_:- يعني انتي عايزه تفهميني أن شغلك اهم عندك من البيت والعيال ؟!!!!
_:-انا مقولتش كده بس برضو يستحيل اسيب شغلي وكاريري والمكان اللي وصلتله علشان ولد وبنت لسه مدخلوش المدرسه حتي وبعدين مش فاهمه ايه المشكلة أنهم يقعدوا عند ماما وييجوا عندي الويك اند !!
حازم :- المشكلة يا هانم أن العيال بقوا مش عارفينك طفلين عندهم ٤سنين ماتعرفيش عنهم حاجه لما بيتاخدوا من مامتك بيفضلوا يعيطوا كأنها امهم مش انتي
ملك :- طب ممكن تهدي طيب هعرف ايه عن اطفال عندهم ٤سنين غير انهم بيغير البامبرز
حازم :- انتي شخصيه لامباليه بجد انا مش عارف انتي اتغيرتي كده ازاي دا انا اللي كنت بتحايل عليكي تنزلي تشتغلي علشان كنتي مكتئبه طول الوقت وانا شغلي سفر وبغيب عنك دلوقتي مش قادره تستغني عن الشغل
ملك :- الكلام اللي عندي خلص وبعدين انا كنت عامله حسابي علي واحد هما اللي جم توأم
حازم :- الناس بتحمد ربنا عليهم مش بتشتكي أن عندها توأم بجد انا قرفان منك
..................................
(في الشغل عند ملك )
ملك :- اتفضل يا فندم كل الاوراق المطلوبه
المدير :- بجد يا ملك انتي بتشتغلي اكتر من المطلوب انتي هايله ولو فضلتي علي مستواكي ده هتاخدي الترقيه اللي جايه لانك تستحقيها
ملك :- شكرا لحضرتك ويارب اكون عند حسن ظنك فيا
............................
منال :- ياختي بطه انتي عسوله اوي يا جميله انتي وكريم ربنا يحميكوا يارب
روان :- في ايه يا ماما
منال:- جميله وكريم ولاد اختك بدأوا يسندوا ويقوموا
روان :- بسم الله ماشاء الله ربنا يحميهم ، هو انتي مش ملاحظه يا ماما أن حازم وملك علاقتهم بقت مضطربه طول الوقت
منال :- ملاحظه يا بنتي بس اختك دماغها ناشفه عمرها ما تعرف تهاود جوزها أو تريحه خصوصاً أنه بيتكلم صح علشان مصلحه الاولاد
روان :- ربنا يهديهم يا امي يالله انا رايحه الجامعه سلام
......................
(في البيت )
حازم :- ملك انا هتجوز عليكي
ملك بصدمه :- انا سمعت صح والا بيتهيألي ؟
حازم :- سمعتي صح انا هتجوز عليكي
ملك :- يعني ايه الكلام ده وليه اصلا انا قصرت معاك في ايه
حازم :- قصرتي في حق عيالي وانا مش هفضل سايبهم كده بره بيتي كتير انا هجيب واحده اتجوزها تربي عيالي ونشوف مصالحي وتبقي زوجه ليا وانتي بقي اترقي في الشغل وتعملي كارير وبراحتك خالص
ملك :- انت اكيد بتقولي كده علشان تدايقني
حازم :- عمري قولتلك حاجه ومعملتهاش ؟؟؟
ملك :- هيبقي اخر يوم بيني وبينك يا حازم
حازم :- براحتك يا ملك كده كده احنا مفيش حياه بينا اصلا
..........................
ملك ببكاء :- عايز يتجوز عليا يا ماما
منال :- طب اهدي بس يا بنتي وبعدين انتي اللي منشفه راسك علي حوار الشغل ده
ملك :- مش عايزه ابقي زيك يا ماما اسيب شغلي وابوظ اللي انا بنيته وارجع اندم
منال:- وانتي تعرفي انا ندمانه والا لا
ملك :- كنت بسمعك في كل خناقه تقولي لبابا كده
منال:- كنت بقول كده علشان ادايقه لكن عمري ما ندمت اني قعدت من الشغل علشانكوا انتوا ولادي اللي بحبكوا وحبيت اربي كل عاده فيكوا صح
ملك ببكاء :- يعني أنا طلعت غلطانه كل ده وبكابر انا مش مصدقه اني ضيعت ٤سنين من عمر عيالي وانا مش معاهم علشان وهم
.................................
حازم :- انا جيت يا طنط علشان حضرتك اللي كلمتيني
منال:- تسلم يا حبيبي ، مراتك بس بتغير العيال وجايه
حازم بصدمه :- يتغير لمين وعيال مين هي مين دي اللي بتغير للعيال!!؟
منال :- مراتك يا حبيبي
ملك :- يالهوي يا ماما انتي طلعتي مستحمله كل ده دا انا مقدرتش من التعب والفرهده اللي جميله فرهدتهالي لحد ما غيرتلها
حازم :- بسم الله الرحمن الرحيم دا طلع حقيقي بقي
منال :- طب هسيبكوا تقعدوا مع بعض
ملك :- ايه رايك في التغيير لا ولسه كمان انا قدمت طلب استقاله من الشغل
حازم :-يا ملك انا مش عايزك تستقيلي انا بس محتاجك تهتمي بيا والاولاد
ملك :- يعني انت موافق اكمل شغل بس بشرط اهتم بيكوا بس كده ؟
حازم :- ايوه بس كده وكمان بحبك يا ام العيال
.......
*مش لازم نحس بقيمه الحاجه لما تضيع مننا ملك كان ممكن ماتلحقش الموقف وحازم واطفالها يضعوا منها لمجرد عناد وكبر في دماغها هي بس خلينا نتفق أن كلنا بنغلط بس مش كلنا بنلحق نصلح غلطنا قبل فوات الاوان ملك لحقت وانتوا لحقتوا والا لا ؟
تم ❤️
