كانت واقفه تناظر انعكاسها على المسبح و دموعها تنزل ع خدها مدت يدها وهي تمسح دموعها رفعت راسها وهي تطالع حولها مافي احد غيرها مر على موت الجد اسبوعين كامل واكثر وبقت وحيده في القصر لوحدها بدون اي احد ، جلست ع دكة المسبح وهي تطالع بهدوء وبيدها شماغ جدها تشمه وتبكي،
فقدت امها وفقدت ابوها واختها حور وهالمره فقدت جدها ،
مدت يدها تطالع بجوالها تشوف صورة الجد و دموعها تنزل،
-
= عند جاسر =
-
رفع يده يطالع بـ ساعته وناظر للوقت توجه وهو يفسخ الثوب ويلبس بدلته رن جواله اخذه ونطق : متى الاقلاع؟ تمام جاي في الطريق ساعات وانا عندكم ، قفل جواله وتوجه نزل من الدرج رفع نظره وهو يشوف ابوه جالس يفطر : السلام عليكم،
نآهل بهدوء : وعليكم السلام ،
جاسر : في اخبار جديده ولا كيف؟
نآهل هز راسه بالنفي : بنت ذياب لوحدها في القصر ،
جاسر سكت لثواني ونطق : و ايش تفكر فيه؟
نآهل : اروح شركة ابوي و راح اطلع جواز سفرها تسفرها للخارج لكن قبل لازم توقع على الاوراق وتصير القصر باسمك!
جاسر عقد حواجبه : كم عمرها هي؟
نآهل : ماهي طفله كبيره و واعيه وما تمشي الا بتهديد وابغاك تحجز لها تذكره و تسفرها باقرب وقت تطلعها من السعودية!
جاسر سكت و رفع كفه : استاذنك يبه ان رجعت نتكلم،
توجه طلع من البيت رفع نظره وهو يشوف البيت الي قدامه
٠ عايشين في شقه كبيره جهه اليسار بيت غازي واليمين لنآهل ،
سكت وهو يطالع بـ فيصل الي وقف سيارته والتفت عليه بهدوء وصد عنه وتوجه لداخل " فيصل وجاسر بينهم مشاكل وما يطيقون بعض وشخصيتهم تختلف كثيرر '
جاسر توجه وهو يركب سيارته ،
-
حور نزلت من الدرج وهي تركض و شوق وراها تلحقها ،
فيصل دخل و رفع نظره : اطفال انتم اطفال!
حور سكتت ووقفت والتفتت على شوق : جاء النفسيه ،
فيصل : انتي روحي مشطي شعرك الاندومي ويصير خير ،
حور رفعت نظرها : مالك دخل بشعري ،
فيصل سكت وتوجه لغرفته ،
شوق بضحكه : تكفين متى تخلص مشاكلكم و هواشكم!
حور : يع مريض يقهر ي شوق ما اطيقه.
شوق : اقول هاتي جوالي ركضت وراكِ عشان جوالي ،
حور مدت لها جوالها : انقلعي بدخل المطبخ اساعد خالتي ،
توجهت دخلت و ابتسمت : وش مسويه خالتي؟
ام فيصل التفتت عليها و ابتسمت : ملوخيه يابنتي فيصل طلب قبل يروح الدوام قال مشتهي ملوخيه من يدينك ،
حور سكتت بهاللحظه دخل فيصل وهو لابس شورت و هودي ونطق : يمه ميت جوع جيبي لي الاكل لغرفتي ،
ام فيصل ناظرت لـ حور : خذي له الاكل لغرفته ي بنتي ،
فيصل ابتسم وناظر فيها : بسرعه لا تتاخرين ،
حور ناظرت فيه بقهر و تنرفزت وهمست : خالتي بكلم شوق،
فيصل...
حور ناظرت فيه بقهر و تنرفزت وهمست : خالتي بكلم شوق،
فيصل : استعجلي انتظرك بسرعه ،
ام فيصل : خلي عنك شوق بسرعه خذي له ،
حور تنهدت بقهر ومدت يدها اخذت الصينيه وتوجهت لغرفته، دفت الباب برجلها ودخلت ناظرت فيه كان جالس على السرير ومشت وهي تحط الصينيه على الارض : شيله بنفسك ،
فيصل بحده : جيبييي هنااا ولا انادي لك امي ،
حور : ماني شغاله عندك ، وصدت طلعت من الغرفه ،
فيصل ضحك بخفه وقام توجه اخذ الصينيه ،
-
غرور وقفت عند الشباك وهي تطالع بهدوء للشارع نزلت نظرها وهي تشوف سيارة جدها ابتسمت بخفه ونزلت دموعها مدت يدها وهي تمسح دموعها توجهت وهي تنسدح على السرير وتحس بخوف لاول مره تكون لوحدها في البيت حتى الشغاله في المستشفى لانها تعبانه ، انسدحت بخوف تحاول تنام ،
-
نآهل وقف بهدوء وهو يطالع بجواز السفر حقت غرور لقاها بمكتب الجد ولانه الجد محتفظ بكل شيء في الدرج وقف بهدوء وهو يطالع فيها فتحه وهو يقرا الاسم " غرور بنت ذياب'
رمى جواز السفر قدامه و ابتسم بسخريه وهو يطالع بحده ،
-
شوق كانت حاطه السماعات و منطربه على الاغنيه رفعت راسها وهي تشوف حور داخله وتسب فيه ،
شوق : هيهيهي انتي خير ما اسمح لك ترا اخوي!
حور : والنعم فيه التبن ،
شوق بضحكه : وش مسوي لك؟
حور : شايفني شغاله عنده ، توجهت وهي تجلس ع طرف السرير و تنسدح: اوف شوق ميته نوم طفي اللمبه ،
شوق : فكيني حور مابي انام ابي اسهر ،
حور : فيني نوم روحي للصاله تفرجي ،
شوق تنهدت بقهر ومشت طلعت من الغرفه ونزلت تحت توجهت للصاله عقدت حواجبها وهي تشوف باب البيت مفتوح توجهت تطالع من الشباك وهي تشوف فيصل مع خويهه ،
-
فيصل : اي من زينه هو وجهه ،
تركي : يطيح فيه الطياره و تفتك ماعليك ،
فيصل : ي ابن الحلال ناقصين حنا نكلف عليه و ذبيحه وعزاء خله كذا لا يموت احسن و نبتلش ،
تركي بضحكه : ما تبيه يموت ولا تبيه يعيش حدد شتبغى ؟
فيصل : لا تجيب طاريه بس ،
تركي : تخاويني ننزل على الطايف؟
فيصل : مافي زي الحائل خلنا هني ،
تركي : والله يمدحون اجواء طائف هاليومين ،
فيصل : ميتين حر العالم كله وانت تقول يمدحون ،
تركي سكت و رفع نظره من وصل ابو فيصل ، نزل من سيارته وهو يشوفهم واقفين ونطق : السلام عليكم ،
ردو السلام ، وتركي توجه يسلم عليه : كيفك عمي ،
غازي : بخير ياولدي بخير الله يرضى عليك ، والتفت لفيصل ونطق : عمك نآهل موجود في البيت؟
فيصل هز راسه بالنفي : لا من الصباح سيارته مو موجود ،
غازي : احد منكم راح لـ قصر جدكم للعزاء؟
فيصل : ...
غازي : احد منكم راح لـ قصر جدكم للعزاء؟
فيصل : عمي نآهل رفض وحلف اي احد يخطي خطوه من هالبيت ويروح العزاء ما يصير له خير ،
غازي تنهد وسكت بهدوء وهو يتوجه يدخل البيت ،
تركي التفت على فيصل : منجدك عزاء جدك وما تروح!
فيصل : يا ابن الحلال محد يعترف بوجود جدي من زمن طويل قاطعين علاقتنا فيه للابد والسبب ورث وما ورث ،
تركي : والله ما ضيعكم الا هالورث يلا يلا بمشي انام ،
فيصل : تصبح على خير اجل نتقابل بكره ،
-
جاسر رفع نظره وهو يشوف الطياره قدامه رفع يده يطالع بالساعة سكت بهدوء وهو يلبس الكاب ويتوجه يدخل ويناظر انهم ينظفون الطياره و يشيكون توجه وهو يدخل ويجلس واخذ الاوراق وهو يطالع التفت ع جواله وهو يقفله ،
رفع نظره بهدوء وهو يتذكر كلام ابوه قبل شهر بالضبط ،
"
كان جالس بغرفته وجواله بيده يطالع بصورة جده بالمستشفى،
نآهل التفت عليه ونطق : بيموت بيموت ،
جاسر رفع نظره بصدمه : يبه !
نآهل عقد حواجبه : لا تقول يبه ي جاسر! لا تتكلم بذي النبرة ! ابوي ما فكر فيك ولا فيني همه بنت ذياب! نشوف الحين مين راح يهتم فيها وين تروح مني! بسببها هي وبسبب ابوها ذياب جدي تبرى مني ولا فكر انك انت اول حفيد والفرحه ببيته!
جاسر سكت بهدوء ونطق : وبنت ذياب اول حفيده ببيته ،
نآهل بسخريه : وانت ولاشي معناته!
جاسر رفع نظره : يبه عندنا خير الدنيا كله وش ناقصنا؟
نآهل بحده : قصر جدك راح اسجله باسمك والحين فرصتي جدك في المستشفى وانا متاكد ماراح يطلع حي منه ،
جاسر اخذ نفس وسكت بهدوء ،
-
غرور فزت من نومها على حلم مُرعب اخذت نفس وهي تطالع بـ يمين يسار ونزلت من السرير وهي تركض تنزل تحت وتصارخ جدي جدي!! لكن سكتت من استوعبت انه مات تجمدت بمكانها وهي تتمسك باطراف الطاوله وتجلس ودموعها تنزل ،
شدت على يدها ودموعها بعيونها رفعت راسها وهي تطالع بانحاء القصر بقت وحيده لوحدها في هالقصر الكبير ،
توجهت بهدوء وهي تفتح الباب طلعت للمكان الخارجي وهي تطالع بالمسبح مدت يدينها وهي تضم نفسها وتطالع بصمت ،
رفعت راسها وهي تطالع بالسماء اللي يتلون باللون الازرق وكثرة النجوم اخذت نفس وهي تستنشق الهواء ،
-
جاسر ناظر للصبح الي شرق وحرك الطياره كان يسوق بصمت وقدامه صاحبه مشاري ، جاسر كان يسوق وكل عقله مو معه ،
مشاري ناظر فيه ومد يده لكتفه ونطق : انتبه جاسر ،
جاسر هز راسه بـ اي وهو يتعوذ من الشيطان ،
مشاري كان خايف وهو يعرف انه واضح متضايق من شيء ،
جاسر شد على يدينه وهو يطالع قدامه ، كانوا بوسط السماء ،
مشاري ابتسم ونطق : كابتن جاسر شد حيلك ،
