اسكريب# يغفر وان كان ذنوبك مع السموات والأرض"...♥️🙈
# اسكريب# يغفر وان كانت ذنوبك ملأ السموات والارض"♥️🕊️
# غيث#💚🕊️🌿
امل : السلام عليكم ورحمه الله وبركاته♥️🕊️
البنات : وعليكم السلام ورحمه الله وبركاته🕊️♥️
امل : طبعا كلنا هنا عشان موضوع مهم " الاستغفار " ينفع يدفع يرفع ... وهل الذنوب ايه ...؟
امل : بتعمل ذنوب كتير ومش عارف تبطلها؟
بتبطلها وبترجعلها تاني!؟
كلنا بياجي علينا وقت وننتكس بس دا مش معناه إننا نبعد عن ربنا ونقول إحنا كدا كدا بنعمل ذنب وربنا مش هيسامحنا، هقولك على ملحوظه قلبوظه إياك ثم إياك ثم إياك مره كمان إنك تمل أو تبطل ترجع لربنا، متبطلش إستغفار حتى لو بتعمل الذنب ومستمر عليه إفضل إستغفر، وهقولك على شوية نصايح من اللي يحبهم قلبك وهتدعيلي إفتح مخك وركز معايا:
١- صلاة التوبه والإقلاع عن الذنب ودي أهم حاجه، مش كلنا عارفين الصلاة دي او بنصليها ازاي تعالى أعرفك عليها، صلاة التوبه دي ركعتين النبي -صلى الله عليه وسلم- نصحنا بصلاتهم بعد كل ذنب حيث قال في حديثه عن أبوبكر سمعت رسول الله ـ صلى الله عليه وسلم- يقول:" ما مِن رجل يُذنب ذنبًا ثم يقوم فيتطهَّر ثم يُصلِّي ـ أي ركعتين ـ ثم يَسْتغفر الله إلا غُفِرَ لَه"، ثمَّ قرأ هذه الآية:" وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلَّا اللهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ أُولَئِكَ جَزَاؤُهُمْ مَغْفِرَةٌ مِنْ رَبِّهِمْ وَجَنَّاتٌ تَجْرِي مِن تَحْتِهَا الْأَنْهَارُ خَالِدِينَ فِيهَا وَنِعْمَ أَجْرُ الْعَامِلِينَ " (سورة آل عمران: الآيه ١٣٥)💚.
٢- قيام الليل ولو ركعتين والوتر ثم الوتر ثم الوتر مهمه وهتفرق في حياتك جامد بإذن الله💚.
٣- صلاة الضحي ودي صلاة الأوابين بقى مهمه جداً إقرأ عنها هتحب تصليها كل يوم💚.
٤- السنن الرواتب ولو مش عارف هي إيه تعالى أقولك السنن الرواتب دي ركعات معينه كان النبي-صلى الله عليه وسلم- بيصليها ومحافظ عليها وهما ١٢ ركعه وترتيبهم كالتالي:
⬅️ ٢ قبل صلاة الفجر
⬅️ ٢+٢ قبل صلاة الظهر + ٢ بعد الصلاه
⬅️مفيش قبل صلاة العصر او بعده
⬅️ — صلاة المغرب + ٢ بعد الصلاه
⬅️ — صلاة العشاء + ٢ بعد الصلاه
وربنا قال في حديث قدسي: "وما يَزالُ عَبْدِي يَتَقَرَّبُ إلَيَّ بالنَّوافِلِ حتَّى أُحِبَّهُ، فإذا أحْبَبْتُهُ، كُنْتُ سَمْعَهُ الَّذي يَسْمَعُ به، وبَصَرَهُ الَّذي يُبْصِرُ به، ويَدَهُ الَّتي يَبْطِشُ بها، ورِجْلَهُ الَّتي يَمْشِي بها، وإنْ سَأَلَنِي لَأُعْطِيَنَّهُ، ولَئِنِ اسْتَعاذَنِي لَأُعِيذَنَّهُ" يعني هنيالك يسيدي لو إلتزمت بالنوافل (والنوافل هي الحاجات الزياده اللي بنعملها على العباده الاساسيه)💚.
٥- الصدقه لازم تخصص ولو حتى مبلغ صغير والعبره مش بالكم العبره بالنيه قال النبي -صلى الله عليه وسلم-: "والصدقةُ تُطفئُ الخطيئةَ كما يُطفئُ الماءُ النارَ".
ومش شرط تكون الصدقه فلوس النبي-صلى الله عليه وسلم- قال: " كُلُّ مَعروفٍ صَدَقَةٌ "💚.
٦- القرآن لازم يكون ليك ورد يومي لو مش حفظ عالاقل قراءة وأقرأ بتدبر وفهم للآيات💚.
٧- آخر حاجه أذكار الصباح والمساء وحدد ورد معين كل يوم بعدد معين وربنا يتقبل منك ويغفر لك وللجميع💚.
العبادات دي لو إستمريت عليها بشكل يومي هتلاقي تغيير جذري في حياتك مش ضروري تعملها كلها من أول يوم أو تلتزم بيها كلها خدها خطوه خطوه عشان تعرف تحافظ عليهم كلهم في الآخر ومتنساش ربنا قال ايه في كتابه العزيز؟ قال تعالى: " وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ " ( سورة العنكبوت: الآيه ٦٩) يعني طول ما إنت عاوز تقرب من ربنا وبتجاهد نفسك ربنا هيهديك للخير وربنا يقويك على نفسك ويثبتك يجميل💚.
أتمنى تكون إستفدت ولو بمعلومه💚.
البنات : واحنا من يقول سمعنا واطعنا🕊️♥️
# سمعنا واطعنا ♥️🕊️
