كنت واقفه في محل اخمره الكل بيبص عليا باستغراب ايوه شكلي لايدل على اني حتى محجبه نص شعري باين لقيت شاب بملامح هاديه داخل عليا بابتسامه جميله
_تومريني بحاجه يا انسه
-باحراج وتلالا دموع. لو سمحت هو سعر الخمار كام
_بنفس الابتسامه. السائده ٥٠ والمشجر ٦٠
-ش شكرا وكنت ماشيه
_رجعتي ليه يا انسه الخمار هيكون جميل عليكي
-بدموع. كانت طيبه اوي ودلتني على الطريق السليم بس سابتني ومشيت ما"تت
_بتفهم. تاب اتفضلي اقعدي نرمين هاتي عصير ليمون هنا
ممكن بقى تقوليلي مالك
-بخوف. انا همشي
_متخافيش انا والله ما هاذيكي انتي زي اختي لو حبه تتكلمي وتعيطي اتفضلي هترتاحي
- بدموع وو"جع. نور صحبتي كانت بنت جميله وهاديه منقبه كانت دايما بتعلمني اكون على الطريق ازاي اصلي الادعيه والأذكار لف الطرح تعرف انا مبعرفش الف الطرح انا اصلا مكنتش محجبه كان الكل بيشوفوني غريبه كنت لوحدي هي الوحيده اللي تقبلتني بكل عيوبي كانت صحبتي في السكن واختي كانت دايما تلف الطرحه ليا وتخليني جميله جدا ما"تت في حادثه كانت صغيره مكنش لازم تمو"ت كان لازم تعيش وتفرح بحياتها
_بهدوء. بس المو"ت مبيخترش كل واحد له معاد انا وانتي وكل الناس كل واحد جاي يادي رساله معينه ويمشي ادعيلها يا انسه هي اكيد في مكان افضل
نرمين. الليمون
بابتسامه جميله. اتفضلي يا قمر
اخدته منه وشربت شويه وبدأت اهدا مسحت دموعي وكنت ماشيه
_مش هتشتري برده
-باحراج. مش معايا غير ٣٥جنيه وحساب الموصلات
_بابتسامه. اختري الخمار اللي يعجبك وادفعي اللي تدفعيه ونرمين علميها ازاي تلف الخمار كم لفه جميله من بتوعك وبهمس اديها خمار زياده قوليها انه كادو من المحل عشان اول مره تشتري من عندنا
نرمين بابتسامه رقيقه. ماشي يا محمد
محمد. ياله اختاري الضهر بياذن هاروح اصلي وزي ما اتفقت عليها كم لفه للخمار
شروق. شكرا ليك
محمد بهدوء. لا شكر على واجب انتي زي اختي ياله في حفظ الله
وسابهم ومشي
نرمين. لون الأبيض هيبقى جميل على الدريس بتاعك
ومدت ايديها بالسلام
_انا نرمين اخت محمد
_اهلا بيكي انا شروق
نرمين. تعالي بقى نختار واقولك ازاي يتلف
اختار خمار ابيض رقيق جدا وجميل ونرمين بدأت تساعدها في لابسه وتعلمه ازاي تلفه
محمد دخل بعد شويه
_بسم الله مشاء الله سبحان الله على الجمال
شروق بابتسامه جميله. شكرا ليكوا بجد مش عارفه اقولكم ايه
نرمين. متقولش حاجه يا قمر احنا اخواتك واتفضلي
شروق. ايه دا
نرمين. دا كادو من المحل تاخدي خمار وعليه واحد هديه بما انك اول مره تشتري من عندنا
شروق. شكر بعد اذنكم
محمد بصلها بهدوء ورجع للشغل
نرمين. بتحب المختمرات انت يا محمد
محمد. طبعا ببقى سعيد لما تطلع واحده من هنا وهي مختمره ياله يا لمضه على الشغل
رجعت السكن وانا مبسوطه جدا اد ايه حلو انك تلقى حد يسمعك ويساعدك سبحان الله قلبي انشرح
صليت العصر ونمت
عدا شهرين
بدأت التزام بالصلاه وحفظ القرآن بالتجويد وبدأت اتغير تمام شكلي وتصرفاتي واحساسي بقيت احس بالهدوء والسكينه وبرَوح دروس دين وكان الدرس عن فضل النقاب
النقاب في حق المرأه واجب وهو ستر الوجه وستر جميع بدونها من الرجل الأجنبي، وكان في أول الإسلام لها أن تكشف وجهها وايديها عند الرجال وتخالطهم ثم نسخ الله ذلك وانزل الله ايه في الحجاب وهي قوله سبحانه وتعالي
بسم الله الرحمن الرحيم
(وإذ سالتموهن متاعا فاسالوهن من وراء حجاب ذلكم أطهر لقلوبكم وقلوبهم) سوره الاحزاب
انزل الله الحجاب سعه لهن وحمايته من أسباب الفتنه والرجال ايضا
خالصت الدرس وبعدها قررت اني هالبس النقاب عن اقتنع وأنه فرض عشان متساهلش في ارتداه
افتكرت اول مره لما جيت اشتري الخمار ابتسمت بهدوء وقررت ارجع لنفس المحل
_السلام عليكم ورحمة الله وبركاته
-وعليكم السلام ورحمة الله وبركاته شروق ازايك
_الحمد لله انتي عامله ايه يا نرمين وأستاذ محمد
-احنا الحمد لله كويسين جايه تشتري خمار ولا ايه
_هشتري النقاب
_بسعاده ودموع حضنتني الف مبروك يا قمر ربنا يثبتك على طاعته
-الله يبارك فيكي هتساعديني بقى البسه
_طبعا هتلبسيه ونخرج نتغدا سوا
_ماشي وهو كذلك
لابست النقاب وكان جميل جدا
نرمين. بسم الله مشاء الله زي القمر يا حببتي
_السلام عليكم ورحمة الله وبركاته
-وعليكم السلام ورحمة الله وبركاته محمد شوفت شروق بقيت جميله ازاي بقيت منقبه
_بابتسامه جميله. كنت متأكد انك هترجعي
-بسعاده. شكر جدا ليك
_كنت بدور عليكي ومستنيكي ترجعي اللي سر"قتيه
-افندم
_ممكن رقم والدك يا انسه
_ليه
-بفكر اكمل نص ديني
-ابتسمت من وراء النقاب بسعاده و دمعه نزلت من عيني
بعد شهرين
بارك الله لكما وبارك عليكما وجمع بينكما في خير
محمد. ممكن اخد شروق شويه يا عمي
ابوها. طبعا اتفضل
ابتسم و شد ايدي ودخلنا اوضتي
محمد. خلينا نصلي ركعتين لله سوا
ابتسمت وبدأ يصلي وكان أمامي كنت طايره من الفرحه
خلصنا صلى راح رافع النقاب من على وشي
محمد. على فكره انا بحبك اوي من اول مره شفتك فيها واقفه في المحل
شروق. وكيف لقلبي الا يحبك وانت اماني وطريقي وانت روح ترشدني لخالقي وكيف لذلك القلب إلا يعشقك وانت من يحبني بصدق دون مقابل
بحبك. ↵لـ صغنتوته هانم ↻".
