كان شاب من قرية مصرية بسيطة جدًا وأهله ناس فقراء لكن كان كل حلمهم يشوفوه حاجة؛ هو مقصرش فعلاً وحاول بكل جـهده يـرد لـيهم تعبهم بالـنجاح والإجتهاد ، بـس مـش دايمًا الظروف بتكون في صالح الشخص لكن من المؤكد إن تدابير ربنا عظيمة وأكيد كل شئ بيحصلنا خير عشان هو رحيم.
جاله منحة دراسية في أمريكا لإنه كان ممتاز جدًا لكنه رضى بظروفه ومـقالش لأهله ولـما أهله سـمعوا الـخبر مـن صحابه شجعهوه وباعوا قيراط الأرض اللي عايشين منه.
كل ده عشان ميقصروش معاه!
بيقول:
محبتش أضيَّع تعبهم في تربيتي وأتخلى عن أخلاقي ومبادئ ديني لمجرد أكون متحضِّر زي صحابي الأجانب.
في وقت فراغي يا إما أحفظ قرآن أو أكلم أبويا وأمي يا كنت بقعد أسمع دروس دينية؛ وفـي مرة ركبت الأسانسير وفـجأة لاقيت بنت ركبت معايا .. مبصتش عليها بـصراحة وغضيت بصري رغم إن شيطاني كان بيقولي:
" ما تبص ياعم ودلع نفسك وبعد كدا أبقى أقعد أستغفرلك شوية "
بس كنت بغلبه على قد ما أقدر وقدر أستطاعتي، مش بقول إنـي شيخ بـس بحاول أرضي ربنا ومـش عاوز أنسى أصلي وإني كنت في يوم فلاح واتربيت على إيد ناس غلابة.
الغريب في الأمر إنها مكنتش مرة وخلاص والبنت دي ركبت مـعايا كذا مـرة وبرضو كنت بحط راسي في الأرض أو بقعد ألعب في موبايلي وفي مرة خرجت عن سكوتها وقالت كلام فيما معناه:
" أنت مش بتبص عليا ليه؟ أنا واخدة لقب مـلكة جمال قبل كدا وأي حد بيشوفني بيصاب بالإنبهار وبيحاول يكلمني بأي طريقة "
وقفت معاها ما يُقارب نص ساعة وشرحتلها إني مسلم وإن ديننا بيأمرنا بغض البصر حفاظًا على النفس وعلى المرأة وإن البنت عندنا جوهرة مش سلعة كله يبص عليها زي ما يحب وبأي نظرة حتى لو كانت شهوة🌝!
فجأة لاقيتها بتقولي " هو أنا لو دخلت دينك تتجوزني؟ "
ياحلاوة ياولاد؟
دي فرصة ولا في الأحلام!
فعلاً وافقت اتجوزها وخدت الجنسية الأمريكية ولإن مركزها ومكانتها كانت كبيرة اشتغلت في أحسن الاماكن.
هي التزمت جدًا وكمان قدرت أعوض أهلي عن أي تعب🩷.
مكنتش مُتخيل إن ربنا يرزقني بكل ده لمجرد بس إني أغض بصري!
مجاش في بالي غير قول الله تعالى" ومن يتق الله يجعل له مخرجا ويرزقه من حيث لا يحتسب " 🧸🩷
ربنا يقر عيونكم بعوض ينسيكم حزن الدنيا 🩷.
وتذكر أنه من يتق الله يجعل له مخرجا 🩷.
#غض البصر 🌝🩷.
