-ابراهيم: يعني إيه هنسيب بعض انتي بتهزري ولا ايه؟؟!
-رنا بدموع وخنقة: لامبهزرش
-ابراهيم: فيه ايه هي هبت منك ولا ايه إحنا بقالنا سنتين مع بعض ايه اللي اتغير انا مش فاهم؟
-رنا: اللي اتغير اني عرفت أن كل اللي احنا فيه ده حرااام في حرام مكالمتنا ومقابلاتنا كل حاجه حرفياً وواجب علينا نستغفر ونطلع صدقات عشان ربنا يسامحنا ويغفر لينا..
-ابراهيم: انا مش فاهم بقيتي شيخة كدة امتي
-رنا: انا مبقتش شيخة كل الفرق اني عرفت الحرام من الحلال وربنا حب يهديني ويردني ليه وكمان انا قررت اتحجب..
-ابراهيم: اتحجبي انا مقولتلكيش حاجه وكمان انا من زمان وانا بعرض عليكي وانتي بترفضي
-رنا : انا عارفه اني كنت غلط بس الحمد لله فقت ولازم انت كمان تفوق معايا من الغفلة دي انا هبعتلك فيديوهات تسمعها عشان تقتنع إن كل ده حرام وهعمل بلوك
-ابراهيم: طيب اعرف حرام ليه وازاى ما امك وأخواتك وأمي واخواتي عارفين اننا بنحب بعض ومستني أخلص جيش واجي اتقدملك والله أنا ما بكدب ولا بلعب بيكي صدقيني
-رنا: انا عارفة انك مش بتكدب ولا بتلعب بيا بس ده حرام وبعدين امي واخواتي وامك وأخواتك عارفين بس ابويا وابوك مش عارفين رجالة البيت ميعرفوش وحتي لو يعرفوا ده ميمنعش انه حرام وهو احنا المفروض نخاف من رجالة البيت لكن بالنسبالنا إن ربنا عارف ده عادي يعنى هنخاف من ابويا وابوك ومش هنخاف من ربنا؟؟!! وأمي وامك مش هيحوشوا عننا نار ربنا لما نيجي نتحاسب ومفيش صداقة أصلا بين الولد والبنت نهائي مهما حاولنا نحرف في الموضوع ده زيه زي المسلمات اللي ربنا حاططها
-ابراهيم: انتي بتمسكيني من ايدي اللي بتوجعني يعني عشان عارفه انى مش هعرف اجي اتقدملك في الوقت ده
-رنا: ولا بمسكك ولا اي حاجه انا واخدة القرار اصلا ومش هرجع فيه
-ابراهيم: يعني انتي بتبلغيني بس يعني اصلا موافقتي من عدمها مش فارقه طيب انا هونت عليكي للدرجادي
-رنا: مهونتش صدقني بس من ترك شيئا لله عوضه الله خيرا منه وانا هستودعك عند ربنا ولو لينا خير في بعض هيجمعنا وهنكون نصيب بعض.. سلام يا ابراهيم..
استوووب انا رنا تالتة كلية اداب قسم تاريخ وده ابراهيم جاري هو مش جاري اوى هو بعد مننا بكام شارع صغير وبنحب بعض من سنتين وبنتكلم وبنخرج عادي وانا علي الله حكايتي في الدين معرفش فيه اي حاجه ولا حتي كنت أعرف انه حرام حتى انا مش محجبة ولا عندي اي حدود في اللبس اللي بيعجبني بلبسه ولأن اهلي اتأخروا في الخلفة وجيت بعد مدة طويلة فكل حاجة بعوزها بلاقيها ومفيش حاجه بيتقالي عليها لا،، حتي في الدين محدش علمني حاجه ولا حد كان بيقولى ده حرام وده حلال بل بالعكس لو غيرت لون شعري بيصقفولي ولو غيرت حاجه في لبسي اوحش من الاول بيتقالي الله جميلة عليكى وكنت في يوم في الجامعة وده كان اليوم الفيصل لياا..
رنا: يا بني اقفل بقي بقالنا كتير بنتكلم
ابراهيم: ايه زهقتي مني ولا ايه
رنا: لا طبعا مقدرش ازهق منك هو بس كل الحكايه اني فوت محاضرة وشوية والتانية هتبدء فمكنتش عايزة اضيعها عليا
ابراهيم: لا طالما مستقبلك فخلاص لقد عفونا عنكم يلا سلام..
رنا: مع السلامه يا حبيبي..،، وبتقفل رنا المكالمة بتلاقي بنوتة جاية عليها بتقولها:
رضوي: السلام عليكم ورحمة الله وبركاته
رنا: وعليكم السلام
رضوي: ردي السلام كامل علشان تاخدي ٣٠ حسنة كدة اخدتي ١٥ بس ليه تتحرمي من الرحمة والبركة واحنا أصلا محتاجينهم؟؟
رنا: ده كله عشان مكملتش باقي السلام؟؟!!!!
رضوي: طبعاً انتي مستهونه بالباقي دول وبعدين بصراحه انا جيت اقولك على حاجه..
رنا: اتفضلي سامعاكى..
-رصوي: بصراحه انا سمعتك وانتي بتتكلمي في الموبايل بس والله سمعتك غصب عني مكنش قصدي..
-رنا: وايه يعني حتى لو قصدك
-رضوي: لا طبعا مينفعش ده يعتبر تجسس
-رنا: امم.. فهمت.. بس برضو اعذريني انا مش فاهمة برضو عايزة توصليلي ايه
-رضوي: صدقيني انا عايزة مصلحتك وكمان طالما سمعتك ومنصحتكيش كدة أنا كمان هتحاسب
-رنا: وتتحسبي ليه مش انا اللي بعمل مش انتي
-رضوي: وطالما لقيتك بتعملي حاجه غلط واجب عليا ولازم انصحك ولو منصحتكيش هاخد ذنبك وانا بصراحه مش حمل ذنوبي لما اتحمل ذنوب غيري
-رنا: وايه هي النصيحة اللي حابة تنصحيهالي..
-رضوي: أنا عارفة انك ممكن تستائي من كلامي وممكن أو اكيد ميعجبكيش بس انا هخلص ذمتى من ربنا بصراحه كدة كلامك مع الشخص ده حرام جدا كمان
-رنا: ليه حرام انا مش بكلمو من ورا أهلي انا مامتي ومامته واخواتنا عارفين
-رضوي: بأمانة يا رنا رجالة البيت عارفين ولا لا
-رنا: بصراحه لا
-رضوي: شوفتي بقاا وعلى فكره ده مش حب انتي كدة رخصتي نفسك اوي وبالعكس لو كان دخل البيت من بابه من اول مرة كان باباكي هيغليكي بالقوي والتاني ده مكنش هيقدر يعايرك بعد كدة حتي لو صدق واتجوزك بعد الجواز هيكون فيه خناقات كتير ومعايرة وقعدت رضوى تتكلم مع رناا وقت طويل جدا حتي رنا فوتت المحاضرة التانية ولأن رنا
مكانتش تعرف اي حاجه عن دينها كانت بتستمع لرضوي بذهول وحب وخوف وكم من المشاعر المختلطة كتير اووى وبعد وقت طويل خدت رضوى رقم رنا علي وعد أنهم هيتكلموا تاني وإن رضوى متسبش رنا إلا لما تعلمها كل حاجه في دينها وإن رنا كانت حزينة جدا على الغفلة اللي كانت فيها..
-رضوي: ماشي يا رنوشة انا اتشرفت كتير اوى اني قابلتك واتكلمت معاكي بصراحه مكنتش متوقعة القبول اللي فيكي ده وانك هتستمعي للنصيحة بدون عصبية
-رنا: انا مدايقة جدا علي الغفلة والوقت اللي ضيعته بدون معرف حاجه في ديني بس الحمد لله أنه جعلك ليا سبب اني اعرف وصدقيني هعمل بكل اللي قولتيه
-رضوي: بإذن الله يا حبيبتي
-رنا: متنسيش بقاا لما تروحي تبعتيلي اللي قولتيلي عليه
-رضوي: آه اصدك علي فيديوهات الشيوخ وكدة
-رنا: آه بصراحه متحمسة اعرف
-رضوي: حاضر من عونياا يا جميل.. وبتمشي رضوي وبتمشي رنا هي كمان وكانت واخدة قرار ومحددة الهدف أنها مش هتكلم ابراهيم تاني ابدا وأنها هتتغير وتغير لبسها وتمشي على كلام نبينا الكريم ونوت أنها تتحجب ودعت ربنا إنه يقدرها ويساعدها ويغفر ليها ويديها القوة والثبات لأنها بتحب ابراهيم جدا بقالهم كتير بيحبوا بعض وصعب عليها اوى تبعد عنه بس هي تركته لله واستودعته عند ربنا..
-نرجع للوقت الحالي رنا بفضل الله ربنا هداها واتحجبت والتزمت في لبسها وصاحبت رضوى وحبتها جدا وعملت لابراهيم بلووك..
-بعد حوالي شهرين بتبقي راجعة من الكلية وإبراهيم راجع اول إجازة ليه من الجيش بيشوفوا بعض بس رنا اول ما بتشوفه وبتبص في عينيه بتحس نفسها هتضعف وتروح تكلمه بتغض بصرها وبتستغفر ربنا وبتمشي بسرعة جدا كأن حد بيجري وراها لحد ما بتوصل البيت وبعدين بتتدخل تغير وتتوضي وتصلي وبتفضل تدعي ربنا إن يكون من نصيبها وبعدين بترن علي رضوى..
-رنا: ألو.. السلام عليكم ورحمة الله وبركاته
-رضوي: وعليكم السلام ورحمة الله وبركاته يا جميل عاملة ايه اخبارك
-رنا: الحمد لله بخير.. رضوى انا شوفته
-رصوي: ابراهيم؟!!.. شوفتيه فين
-رنا: شوفته وانا راجعة وكمان هو كان راجع من الجيش انا جريت من قدامه بسرعة وجيت اتوضيت وصليت وبعدين كلمتك انا مخنوقة اوى يا رضوي حاسة أن قلبي بيوجعني كان نفسي أكلمه
-رضوي: حبيبتي متخافيش انتي استودعتيه عند ربنا وإن شاء الله ربنا هيعوضك خير متقلقيش يا بخت من صبر قلبك هينول مراده وهتقولي ياه قلبي نال بعد ما صبر
-رنا: آه إن شاء الله هيعوضي بس يكون هو العوض
-رضوي: بس ممكن يا حبيبتي ميكنش خير ليكي وربنا يبعده عنك.. فقولي يارب إن كان خيرا لي في ديني ومعاشي وعاقبة آمري عاجله واجله فقربه مني وقربني منه وإن كان شرا لي في ديني ومعاشي وعاقبة آمري عاجله واجله فصرفه عني واصرفني عنه ثم اكتب لي الخير حيث كان ثم ارضني به وهو بإذن الله اكيد هيرضيكي متخافيش تفائلوا بالخير تجدوه إن كان خيرا فهو ذلك وإن كان شرا فهو ذلك برضو ارضي بقضاء الله وقدره وارمي حمولك عليه وسلمي امرك ليه وهو خير وكيل صدقيني ومتحمليش هم حاجه خالص
-رنا: حاضر إن شاء الله دمتي لي خير سند الصاحب ساحب ويا بخت من صاحبه ساحبه لطريق الخير ربنا يديمك ليا يارب
-رضوي: ويديمك يا حبيبت قلبي
-وبتخلص رنا سنة تالتة وبتمر الايام وبتخلص سنة رابعة وبتتخرج وبعدين بيجيلها عريس..
-مامت رنا (يسرية): رنا حبيبتي اجهزى يلا يا ماما عشان في عريس جاي بليل بإذن الله وباباكي قالي اعرفك عشان تجهزى هو جاي إن شاء الله الساعة ٨
-رنا: انتوا كدة بتبلغوني وبعدين مين قالكوا اني موافقة اصلا
-يسرية: لو تقدري تقولى لابوكى الكلام ده روحي قوليله
-رنا: بهزر يا رمضان ايه مبتهزرش.. ايه يا سوسو خدي وادى كدة بشكل ودي بهزر معاكي متبقيش قفوشة كدة
-يسرية: ماشي ياستي الفرفوشة قومي اجهزي واخدالي اليوم كله نووم ومبتعمليش في حياتك أي حاجه
-رنا: لا مهو انا هكمل نووم
-يسرية: نعم يختي آمال انا بهري فى ايه من الصبح
-رنا: لا منا مش موافقة عشان كدة اتجوزوه انتوا انا مالي.
-يسرية: آه ما انتي مش هتيجي إلا بالعين الحمرا انا عارفة يااااااا سعييييد
-بتتنطر رنا من على السرير ايه ياحجة بهزر معاكي خليك رويح يابا رشدي وكل بصل كتير 😂
-وبتروح رنا تتوضي وتصلي وبعدين تقرء حبت قرآن وبعدين بتقول لنفسها:
-رنا: انا قلبي لسة موجوع عليه بس اكيد ربنا الاعلم بالخير ليا وانا سايباها على ربنا وبعدين بتقول:
-اما نشوف الاستاذ عريس الغفلة ده وهنطفشه ازااي
-بيعدي شوية وقت وبتجهز رنا وبترن على رضوي عشان تقولها ورضوي بتكلمها وبتحاول تطمنها وبتقولها اول ما يمشي طمنيني وكدة وبتقفل معاها وبينادوا عليها برة عشان تدخل تقدم القهوة وكدة وبتدخل وبتتفاجئ بإبراهيم واهله وبتقف مكانها زي الصنم بالظبط ومبتبقاش قادره تتحرك خالص من كتر الصدمة..
-ابراهيم رفع عينه لقاها عاملة كدة راح مبتسم اوى وبعدين بتقوم مامتها تفوقها وبتقدم القهوة بتوتر جامد وبعدين بتقعد جنب والدها وبيرفع ابراهيم راسه لقاها متنحة ليه ومصدومة راح غمز ليها بعنيه وضحك وراح مكمل كلام مع الباقي ورنا راحت مبتسمة زي الهبلة كدة وفضلت متنحة شوية وبعدين بعد شويه سبوهم لوحدهم شوية..
-ابراهيم: ايه كنتي فاكراني هسيبك تروحي لغيري ولا ايه علي فكرة انا كمان استودعتك عند ربنا يا ملاكي وجيه الوقت اللي اخد فيه امانتي لبيتي وبيقعدوا يتكلموا شوية ورنا كانت هتموت من الفرحة وبيقولها أنه هو اللي طلب من أهلها محدش يجيب ليها سيرة وبعدين بعد شويه وقت مشيوا واتفقوا على كتب الكتاب علي طول وبتروح رنا تتنطط في اوضتها وبترن على رضوي وبتقولها وهي فرحانه وبتضحك جامد وبتبارك ليها رضوي.. وبعد كام يوم بييجي ميعاد كتب الكتاب بتروح رضوى لرنا من بدري وبعدين بتجهزها وبييجي الوقت بيقفوا ورا الباب يشوفو المأذون وهو بيكتب وبعد شوية بتروح تمضي وبتسمع المأذون بيقول " بارك الله لكما وبارك عليكما وجمع بينكما في خير" وبترتفع الزغاريد وكلهم فرحانين ليهم وبيدخلو رنا في اوضة وبيدخلو ابراهيم عشان يسلم عليها بعد ما سلم على اللي براا.. بيدخل وأول ما بيشوفها بيبوسها من راسها وبيحضنها وبيقولها:
-" أنتِ الذي يتباهى بك الورد يا سيدة الورود ، فكيف لي ألا أتباهى بكِ محتاجك جمبي في كام مشوار هياخدوا مسافة العمر يادوب " ✨❤️.
- ردت رنا عليه وقالت:
-"جِئتَنِي يُوسُفِيَّاً فَمَحَوْتَ بِدَاخِلِي السَّنَوَاتِ الْعُجَاف..
فَالْقَلْبْ يَعْقُوبِيّ وَلَا يَرْضَي بِغَيْرِكَ أَنتَ مُؤنِسَهُ... بحبك"❤️
- ابراهيم: وانا بموت فيكي يا حبيبت قلبي.
- تمت بحمد الله..
- نتقابل في اسكريبت جديد بإذن الله..
