#اسكريبتـ💛💛
- ماما انا راحه الجامعه
- متتاخريش
- حاضر
- بلاش صوت عالي و الضحك بصوت عالي
- حاضر
- بلاش لسانك يطول على حد
- حاضر
- بلاش خناقات
- حاضر
- ترجعيلي بالسلامه يا "شَريفه"
- الله يسلمك يا ام شَريفه
خرجت من البيت وانا طبعا حافظه قوانين ماما إلى كل لما انزل حتي لو هجيب حاجه من جنب البيت لازم تقولي كده ، هل اصحبت سُمعتي سيئه ؟؟ الله اعلم مش عارفه
وصلت للجامعه و مشيت بسرعه على المحاضره إلى لسه فاضل عليها ربع ساعه ، لقيت صحبتي جنات قاعده مستنياني
قعدت جنبها وانا فرحانه اني شوفتها
- شَريفه عامله ايه وحشانى أوى
- الحمد لله ، وأنتِ وحشانى اكتر اخبارك ايه؟
- ادام الله حمدك وافرح قلبك، انا الحمد لله فى زحام من النعم
- ياري دايما ، بقولك ايه بعد المحاضره دي هنروح نأكل محشي
- عندك
- اه ماما عامله ٣ حلل محشي واحد ورق عنب والتانيه بتنجان والثالثه كرونب
- لا كده طنط مدلعانا
- امال نعمل ايه فى الجو التلج ده
- طب انا كده هبات عندكم
- ياريت تنوري، بس فى مشكله صغننه كده
- ايه ؟؟
- حسن رجع من الجيش انهارده
- كده انا مش هقدر اجي
- حتي علشان المحشي
- لا المحشي ده أنتِ تجيبيه وتجيلي
- لا يا اختي إلى عاوز حاجه يروح ليها
- كده طيب يا شَريفه
- طب بصي تعالي ونقعد فى اوضتي وكده كده حسن هياكل وينزل يسلم على أصحابه
- ماشي
دخل الدكتور ، وبدأ يشرح لنا الدرس ، بعد فتره جنات كانت بتشرب و كبت الميه على لبسها
بصوت واطي- ايه ده يا مجنونه حد يعمل كده ، أنتِ طفله
- خلاص اسكتي هنطرد
- سكت اهو
الدكتور خلص وانا بصيت على جنات إلى خمارها نصه مبلول بصراحه كان شكلها مضحك جدا
بدأت اضحك بصوت عالي وانا متناسيه قانون ماما
جنات : خلاص كفايا ضحك
- مش قادره شكلك مضحك اوي هههههه
- متنمره
- انا!
- اه ، يعني ينفع تشوفي صحبتك كده وتضحكي عليها
- احم .. لا طبعاً ، متزعليش مني
- ماشي تعالي بقي معايا اغير الخمار
- معاكي خمار تاني
- اه فى الشنطه
- كويس عامله حسابك
خلصت لف الخمار طلعنا من الحمام و لسه بنمشي لقيت واحد مش محترم عمال يبص علينا وانا مش بحب كده ، لا واتجرا وقرب مننا علشان يكلمنا
*اي السكر ده ... طب رقم الفون
كان هيمسك ايدي إلى عزيزه عليا جدا محدش بيمسكها غير عدد قليل جدا ، ولكن قبل أن يفعل اي شي معي
لقي قلم نزل على وشه مني وضربته تحت الحزام برجلي ، اسكت لا طبعا مسكته من شعره وصرخت فى ودنه باعلي صوت ، خليت ودنه تتخرم
*حرام عليكي يا مفتريه لااااااا
- احسن تستاهل علشان تبطل قله ادب
- خلاص يا بنتي سبيه
- ابدا لازم يعتزر ليا
• اعتزر ايه وأنتِ مسحتي بيا الجامعه كولها
- يعني أنا عملت كده من غير سبب ولى حضرتك حاولت تتحــ.ــرش بيا
*ده انا عيل ، وواحد مش كويس اني فكرت بس اقرب منك
- طب مهو من الاول يعني لازم تضرب
*طب سيبيني وانا ولله مش هقرب منك تاني
- لا لازم تعتزر ليا
