي جنب لقت رغد قاعدة وماسكه مصحف جميل
حور:رغد معلش والله حقك عليا مش ها تتكرر تاني
رغد: .....
حور :رغد
رغد ما ردتش علي حور قامت حور جت تمسكها لقت جسمها سايب وصرخت ونادت علي مامت رغد واتحسست نبضها لقيته واقف وفضلت تصرخ وتعيط ومامت رغد ما كنتش مصدقه وصرخت وفضلوا يعيطوا ..
الجيران اتلموا وقالوا:حرام عليكم ما تصرخوش أنتوا كده بتدوها ذنوب ...
حور: لالالا ما تسبنيش وتروحي يا رغد
وفضلت تعيط والناس خدوا نقلوا رغد وسط العياط والصراخ .
رغد اتغسلت واتكفنت وادفنت وما حدش لسه مصدق.
بعد أسبوع
حور راحت تزور مامت رغد دخلت وسلمت عليها وقعدت معاها شوية
حور:ممكن ادخل اوضت رغد ياطنط؟
مامت رغد: آه اتفضلي يا بنتي..
حور دخلت فضلت تتحس أغراض رغد لحد ما جه في ايديها دفتر ذكريات رغد لقت صورها هي ورغد وفضلت تعيط، قامت لقت النقاب بتاع رغد
وقالت:كان نفسك دايما تشوفيني منتقبه ومن غير بناطيل وأبطل أسمع أغاني يا رغد.
خرجت وقالت لمامت رغد: ينفع أخد الكذا نقاب بتوع رغد دول يا طنط
مامت رغد: إنتي ها تنتقبي يابنتي؟
حور : آه يا طنط..
مامت رغد: مبروك يابنتي خديهم .
حور هداهم وانتقبت.
بعد أربع سنين حور خلصت الجامعة كانت في كلية أصول دين بتقدير ممتاز وختمت القرآن .
راحت ل رغد قبرها ... قرأت الفاتحه وقعدت تتكلم مع رغد علي إنجازاتها...
واستمرت علي النهج ده"
..
♡____♡
